Լևոն Զուրաբյանի եւ Վահագն Խաչատրյանի գնահատականը նոյեմբերի 5-ի բախումների վերաբերյալ
06.11.2013
12:00
Նոյեմբերի 5-ի բախումների հետևանքով բերման ենթարկվածների մեջ եղել է 11 մարդ, ովքեր որևէ հակաիրավական գործողություն չէին կատարել, և հետագայում ազատ են արձակվել: Այս մասին ասաց Ազգային ժողովի «Հայ ազգային կոնգրես» խմբակցության ղեկավար Լևոն Զուրաբյանն այսօր՝ «Մեդիա կենտրոնում» անցկացված ասուլիսի ժամանակ:

«Բացարձակապես չենք հավակնում, որ դա լրիվ ցուցակ է»,- ասաց Զուրաբյանը: Նա հավելեց, որ երեկ՝ դեպքից հետո՝ ոստիկանապետի հետ հանդիպման ժամանակ, ինքն ու ՀԱԿ խմբակցության քարտուղար Արամ Մանուկյանը հստակ ասել են, որ չեն կարող հանդուրժել որևէ մեկի ձերբակալությունը, եթե չկա լիարժեք ապացույց, որ այդ մարդը կատարել է հակաօրինական արարք: 

Լևոն Զուրաբյանը չի բացառում, որ նոյեմբերի 5-ի բախումներից հետո նոր քաղբանտարկյալներ կարող են հայտնվել: Նա հիշեցրեց, որ ԵԽԽՎ-ն քաղբանտարկյալ է համարում անգամ այն մարդկանց, ում նկատմամբ կիրառվել է անհամաչափ պատիժ: Միաժամանակ Զուրաբյանը կոչ արեց չշտապել: Նա խոստացավ, որ իրենք կհետևեն դեպքի զարգացումներին և կբարձրաձայնեն, եթե Շ.Հարությունյանի վիճակը համապատասխանի այն 5 չափանիշին, ըստ որոնց՝ ԵԽԽՎ-ն տվյալ անձին համարում է քաղբանտարկյալ: 

ՀԱԿ խմբակցության ղեկավարը երեկ կատարվածում առաջին հերթին մեղադրում է իշխանություններին: Զուրաբյանի խոսքով՝ այս ռեժիմը երկիրը հասցրել է այնպիսի անելանելի վիճակի, որ շատերը այլևս այլ ելք չեն տեսնում, քան ամենածայրահեղական, ընդհուպ մինչև ապօրինի միջոցներով փորձել ազատել երկիրը ռեժիմից: 

Զուրաբյանին համակարծիք է ասուլիսի մյուս բանախոսը՝ ՀԱԿ ներկայացուցիչ Վահագն Խաչատրյանը: Վերջինն ասաց, որ իշխանությունը որևէ քաղաքացու հնարավորություն չի տալիս իրավական դաշտում պաշտպանել իր իրավունքները և ժողովրդին հասցրել է այնպիսի ծայրահեղ վիճակի, որ մարդիկ ամեն ինչի պատրաստ են իրավիճակը փոխելու համար: 

Նոյեմբերի 6-ին «Մեդիա կենտրոնում» անցկացվեց մամուլի ասուլիս, որի բանախոսներն էին «Հայ ազգային կոնգրես» խմբակցության ղեկավար Լևոն Զուրաբյանը և ՀԱԿ ներկայացուցիչ Վահագն Խաչատրյանը: Նրանք անդրադարձան նոյեմբերի 5-ին Երևանում ակտիվիստների և ոստիկանների միջև տեղի ունեցած բախումներին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
Դեկտեմբերի 13-ին «Մեդիա կենտրոնում» տեղի ունեցավ քննարկում «Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում» թեմայով:
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Հայաստանում առողջապահության համընդհանուր հասանելիության համար խոչընդոտները առաջին հերթին ֆինանսական են:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչին դեկտեմբերի 11-ին «Մեդիա կենտրոնում» տեղի ունեցած մամլո ասուլիսի ընթացքում շնորհավորեց Հայաստանի Հանրապետությանը Եվրամիության հետ 2017թ. նոյեմբերի 24-ին ստորագրած Համապարփակ և ընդլայնված համաձայնագրի համար: