«Ղարաբաղի հարցը բավականին լուրջ ազդեցություն է թողել ՄՄ-ին միանալու որոշման վրա»
06.11.2013
12:00
Նորանկախ Հայաստանի պատմության մեջ առաջին անգամ Սերժ Սարգսյանը չկարողացավ հաշտեցնել Ռուսաստանի և Արևմուտքի շահերը Հայաստանի շուրջ, ինչի հետևանքն էր Մաքսային միությանն անդամակցելու որոշումը: Այսպիսի կարծիք հայտնեց Ազգային ժողովի «Հայ ազգային կոնգրես» խմբակցության ղեկավար Լևոն Զուրաբյանն այսօր՝ «Մեդիա կենտրոնում» անցկացված ասուլիսի ժամանակ:

Զուրաբյանի խոսքով՝ Ղարաբաղի հարցը բավականին լուրջ ազդեցություն է թողել ՄՄ-ին միանալու որոշման վրա: ՀԱԿ խմբակցության ղեկավարը վստահ է, որ իրականում ընտրությունը ոչ թե արժեքային համակարգերի միջև էր, այլ տարբեր քաղաքական հետևանքների, որոնք կապված են Ղարաբաղին:

Զուրաբյանն ասաց, որ առաջիկայում իրենք կհրապարակեն փաստեր, ըստ որոնց՝ տարիներ շարունակ Հայաստանում եկամուտները, պետբյուջեում հավաքվելու փոխարեն, հոսել են պաշտոնյաների գրպանները: Խոսքը տարեկան 2 մլրդ դոլարից ավելի գումարի մասին է:

Զուրաբյանը ենթադրում է, որ եթե այդ հափշտակված գումարները ներդրվեին Հայաստանում էներգիայի այլընտրանքային համակարգեր կառուցելու, Ռուսաստանից էներգետիկ կախվածությունը վերացնելու մեջ, ապա Հայաստանը կլիներ միանգամայն այլ տնտեսությամբ երկիր: «Հայաստանի իշխանությունները 1998 թ.-ից սկսած մսխել են Հայաստանի հնարավորությունները»,- ասաց Լևոն Զուրաբյանը:

Նա նշեց, որ Մաքսային միությանը Հայաստանի անդամակցությունն առաջացնում է մի շարք անպատասխան հարցեր: Զուրաբյանի ուսումնասիրած նյութերից պարզ է դարձել, որ ՄՄ-ի հավաքված մաքսերի 88 տոկոսը բաժին է հասնում Ռուսաստանին, 7 տոկոսը՝ Ղազախստանին, 5 տոկոսը՝ Բելառուսին: Իսկ թե քանի տոկոսն է բաժին հասնելու Հայաստանին, պարզ չէ:

Ասուլիսի մյուս բանախոսը՝ ՀԱԿ ներկայացուցիչ, տնտեսագետ Վահագն Խաչատրյանը, ասաց, որ Հայաստանի իշխանությունը շատ անլուրջ է վերաբերվում ՄՄ-ի ազդեցությանը, հաշվարկներ չի անում: Խաչատրյանի խոսքով՝ տնտեսագիտության մեջ աննախադեպ երևույթ է, երբ երկիրը մտնում են մի միության մեջ, որի հետ չունի սահման:

Վահագն Խաչատրյանը ևս նշեց, որ ՄՄ-ին անդամակցելու մասին Սերժ Սարգսյանի հայտարարությունից հետո փոխվել են բիզնես խաղի կանոնները, սակայն այդ փոփոխությունը չի ներկայացվել բիզնեսի ներկայացուցիչներին, հասարակությանը, քաղաքական շրջանակներին:

Տնտեսագետը նշեց, ՀՀ էներգետիկայի նախարարությունը 150 մլն դոլարի պարտք է գոյացրել այս 2,5 տարվա ընթացքում, երբ գազի գինը բարձրացել է: ՄՄ-ին անդամակցելու հայտարարությունից հետո դեռ հայտնի չէ, թե այս ոլորտում ինչ է կատարվում, «մենք սուբսիդավորվե՞լ ենք, թե՞ ոչ, գրանտավորվե՞լ ենք, թե՞ ոչ»:

Նոյեմբերի 6-ին «Մեդիա կենտրոնում» անցկացվեց մամուլի ասուլիս՝ «Մաքսային միություն. քաղաքական տեսակետ» խորագրով: Ասուլիսի բանախոսներն էին «Հայ ազգային կոնգրես»խմբակցության ղեկավար Լևոն Զուրաբյանը և ՀԱԿ ներկայացուցիչ, տնտեսագետ Վահագն Խաչատրյանը:

Այս ասուլիսը «Հայաստանը զարգացումների խաչմերուկներում. Եվրոպա թե Ռուսաստան» շարքից է, որը հոկտեմբերի և նոյեմբերի ընթացքում ընդգրկում է բանավեճեր, հանրային քննարկումներ, հանդիպումներ լրագրողների հետ` նպատակ ունենալով ավելի համապարփակ պատկերացում ձևավորել Մաքսային միությանը միանալու հետևանքների մասին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ