«ՄՄ-ին անդամակցությունը ելնում է Հայաստանի Հանրապետության ազգային շահերից»
01.11.2013
11:00
Չկա որևէ միջազգային պայմանագիր, որը լինի միայն տնտեսական կամ քաղաքական: Այսպիսի կարծիք հայտնեց «Օրինաց երկիր» կուսակցության փոխնախագահ Մհեր Շահգելդյանն այսօր՝ «Մեդիա կենտրոնում» անցկացված մամուլի ասուլիսի ընթացքում՝ պատասխանելով «Մեդիա կենտրոնի» այն հարցին, թե Մաքսային միությանն անդամակցելու որոշումը քաղաքակա՞ն էր, թե՞ տնտեսական:

«Մաքսային միությանն անդամակցությունը ելնում է Հայաստանի Հանրապետության ազգային շահերից՝ տնտեսական, առևտրային, անվտանգության»,- հավելեց ՕԵԿ փոխնախագահը: 

Նա համամիտ չէ այն տեսակետին, որ ՄՄ-ն նոր Խորհրդային Միություն է լինելու. պատմությունը ցույց է տալիս, որ ոչ մի բան որևէ տեղ նույն ձևով չի կրկնվում: 

Մհեր Շահգելդյանը նշեց, որ Հայաստանից արտահանվող ապրանքների մի մեծ հատված, այդ թվում նաև` գյուղատնտեսական, ուղղվում է ՄՄ երկրներ: ՕԵԿ խմբակցության քարտուղարը կոչ արեց նաև չմոռանալ Ռուսաստանում ապրող մոտ 2,5 մլն հայերի մասին, ովքեր մեծ մասամբ գործարարներ են: Շահգելդյանի խոսքով՝ այս մարդկանց ներուժը ևս մեծ հնարավորություններ է ստեղծելու Հայաստանի համար ՄՄ-ին անդամակցելու պարագայում: Բացի դրանից՝ նորացումներ կլինեն անվտանգության ոլորտում՝ սահմաններում, արտակարգ իրավիճակների դեպքում` պետռեզերվներում:

Շահգելդյանը միևնույն ժամանակ կարծում է, որ Եվրամիության հետ հարաբերությունները նույնպես պետք է զարգանան: ՕԵԿ փոխնախագահը հատկապես կարևորում է Հայաստանի իրավական համակարգերի բարեփոխումը:

Մհեր Շահգելդյանն ընդգծեց, որ «Օրինաց երկիրը» ոչ եվրոպամետ է, ոչ ռուսամետ, այլ միայն հայամետ: 

Նոյեմբերի 1-ին «Մեդիա կենտրոնում» անցկացվեց «Օրինաց երկիր» կուսակցության փոխնախագահ Մհեր Շահգելդյանի մամուլի ասուլիսը, որով մեկնարկեց «Մաքսային միություն. քաղաքական տեսակետ» խորագրով ասուլիսների շարքը: 

Շարքը նախատեսվում է անցկացնել ծանրակշիռ քաղաքական գործիչների մասնակցությամբ` շեշտադրելով Հայաստանի Հանրապետության վարած արտաքին քաղաքականությանը, Մաքսային միությանը միանալու որոշմանը, Եվրամիության հետ մեր պետության հետագա անելիքներին առնչվող հարցեր: 

Ասուլիսներն անցկացվում են «Հայաստանը զարգացումների խաչմերուկներում. Եվրոպա թե Ռուսաստան» խորագրով միջոցառումների շրջանակում, որը հոկտեմբերի և նոյեմբերի ընթացքում ընդգրկում է բանավեճեր, հանրային քննարկումներ, հանդիպումներ լրագրողների հետ` նպատակ ունենալով ավելի համապարփակ պատկերացում ձևավորել Մաքսային միությանը միանալու հետևանքների մասին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ