Ներկայացվեց ԽԱՊԿ 2013թ. երրորդ եռամսյակային զեկույցը
18.10.2013
12:00
Այս տարվա 3-րդ եռամսյակում լրագրողների աշխատանքի անհանդուրժողականության դեպքեր են եղել տրանսպորտի ուղեվարձի բարձրացման փորձի և «Փակ շուկան» սուպերմարկետի վերածելու դեմ ուղղված քաղաքացիական շարժումները լուսաբանելու ընթացքում:

Խոսքի ազատության պաշտպանության կոմիտեն (ԽԱՊԿ) 2013թ. երրորդ եռամսյակում արձանագրել է լրագրողի նկատմամբ ֆիզիկական բռնության 1 դեպք: ԶԼՄ-ների և դրանց աշխատակիցների ճնշումների քանակն եռամսյակում հասել է 15-ի, որից 8-ը դատական գործեր են, 6-ը՝ գործունեության խոչընդոտումներ, 1-ն այլ բնույթի ճնշում:

ԽԱՊԿ նախագահ Աշոտ Մելիքյանը ԶԼՄ-ներին վերաբերող իրավական դաշտում տեղի ունեցած նշանակալի իրադարձություն է համարում սեպտեմբերի 30-ին Ազգային ժողովի կողմից «Հեղինակային իրավունքի և հարակից իրավունքների մասին» ՀՀ օրենքում լրացում կատարելու մասին օրինագծի ընդունումը: Լրացված օրենքը կարգավորում է այլ ԶԼՄ-ների կողմից նյութերի օգտագործման պայմանները:

«Copy-paste նյութերն այնպիսի լուրջ մասշտաբների էին հասնում, որ ինքը՝ լրագրողական համայնքը, որոշեց որոշակի քայլեր ձեռնարկել: Լավ է, որ օրենսդիրը դրական արձագանքեց այդ նախաձեռնությանը»,- ասաց Աշոտ Մելիքյանը:

Հուլիսից սեպտեմբեր ամիսներին 8-ով ավելացել են լրագրողների և ԶԼՄ-ների դեմ վիրավորանքի և զրպարտության հիմքերով դատական հայցերը: Վերջին 9 ամիսներին դրանց թիվը հասել է 20-ի: Աշոտ Մելիքյանը կարծում է, որ դատարաններն արդեն սկսել են ավելի շատ տարբերակել և վիրավորանքը, և զրպարտությունը, և լրագրողների դատողությունները:

Որպես լրագրողի դեմ անտրամաբանական դատական որոշման օրինակ՝ Մելիքյանը նշեց «Իջևան ստուդիա» հեռուստաընկերության տնօրեն Նաիրա Խաչիկյանի գործը: Տավուշի մարզի առաջին ատյանի դատարանը թեև մերժել էր «Իջևանի ՃՇՇ» ՓԲԸ-ի հայցը, բայց Նաիրա Խաչիկյանին պարտավորեցրել է վճարել դատական ծախսերը: Վճռաբեկ դատարանը վերադարձրել է բողոքը:

«Այդ շատ տարօրինակ որոշումը նախադեպ դարձավ, երբ հաղթող կողմը պետք է դատական ծախսերը հոգա»,- ասաց Աշոտ Մելիքյանը:

Համաձայն ԽԱՊԿ 2013թ. երրորդ եռամսյակային զեկույցի՝ ԶԼՄ-ների և լրագրողների իրավունքների խախտումներն ընդհանուր առմամբ աճել են 2-ով 2012-ի նույն ժամանակահատվածի համեմատ և նվազել 10-ով՝ նախորդ եռամսյակի համեմատ:

Հոկտեմբերի 18-ին «Մեդիա կենտրոնում» ներկայացվեց Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին ԽԱՊԿ 2013թ. երրորդ եռամսյակային զեկույցը: Մամուլի ասուլիսի բանախոսներն էին ԽԱՊԿ նախագահ Աշոտ Մելիքյանը և ԽԱՊԿ մեդիա-փորձագետ Աննա Ալոյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Իշխանության գերկենտրոնացու ՞մ, թե՞ կառավարման մոդելի բարեփոխում. վարչապետի նոր լիազորությունները»
15.02.2018
19:00
Փետրվարի 15-ին «Մեդիա կենտրոնի» նախաձեռնությամբ «Ա1պլյուսի» հեռուստատաղավարում առցանց ուղիղ հեռարձակմամբ անցկացվեց բանավեճ «Իշխանության գերկենտրոնացու ՞մ, թե՞ կառավարման մոդելի բարեփոխում. վարչապետի նոր լիազորությունները» թեմայով:
«ԱԺ մոնիտորինգ. 6-րդ գումարման խորհրդարանի 1-ին և 2-րդ նստաշրջանների դիտարկման արդյունքները»
15.02.2018
13:00
Փետրվարի 15-ին «Մեդիա կենտրոնում» տեղի ունեցավ քննարկում «ԱԺ մոնիտորինգ. 6-րդ գումարման խորհրդարանի 1-ին և 2-րդ նստաշրջանների դիտարկման արդյունքները» թեմայով:
«Ժիրայր Սեֆիլյանի և Գևորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները»
15.02.2018
11:00
Փետրվարի 15-ին «Մեդիա կենտրոնում» տեղի ունեցավ մամլո ասուլիս «Ժիրայր Սեֆիլյանի և Գևորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները» թեմայով:
«Համայնքների խոշորացում Արմավիրում. կառավարման մոդելի բարեփոխու ՞մ, թե՞ նոր խոչընդոտներ»
14.02.2018
13:00
Փետրվարի 14-ին «Մեդիա կենտրոնը» Արմավիրի Զարգացման կենտրոնի հետ համատեղ անցկացրեց քննարկում Արմավիր քաղաքում «Համայնքների խոշորացում Արմավիրում. կառավարման մոդելի բարեփոխու ՞մ, թե՞ նոր խոչընդոտներ» թեմայով:
«ԱՄՆ սանկցիաների հնարավոր ազդեցությունը Հայաստանի վրա Ռուսաստանի հետ ռազմական գործարքներ կնքելու հարցում»
14.02.2018
12:00
Փետրվարի 14-ին «Մեդիա կենտրոնում» տեղի ունեցավ քննարկում «ԱՄՆ սանկցիաների հնարավոր ազդեցությունը Հայաստանի վրա Ռուսաստանի հետ ռազմական գործարքներ կնքելու հարցում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ