«Մեդիա կենտրոն»-ում քննարկվեց Amnesty International-ի զեկույցը
16.10.2013
13:00
«Մեդիա կենտրոն», հոկտեմբերի 16: «Ամնեսթի ինթերնեյշնլ» (Amnesty International) իրավապաշտպան կազմակերպությունը կոչ է անում Հայաստանի կառավարությանը պաշտպանել ազատ խոսքի իրավունքը, այդ թվում նրանց, ովքեր քննադատում են իշխանություններին: Այս մասին այսօր՝ «Մեդիա կենտրոնում» անցկացված քննարկման ժամանակ, ասաց Թուրալ Ահմեդզադեն՝ «Ամնեսթի ինթերնեյշնլի» Եվրոպայի և Կենտրոնական Ասիայի ծրագրի հարավկովկասյան հատվածի հետազոտողը:

Ահմեդզադեի խոսքով` «Ամնեսթի ինթերնեյշնլ»-ը համարում է, որ Հայաստանում քաղաքացիական ու քաղաքական ակտիվիստները դեռ սպառնալիքի տակ են, նրանց վրա հարձակումները շարունակվում են:

Հղում անելով զեկույցին` «Ամնեսթի ինթերնեյշնլի» հետազոտողը մեջբերեց, որ «Լրագրողներ հանուն իրավունքների» ՀԿ նախագահ Ժաննա Ալեքսանյանը ճնշման է ենթարկվել ՊՆ քննչական ծառայության և զինվորական դատախազության կողմից`ժամկետային զինծառայող Ժ.Մ.-ի հանդեպ իրականացված բռնության դեպքի հետազոտությունը դադարեցնելու նպատակով:

ՀՀ պաշտպանության նախարարության քննչական ծառայության պետի տեղակալ, փոխգնդապետ Հայկ Գրիգորյանն հակադարձեց, որ Ժ.Ալեքսանյանը հրավիրվել է ՊՆ քննչական ծառայություն՝ ցուցմունք տալու:

«Ոչ մի երկրում հետաքննության կանչելը չի կարող դիտարկվել որպես կարծիքի վրա բռնանալ»,- ասաց Գրիգորյանը՝ հավելելով, որ ըստ ՀՀ օրենսդրության՝ քննիչը ճշմարտությունը բացահայտելու համար պարտավոր է հարցաքննության կանչել այն անձանց, ովքեր կարող են այս կամ այն տեղեկատվության տիրապետել: 

Ժաննա Ալեքսանյանը հաստատեց, որ ՊՆ քննչական մարմինն իր վրա ճնշում է գործադրել Ժ.Մ.-ի դեպքը լուսաբանելիս: Միաժամանակ Ալեքսանյանը, ով զինծառայողների իրավունքների խնդրով զբաղվում է գրեթե 20 տարի, կարծիք հայտնեց, որ վերջին 3 տարում բանակի թեման այլևս տաբու չէ, մամուլը գրում է խախտումների մասին: 

Քննարկման ժամանակ  «Ամնեսթի ինթերնեյշնլի» փորձագետը հիշատակեց նաև ռազմական ոստիկանության կողմից «Ուվալնյատի օրը» գրքի հեղինակ Հովհաննես Իշխանյանի նկատմամբ կիրառված քրեական հետապնդումը: 

Ռազմական ոստիկանության փոխգնդապետ Արմեն Մնացականյանն արձագանքեց, որ Իշխանյանին ոչ թե քրեորեն հետապնդել են, այլ կանչել՝ ճշտելու, թե արդյոք գրողին հայտնի՞ են գրքում նկարագրված ծեծի և այլ հանցագործությունների դեպքերը:

«Հովհաննես Իշխանյանն իր «Ուվալնյատի օրը» գրքում նկարագրել է դեպքեր, որոնք բանակում չկան: Բանակում ո՞նց կարող է տեղի ունենալ այն, ինչ ինքը նկարագրել է: Կներեք, տղամարդը տղամարդուն բռնաբարել կարո՞ղ է: Եթե այս գրքույկը վերցնի 13-14 տարեկան ՀՀ քաղաքացի, այս պատկերացումո՞վ, այս մտքո՞վ պիտի գնա բանակ»,- հռետորական հարց տվեց Մնացականյանը:

Իրավապաշտպան, «Իրավունքի և ազատության կենտրոն» ՀԿ նախագահ Վարդան Հարությունյանը համարում է, որ սխալ է քննարկել միջազգային իրավապաշտպան կազմակերպությունների զեկույցներում ներկայացված առանձին օրինակները, դրանք բերված չեն քննադատության, այլ` իրավիճակը ներկայացնելու և գոյություն ունեցող խնդիրների լուծմանը նպաստելու համար:

«Մենք պետք է խոսենք, թե ինչ ընդհանուր վիճակ է տիրում մեր բանակում, ինչ վարքուբարք կա մեր բանակում, մեր զինվորներն իրար հետ ինչպես են առնչվում, գողական օրենքներ, «չաստ» նայող կա՞ն, թե՞ չկան: Եթե կա նման բան, արդեն նշանակություն չունի, թե քանի մարդու են ծեծել կամ քանի մարդու նկատմամբ են փորձել սեքսուալ բռնություն կիրառել կամ կիրառել են, թե չեն կիրառել: Չպետք է լինի ՀՀ բանակում նման բան»,- ասաց Վարդան Հարությունյանը:

Հոկտեմբերի 16-ին «Ամնեսթի ինթերնեյշնլ» իրավապաշտպան կազմակերպության Եվրոպայի և Կենտրոնական Ասիայի ծրագրի հարավկովկասյան հատվածի հետազոտող Թուրալ Ահմեդզադեն Լոնդոնից ուղիղ տեսազանգով «Մեդիա կենտրոնում» ներկայացրեց կազմակերպության հրապարակած «Հայաստան. փոփոխությունների համար տեղ չկա» զեկույցը: Քննարկման մյուս մասնակիցներն էին ՀՀ պաշտպանության նախարարության քննչական ծառայության պետի տեղակալ, փոխգնդապետ Հայկ Գրիգորյանը,

Ռազմական ոստիկանության փոխգնդապետ Արմեն Մնացականյանը, «Լրագրողներ հանուն մարդու իրավունքների պաշտպանության» ՀԿ նախագահ Ժաննա Ալեքսանյանը և «Իրավունքի և ազատության կենտրոն» ՀԿ-ի ղեկավար Վարդան Հարությունյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ