Աստղիկ Ավետիսյանի առաջարկները հեռուստաընկերություններին
16.10.2013
11:30
Հանրային հեռուստաընկերության ծրագրային նոր քաղաքականությունը դրական փոփոխությունների միտում ունի. նշեց Երևանի պետական համալսարանի Ժուռնալիստիկայի ֆակուլտետի դասախոս, բգթ Աստղիկ Ավետիսյանը այսօր՝ «Մեդիա կենտրոնում»:

«Ամենադիտվող և հասարակական կարծիք ձևավորող զլմ-ն, այնուամենայնիվ, մնում է հեռուստատեսությունը»,- ասաց Աստղիկ Ավետիսյանը:

Նա նշեց, որ երկար ժամանակ է՝ Հանրային հեռուստաընկերությունը չէր ծառայում իր նպատակին: Ժամանակին էլ պատրաստվում էին լավ հաղորդումներ, բայց հեռարձակվում էին այնպիսի ժամի, որ որևէ մեկը չէր կարող դիտել: Հիմա տեսնում ենք հին հաղորդումներ, բայց դրանք ճիշտ ժամի են հեռարձակվում:

Աստղիկ Ավետիսյանի կարծիքով՝ զգալի փոփոխություններ է կրել հայաստանյան հինգ մասնավոր հեռուստաընկերությունների ծրագրային քաղաքականությունը: Օրինակ՝ «Կենտրոնի» լրատվական թողարկումներում ավելացել են մասնագիտացված հավելվածներ: Դրանց շնորհիվ յուրաքանչյուր ոլորտի մասնագետ կարող է ստանալ իրեն հետաքրքրող տեղեկատվություն:

Ասուլիսի ժամանակ Ավետիսյանը հանդես եկավ առաջարկությունների փաթեթով, որը կօգնի հեռուստաընկերությունների ղեկավարներին բացահայտել հեռուստաընկերության զարգացմանը խոչընդոտող երևույթները, մշակել հեռանկարային ռազմավարություն:

Աստղիկ Ավետիսյանը, մասնավորապես, առաջարկեց անցկացնել հեռուստաընկերությունների կարիքների գնահատում, մշակել հեռանկարային ծրագրեր՝ 2-5 տարի ժամկետով, հետազոտել սեփական և պոտենցիալ շուկաները, հեռուստաընկերությունների արտադրանքի բովանդակությունն ուղղորդել դեպի սպառողը, ժամանցային նախագծերից զատ՝ մշակել նաև հեռուստանախագծեր միջինից բարձր տարիք ունեցողների համար, վերապատրաստել հեռուստաընկերությունների աշխատակիցներին և այլն:

«Իմ խնդիրը կողքից դիտող մարդու և հետազոտողի խնդիր է: Ի վերջո, հետազոտողը և գործ անողը պետք է միասին աշխատեն»,- կարծում է Աստղիկ Ավետիսյանը:

Միաժամանակ նա նշեց, որ դեռևս մշակված չէ այն մոտեցումը, որ այս ոլորտի հետազոտողը ուղարկի հարցաթերթիկ, և հեռուստաընկերությունը պատրաստակամ լինի պատասխանելու:

Հոկտեմբերի 16-ին «Մեդիա կենտրոնում» անցկացվեց մամուլի ասուլիս` «Հայաստանյան հեռուստաընկերությունների ծրագրային քաղաքականությունը» թեմայով: Ասուլիսի բանախոսն էր Երևանի պետական համալսարանի ժուռնալիստիկայի ֆակուլտետի դասախոս, բանասիրական գիտությունների թեկնածու Աստղիկ Ավետիսյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ