Հայաստանի կառավարությունը բաց կառավարման սկզբունքներից միայն մեկին է հետևել
15.10.2013
12:00
Հայաստանի կառավարությունը բաց կառավարման սկզբունքներից միայն մեկին է հետևել՝ մեծացրել է նոր տեխնոլոգիաների մատչելիությունը՝ ապահովելու համար հաշվետվողականությունը. կարծում է Վարուժան Հոկտանյանը՝ «Թրանսփարենսի ինթերնեյշնլ» հակակոռուպցիոն կենտրոնի տնօրենը:

«Բաց կառավարման գործընկերության» հռչակագրին Հայաստանի Հանրապետությունը միացել է 2011թ. և պարտավորություն ստանձնել բարձրացնել պետական մարմինների գործողությունների հրապարակայնությունը և խթանել հասարակության մասնակցությունը հանրային կյանքի կառավարմանը:

«Այս երկու տարիների աշխատանքը 10 բալանոց սանդղակով ես գնահատում եմ 7-8»,- նշեց Լևոն Բարսեղյանը՝ Ժուռնալիստների «Ասպարեզ» ակումբի ղեկավարը:

Հոկտանյանի կարծիքով՝ բավականին աշխատանք է կատարվել, բայց այն հիմնականում դեռևս ֆորմալ տեսք ունի:

«Բարձրաստիճան պաշտոնատար անձանց կեսից ավելիի հայտարարագրերը չկան http://www.ethics.am/կայքում, ինչը խախտում է: Ազգային ժողովի 131 պատգամավորից միայն 42-ի հայտարարագիրն է ներկայացված կայքում, որ հանրային նշանակության տեղեկատվության մեծ մասը դեռևս չի տեղադրվում պետական գերատեսչությունների պաշտոնական կայքերում»,- դիտարկումներ ներկայացրեց Աշոտ Մելիքյանը՝ Խոսքի ազատության պաշտպանության կոմիտեի նախագահը:

Բանախոսներն իրենց մտահոգությունը հայտնեցին նաև այժմ մշակվող գործողությունների 2014-16 թթ. ծրագրի վերաբերյալ: ՀԿ-ների ներկայացուցիչները բազմաթիվ առաջարկները չեն ընդունվել աշխատանքային խմբի կողմից:

ՀԿ ներկայացուցիչները պատրաստվում են այլընտրանքային ծրագիր մշակել, եթե կառավարությունն իրենց առաջարկություններն ու դիտարկումները  չներառի մշակվող պլանում: Այլընտրանքային ծրագիրը նույնպես կներկայացվի առաջիկայում կայանալիք գագաթնաժողովում, որի ընթացքում հաստատվում են պետությունների առաջիկա գործողությունները:

«Տպավորություն ունեմ, որ իշխանություններն անհավես են: Շատ լուրջ հավատ չեն ընծայում էդ գաղափարներին, որոնց իրականացմանը լծվել են»,- կարծում է Լևոն Բարսեղյանը:

Հոկտեմբերի 15-ին «Մեդիա կենտրոնում» էին Խոսքի ազատության պաշտպանության կոմիտեի նախագահ Աշոտ Մելիքյանը, Գյումրու ժուռնալիստների «Ասպարեզ» ակումբի խորհրդի նախագահ Լևոն Բարսեղյանը և «Թրանսփարենսի ինթերնեյշնլ» հակակոռուպցիոն կենտրոնի տնօրեն Վարուժան Հոկտանյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ