Հայաստանի նախագահի` Մաքսային միությանը միանալու որոշման սահմանադրականությունը
14.10.2013
12:00
«Մեդիա կենտրոն», հոկտեմբերի 14: Արթուր Սաքունցը և իր համախոհները հայց են ներկայացնելու Վարչական դատարան՝ վիճարկելով Մաքսային միությանն անդամակցելու մասին Սերժ Սարգսյանի հայտարարության՝ որպես գործողության համապատասխանությունը Սահմանադրությամբ ամրագրված ժողովրդավարական պետության սկզբունքերին: Սաքունցը չի բացառում նաև Սահմանադրական դատարան դիմելը:

Այսօր՝ «Մեդիա կենտրոնում» անցկացվածa քննարկման ժամանակ, Սաքունցը  նշեց, որ Եվրասիական տնտեսական միության փաստաթղթերն ուղղակիորեն հակասում են ՀՀ Սահմանադրության 1-ին հոդվածին, և Ռուսաստանի որոշումները պարտադիր են լինելու անդամ-պետությունների համար:

Սաքունցը համոզված է, որ նույնիսկ եթե Սերժ Սարգսյանը լիներ լեգիտիմ նախագահ, իրավունք չէր ունենա, առանց հանրության կարծիքն իմանալու, անել Մաքսային միությանն անդամակցելու հայտարարություն: 

Սահմանադրագետ Արմեն Մազմանյանը նշեց, որ ՍԴ-ում վիճարկվում են միայն իրավական ակտեր, ոչ թե հայտարարություններ ու գործողություններ: «Ես համարում եմ, որ իրավական տեխնիկան ձեզ հնարավորություն կտա, այնուամենայնիվ, ինչ-որ բան վիճարկել, բայց դուք պետք է կողմնորոշվեք, թե ինչ եք վիճարկում: Միգուցե դա կլինի կառավարության որոշումը կամ այն պայմանագրերի փաթեթը, որոնք հետագայում կհայտնվեն»,- Սաքունցին դիմեց Մազմանյանը:

Միաժամանակ Մազմանյանը ողջունեց հայցով ՍԴ դիմելու և խնդիրը հանրության քննարկման առարկա դարձնելու մտադրությունը: Սահմանադրագետի խոսքով՝ նմանատիպ հայցը ՍԴ-ում բավարարվելու երկու հնարավորություն կա: Առաջին. եթե ժողովուրդը մեծապես աջակցի հայցին: Երկրորդ. եթե իշխանություններն իրենք ցանկանան, որ ՍԴ-ն նման որոշում կայացնի (դա կլինի հայ-թուրքական արձանագրությունների վերաբերյալ հայցի սցենարը):

Քննարկման մյուս բանախոսը՝ «Իրավունքի գերակայություն» ՀԿ նախագահ Արտակ Զեյլնալյանը, ով մասնակցում է խնդիրը դատական կարգով լուծելու քննարկումներին, նշեց, որ կարելի է որոշման սահմանադրականությունը վիճարկել ընդհանուր իրավասության դատարանում, բայց Սահմանադրական դատարանում վեճի առարկա կարող է դառնալ համաձայնագրի նախագիծը, որը կմտնի Ազգային ժողով:

«Հայցը, որի մասին խոսում է պրն Սաքունցը, չի հագնեցնելու այդ համաձայնագրի սահմանադրականության քննարկման: Միջազգային պայմանագրերը չեն կարող դառնալ սահմանադրաիրավական վեճի առարկա՝ որպես կիրառված իրավական ակտ»,- ասաց Արտակ Զեյնալյանը:

Իր հերթին Սաքունցը՝ որպես քաղաքացի, ուզում է կասեցնել Հայաստանի՝ Մաքսային միությանն անդամակցելու գործընթացը և որպես ճանապարհ ընտրել է իրավական դաշտը:

«Հանրային լրատվամիջոցները, հատկապես հեռուստաընկերությունները ակնհայտ և կանխամտածված լռության են մատնում հանրության մտահոգությունները: Պատգամավորները, քաղաքական ուժերը դիսկուսիա չեն անում»,- ասաց իրավապաշպանը, նշելով, որ Հելսինկյան քաղաքացիական ասամբլեայի Վանաձորի գրասենյակն առաջիկայում կիրականացնի նաև այլ ակցիաներ՝ ընդդեմ Մաքսային միությանն անդամակցելու որոշման:

Արտակ Զեյնալյանը հավելեց, որ քաղաքական գծի նման կտրուկ ու անսպասելի փոփոխությունն իր ազդեցությամբ համարժեք էր հայ-թուրքական արձանագրություններին: Սակայն վերջին դեպքում հանրությունը, անկախ ցուցաբերած վերաբերմունքից, տեղյակ էր, որ Հայաստանի ու Թուրքիայի միջև երկխոսություն կա:

Հոկտեմբերի 14-ին «Մեդիա կենտրոնում» էին «Իրավունքի գերակայություն» ՀԿ նախագահ Արտակ Զեյլնալյանը, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը և սահմանադրագետ Արմեն Մազմանյանը:

Այս քննարկումը «Հայաստանը զարգացումների խաչմերուկներում. Եվրոպա թե Ռուսաստան» խորագրով քննարկումների շարքից է, որը ներառում է քննարկումներ, բանավեճեր, հեռուստահաղորդումներ՝  հասկանալու Հայաստանի կողմից Մաքսային միությանը միանալու հնարավոր հետևանքները:

 
Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ