«Մեդիա կենտրոնի» հյուրասրահում էր Վոլֆգանգ Բյորնզենը
09.10.2013
18:30
Բունդեսթագի անդամ Վոլֆգանգ Բյորնզենը (Բյոնստրուպ) Երևանում է՝ մասնակցելու Հայաստանից Բունդեսթագի Միջազգային խորհրդարանական կրթաթոշակին հավակնողերիտասարդների ընտրությանը:

Հոկտեմբերի 9-ին՝ «Մեդիա կենտրոնում» անցկացված ասուլիսի ժամանակ, Վոլֆգանգ Բյորնզենը նշեց, որ կրթաթոշակ ստանալու նախապայմաններն են գերմաներենի իմացությունը, բարձրագույն ուսումնական հաստատության վկայականն ու ցանկությունը` ժողովրդավարական ավանդույթների համար ինչ-որ բան անելու:

Կրթաթոշակի 2014թ. հարցազրուցային ընտրափուլում հայաստանցի 8 երիտասարդներից կընտրվեն երեքը:

Միջազգային խորհրդարանական կրթաթոշակի շրջանակում 28 երկրի ընդհանուր թվով 120 կրթաթոշակառու 2014թ.չորս ամիս կանցնկացնի Գերմանիայում՝ ծանոթանալու խորհրդարանական համակարգին: Ծրագրի նպատակը մասնակիցներին քաղաքական գործընթացներին և ժողովրդավարական որոշումների կայացմանն անմիջականորեն առնչվելու հնարավորություն տալն է:

«Այս կրթաթոշակները հատկապես հետաքրքիր են մի պարզ պատճառով, սա բոլորովին այլ կատեգորիա է. խոսքը պառլամենտարիզմի, խորհրդարանական ավանդույթների մասին է»,- ասաց ՀՀ-ում Գերմանիայի Դաշնային Հանրապետության դեսպան Ռայներ Մորելը, ով ևս ներկա էր ասուլիսին:

Կրթաթոշակառուներն աշխատում են Բունդեսթագի որևէ պատգամավորի գրասենյակում, միաժամանակ գրանցվում Բեռլինի համալսարաններից որևէ մեկում` ուսանողի կարգավիճակով մասնակցելու դասախոսությունների և ուսումնական այլ ձևաչափերի:

Վոլֆգանգ Բյորնզենի խոսքով՝ Գերմանիայի Բունդեսթագի պատգամավորները հաճույքով են աշխատում Հայաստանից եկած կրթաթոշակակիրների հետ, ովքեր նաև իրենց երկիրը ներկայացնող հիանալի դեսպաններ են:

Ծրագիրն անցկացվում է Գերմանիայի Բունդեսթագի նախագահի բարձր հովանու ներքո և բեռլինյան երեք համալսարանի հետ համագործակցությամբ: Բունդեսթագը ստանձնում է ճամփորդական, կացության և ապահովագրական բոլոր ծախսերը` ներառյալ ամսական կրթաթոշակը:

Ամեն տարի դեկտեմբերից Երևանում Գերմանիայի դեսպանությունն սկսում է ընդունել Միջազգային խորհրդարանական կրթաթոշակի ծրագրի մասնակցության հայտեր:

Շատ երկրներում Միջազգային խորհրդարանական կրթաթոշակի նախկին կրթաթոշակակիրները միավորվել են միությունների շրջանակում` միջմշակութային երկխոսությունը շարունակելու և համագործակցային ցանց հիմնելու նպատակով: Հայաստանում նախկին կրթաթոշակակիրները ներկայանում են www.ips.am կայքէջով:

«Մենք շատ ուշադիր հետևում ենք նախկին կրթաթոշակակիրների կարիերային` հետագայում նրանց հրավիրելով նաև այլ միջոցառումների»,- ասաց Վոլֆգանգ Բյորնզենը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«ՄԻԱՎ-ով ապրող կանայք և խտրականությունը Հայաստանում»
21.02.2018
11:00
Փետրվարի 21-ին «Մեդիա կենտրոնում» տեղի ունեցավ մամլո ասուլիս «ՄԻԱՎ-ով ապրող կանայք և խտրականությունը Հայաստանում» թեմայով:
ԻՇԽԱՆՈՒԹՅԱՆ ՃՅՈՒՂԵՐԻ ՏԱՐԱՆՋԱՏՄԱՆ ԵՎ ՀԱԿԱԿՇՌՄԱՆ ՍԿԶԲՈՒՆՔԻ ԱՊԱՀՈՎՈՒՄԸ ԽՈՐՀՐԴԱՐԱՆԱԿԱՆ ԿԱՌԱՎԱՐՄԱՆ ՀԱՄԱԿԱՐԳՈՒՄ
20.02.2018
11:30
«Գործընկերություն հանուն բաց հասարակության» նախաձեռնությունը և ԲՀՀ-Հայաստան Արդարադատության խումբը անցկացրեց «Իշխանության ճյուղերի տարանջատման և հակակշռման սկզբունքի ապահովումը խորհրդարանական կառավարման համակարգում» խորագրով հանրային քննարկում:
«Իշխանության գերկենտրոնացու ՞մ, թե՞ կառավարման մոդելի բարեփոխում. վարչապետի նոր լիազորությունները»
15.02.2018
19:00
Փետրվարի 15-ին «Մեդիա կենտրոնի» նախաձեռնությամբ «Ա1պլյուսի» հեռուստատաղավարում առցանց ուղիղ հեռարձակմամբ անցկացվեց բանավեճ «Իշխանության գերկենտրոնացու ՞մ, թե՞ կառավարման մոդելի բարեփոխում. վարչապետի նոր լիազորությունները» թեմայով:
«ԱԺ մոնիտորինգ. 6-րդ գումարման խորհրդարանի 1-ին և 2-րդ նստաշրջանների դիտարկման արդյունքները»
15.02.2018
13:00
Փետրվարի 15-ին «Մեդիա կենտրոնում» տեղի ունեցավ քննարկում «ԱԺ մոնիտորինգ. 6-րդ գումարման խորհրդարանի 1-ին և 2-րդ նստաշրջանների դիտարկման արդյունքները» թեմայով:
«Ժիրայր Սեֆիլյանի և Գևորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները»
15.02.2018
11:00
Փետրվարի 15-ին «Մեդիա կենտրոնում» տեղի ունեցավ մամլո ասուլիս «Ժիրայր Սեֆիլյանի և Գևորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ