Լրագրող և քաղաքական մեկնաբան Լանս Փրայսի ասուլիսը
04.10.2013
12:00
«Հարցերից մեկը, որն ունեի մտքումս, այն էր, թե Հայաստանի ապագայի համար ի՞նչ նշանակություն ունի Սերժ Սարգսյանի սեպտեմբերի 3-ի հայտարարությունը Մաքսային միությանը միանալու մասին»,- այսօր «Մեդիա կենտրոնում» անցկացված ասուլիսի ժամանակ, ասաց բրիտանացի հայտնի լրագրող և քաղաքական մեկնաբան Լանս Փրայսը /Lance Price/:

Փրայսի խոսքով՝ Մեծ Բրիտանիայում անհնար կլիներ կայացնել նման որոշում՝ առանց այն պատշաճ կերպով բացատրելու հանրությանը, խորհրդարանին ու կառավարությանը:

«Մեզ հիասթափեցնում է այն, որ այնքան էլ չենք հասկանում այս [Մաքսային միությանն անդամակցելու] որոշումը կայացնելու պատճառները»,- հավելեց քաղաքական մեկնաբանը:

Լանս Փրայսը նշեց, որ Եվրոպական միությունը տնտեսական ակումբ է, ինչպես նաև այնպիսի ազգերի համայնք, որոնք ունեն ընդհանուր արժեքներ:

«Եթե դուք ևս ունեք այդ արժեքները, մենք ուրախ կլինենք շարունակել քննարկումը»,- կարծում է քաղաքական մեկնաբանը:

Լանս Փրայսը Հայաստանում հանդիպել է կանանց, ինչպես նաև ԼԳԲՏ իրավունքները պաշտպանող խմբերի հետ և հանգել եզրակացության, որ երկրում կա կարծիքների բազմազանություն, սակայն քաղաքական դաշտն ու լրատվամիջոցները բավարար չափով ազատ չեն՝ կարծիքների այդ բազմազանությունը պատշաճ ներկայացնելու համար:

Փրայսը Հայաստան է ժամանել հոկտեմբերի 1-ին մեկնարկած Բրիտանիայի օրերի շրջանակներում:

Լանս Փրայսը որպես լրագրող աշխատել է BBC-ում, այնուհետև դարձել վարչապետ Թոնի Բլերի հատուկ խորհրդականը: Փրայսն այժմ էլ իր քաղաքական մեկնաբանություններն է նեկայացնում BBC-ով և բրիտանական այլ հեռուստառադիոընկերություններով, ինչպես նաև պարբերաբար թղթակցում CBS News-ի London Comment հավելվածին: Նա հոդվածներ է գրում The Guardian-ի, The Independent-ի և Australian Financial Review-ի համար:

Հոկտեմբերի 4-ին «Մեդիա կենտրոնի» հյուրն էր բրիտանացի  հայտնի   լրագրող և քաղաքական  մեկնաբան Լանս Փրայսը: Նա ներկայացրեց իր տեսակետը Հայաստանի՝ Մաքսային միությունն անդամակցելու որոշման, երկրում քաղաքացիական հասարակության ազատության և այլնի վերաբերյալ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Երկրապահ կամավորական միություն. անհրաժե՞շտ կառույց Հայաստանի համար, թե՞ ոչ»
20.06.2018
12:30
Հունիսի 20-ին Մեդիա կենտրոնում քննարկում էր ՙԵԿՄ-ն անհրաժե՞շտ կառույց է, թե՞ ոչ՚ թեմայով: Քննարկման ինֆորմացիոն առիթը ԱԱԾ-ի խուզարկությունն էր գեներալ Մանվել Գրիգորյանի առանձնատանը, որտեղ հայտնաբերվել էր ապօրինի զենք-զինամթերք, ապրիլյան պատերազմի օրերին առաջնագիծ ուղարկած օգնությունը, զինվորների համար նախատեսված սննուն, դեղորայք, հիգիենայի պարագաներ:
Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները
20.06.2018
11:00
Հունիսի 20-ին «Մեդիա կենտրոնում» տեղի ունեցավ քննարկում «Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները» թեմայով։
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ