Մեկնարկում են Հայաստանում Բրիտանիայի օրերը
30.09.2013
15:00
«Մեդիա կենտրոն», սեպտեմբերի 30: Մեծ Բրիտանիայի դեսպանատունը և Բրիտանական խորհուրդն իրենց գործընկերների հետ հոկտեմբերի 1-ից նոյեմբերի 1-ը Հայաստանում կազմակերպում են Բրիտանիայի օրեր՝ “Britain is…” խորագրով:
Այսօր՝ «Մեդիա կենտրոնում» անցկացված մամուլի ասուլիսի ժամանակ, Հայաստանում Մեծ Բրիտանիայի արտակարգ և լիազոր դեսպան Ջոնաթան Էյվսը ներկայացրեց Բրիտանիայի օրերի միջոցառումները:
 
“Britain is…” խորագրով Բրիտանիայի օրերի շարքում կանցկացվեն ժողովրդավարությանը, ֆիլմերին, թատրոնին, երաժշտությանը, գիտությանն ու նորարարությանը, գործարարությանը, սպորտին նվիրված միջոցառումներ:
 
Այս շաբաթ Հայաստան կժամանի նախկին վարչապետ Թոնի Բլերի՝ մամուլի գծով խորհրդական Լենս Փրայսը, ով հանդիպումներ կունենա կուսակցությունների անդամների, թերթերի խմբագիրների, քաղաքացիական հասարակության ներկայացուցիչների հետ: Հոկտեմբերի 3-ին Լենս Փրայսը հանրային դասախոսություն կկարդա Հայաստանի ամերիկյան համալսարանում:
 
Այս շաբաթ Երևան կժամանի նաև վավերագրական ֆիլմերի ռեժիսոր Շոն ՄըքԱլիսթերը: Նա վարպետության դասեր կանցկացնի, կներկայացնի իր ֆիլմերը:
 
Բրիտանական խորհրդի հետ համատեղ բրիտանական «1927» կոչվող թատերական խումբը կմասնակցի «Հայֆեստ» փառատոնին:
 
«Ուրբաթ՝ ուսուցիչների օրը, ես կներկայացնեմ Բրիտանիայի քարտեզ, որը կհանձնենք տարբեր դպրոցների անգլերենի ուսուցիչներին»,- ասաց դեսպան Էյվսը:
 
Բրիտանիայից Երևան կժամանի նաև աստղաֆիզիկոսների 6 հոգուց խումբ, որը կմասնակցի աստղաֆիզիկոսների միջազգային համաժողովին:
 
Իսկ բրիտանական «Ֆրեշ ֆիլդ» կազմակերպությունն այստեղ համաժողով կանցկացնի այն մասին, թե ինչպես ներդրումներ անել Բրիտանիայում: Նմանատիպ սեմինար կկազմակերպի նաև HSBC բանկը:
 
Հոկտեմբերի 19-ին Բրիտանիայի դեսպանատունը Հայաստանի ֆուտբոլի ֆեդերացիայի հետ համատեղ կկազմակերպի ֆուլտբոլային խաղ, որի մասնակիցները կլինեն «Արսենալի» և «Մանչեսթեր Յունայթեդի» երկրպագուները:
 
Բրիտանիայի օրերի շրջանակներում «Գաֆեսճյան» կենտրոնի հետ համատեղ կկազմակերպվեն բացօթյա շրջիկ համերգներ:
 
Միջոցառումները կավարտվեն հոկտեմբերի 27-ին համերգով:
 
Ջոնաթան Էյվսը նշեց, որ Բրիտանիայի օրերի մասին տեղեկատվություն կարելի է սպանալ դեսպանատան ֆեյսբուքի էջից:
 
Սեպտեմբերի 30-ին «Մեդիա կենտրոնում» էր ՀՀ ում Մեծ Բրիտանիայի արտակարգ և լիազորդեսպան Ջոնաթան Էյվսը: Նա ներկայացրեց հոկտեմբերի հոկտեմբերի 1-ին Հայաստանում անցկացվելիք, “Britain is…” խորագիրը կրող Բրիտանիայի օրերի ծրագիրը:

«Մեդիա կենտրոն», սեպտեմբերի 30: Եվ Հայաստանը, և Եվրամիությունն ունեն դրական ցանկություն՝ առաջ տանելու հարաբերությունները: Այս մասին ասաց ՀՀ-ում Մեծ Բրիտանիայի արտակարգ և լիազոր դեսպան Ջոնաթան Էյվսն այսօր՝ «Մեդիա կենտրոնում» կազմակերպված մամուլի ասուլիսի ժամանակ:
 
Ջոնաթան Էյվսը նշեց, որ թե հայկական կողմը, թե ԵՄ-ն քննարկում են այն իրադրությունը, որն ստեղծվել է սեպտեմբերի 3-ի հայտարարությունից հետո:

Հայաստանի Հանրապետության նախագահ Սերժ Սարգսյանը սեպտեմբերի 3-ին հայտարարեց, որ Հայաստանը ցանկանում է միանալ Մաքսային միությանը:
 
«Մենք փորձում ենք գտնել այն ճիշտ ձևաչափը, որով կարող ենք առաջ տանել ԵՄ-ի հետ համագործակցությունը: Խոսելով որպես ԵՄ անդամ-պետության ներկայացուցիչ՝ մեզ հուզում է այն, որ հայկական կառավարության ներկայացուցիչները շարունակում են պնդել, որ սեպտեմբերի 3-ի հայտարարությունը չի փոխել իրենց ցանկությունը՝ սերտ հարաբերություններ ունենալ ԵՄ-ի հետ»,- ասաց Ջոնաթան Էյվսը:
 
Նա կարծիք հայտնեց, որ ԵՄ-ն կարձագանքի Հայաստանի իշխանության վերոնշյալ պնդումներին: Միաժամանակ դեսպանը նշեց, որ ԵՄ երկրների իր գործընկերներից հիասթափություն, նույնիսկ զարմանք արտահայտող կարծիքներ է լսել Հայաստանի՝ Մաքսային միությանն անդամակցելու որոշման վերաբերյալ:
 
«Անձնապես ես կուզենայի խրախուսել Հայաստանի իշխանություններին ավելի կոնկրետ և պարզ առաջարկներով հանդես գալ, թե իրենք որ բնագավառներում են տեսնում մեր ապագա համագործակցությունը, և որոնք են Հայաստանի առաջնահերթությունները»,- ասաց Ջոնաթան Էյվսը:

Սեպտեմբերի 30-ին «Մեդիա կենտրոնում» էր ՀՀ-ում Մեծ Բրիտանիայի արտակարգ և լիազորդեսպան Ջոնաթան Էյվսը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ