Հայաստանի իրավական ակտերում բարեփոխումներ են իրականացվելու
26.09.2013
12:00
«Մեդիա կենտրոն», սեպտեմբերի 26: Մաքսային միությանը միանալու Հայաստանի իշխանության որոշումը կարևոր քայլ է, որն ազդում է բիզնես գործընթացների վրա: Այսպիսի կարծիք հայտնեց Օրենսդրության կարգավորման ազգային կենտրոնի միջազգային փորձագետ, կարգավորիչ գիլյոտինի հեղինակ Սքոթ Յակոբսն /Scott Jacobs/ այսօր՝ «Մեդիա կենտրոնում» անցկացված մամուլի ասուլիսի ժամանակ:

Հայաստանի կառավարությունն իրականացնում է կարգավորիչ բարեփոխումների գիլյոտին ծրագիրը: Բանախոսը տեղեկացրեց, որ այս տարեվերջին կավարտվեն մաքսային ոլորտի օրենսդրական բարեփոխումները: Առհասարակ Հայաստանի այն բոլոր իրավական ակտերը, որոնք չեն համապատասխանում տնտեսական թափանցիկության չափանիշին, բարեփոխվելու են:
 
Սքոթ Յակոբսի խոսքով՝ բարեփոխման սկզբունքները երեքն են: Առաջինը տնտեսական անկախությունն է. բիզնեսը պետք է կարողանա իր գործունեությունը հնարավորինս հեշտությամբ ծավալել: Երկրորդը հարգանքն է. պետության հետ հարաբերություններում քաղաքացին պետք է հարգանքի արժանանա: Երրորդ սկզբունքը թափանցիկությունն է. բիզնեսում բոլոր գործընթացները պետք է լինեն խիստ հստակ բոլորի համար:
 
Սքոթ Յակոբսը նշեց, որ Հայաստանում յուրաքանչյուր ոք կարող է մասնակցել բարեփոխման գործընթացին՝ http://www.e-guillotine.am/ կայքում առցանց առաջարկներ ու մեկնաբանություններ անելով փոփոխման ենթակա օրենքների վերաբերյալ:
 
«Այս բարեփոխումների արդյունքում կունենանք ավելի արագ գործընթացներ և քիչ փաստաթղթաշրջանառություն: Տարբեր ծառայությունների ծախսերը կկրճատվեն: Մարդկանց իրավունքները կպաշտպանվեն ավելի հստակ գործընթացների միջոցով»,- ասաց միջազգային փորձագետը:
 
Մասնավորապես, Սքոթ Յակոբսն օրինակ բերեց այն «անասելիորեն բարդ» գործընթացը, որը Հայաստանում աղքատ ընտանիքը պետք է անցնի պետությունից նպաստ ստանալու համար: Քաղաքացիները, ովքեր շատ հեռու են ապրում նախարարությունից, պարտավոր են անձամբ ներկայանալ նախարարություն՝ դիմումը լրացնելու: Մինչդեռ նրանք պետք է ունենան դիմումը նախարարությանն առցանց կամ փոստով ուղարկելու հնարավորություն:
 
Նրա բերած մեկ այլ օրինակ էր «Ամազոն» կայքի միջոցով գիրք պատվիրելուն հաջորդող գործընթացը: ԱՄՆ-ում գործող «Ամազոնից» գիրք պատվիրող հայաստանցին ստիպված է անցնել մաքսային չափազանց դժվարին գործընթացի միջով, մինչդեռ տարեկան Հայաստան է ներմուծվում 42 հազար նման ծանրոց:
 
Օրենսդրության կարգավորման ազգային կենտրոնն իր բարեփոխումներն իրականացնում է կարգավորող 32 մարմինների՝ նախարարությունների, այլ պետական կառավարման և տեղական ինքնակառավարման մարմինների հետ համագործակցությամբ: Բարեփոխումների առաջարկները ներկայացվում են ՀՀ վարչապետի գլխավորությամբ գործող Բարեփոխումների խորհրդին, որտեղ հավանության արժանանալուց հետո օրենսդրությամբ սահմանված կարգով ներկայացվում են կառավարության քննարկմանը:
 
Սեպտեմբերի 26-ին «Մեդիա կենտրոնում» էր Օրենսդրության կարգավորման ազգային կենտրոնի միջազգային փորձագետ, կարգավորիչ գիլյոտինի հեղինակ Սքոթ Յակոբսը: Նա ներկայացրեց կենտրոնի գործունեությունը և Հայաստանում տեղի ունեցող օրենսդրական բարեփոխումները:

Տեսանյութ
Print Friendly and PDF
Այլ մամլո հաղորդագրություններ
ԻՇԽԱՆՈՒԹՅԱՆ ՃՅՈՒՂԵՐԻ ՏԱՐԱՆՋԱՏՄԱՆ ԵՎ ՀԱԿԱԿՇՌՄԱՆ ՍԿԶԲՈՒՆՔԻ ԱՊԱՀՈՎՈՒՄԸ ԽՈՐՀՐԴԱՐԱՆԱԿԱՆ ԿԱՌԱՎԱՐՄԱՆ ՀԱՄԱԿԱՐԳՈՒՄ
20.02.2018
11:30
«Գործընկերություն հանուն բաց հասարակության» նախաձեռնությունը և ԲՀՀ-Հայաստան Արդարադատության խումբը անցկացրեց «Իշխանության ճյուղերի տարանջատման և հակակշռման սկզբունքի ապահովումը խորհրդարանական կառավարման համակարգում» խորագրով հանրային քննարկում:
«Իշխանության գերկենտրոնացու ՞մ, թե՞ կառավարման մոդելի բարեփոխում. վարչապետի նոր լիազորությունները»
15.02.2018
19:00
Փետրվարի 15-ին «Մեդիա կենտրոնի» նախաձեռնությամբ «Ա1պլյուսի» հեռուստատաղավարում առցանց ուղիղ հեռարձակմամբ անցկացվեց բանավեճ «Իշխանության գերկենտրոնացու ՞մ, թե՞ կառավարման մոդելի բարեփոխում. վարչապետի նոր լիազորությունները» թեմայով:
«ԱԺ մոնիտորինգ. 6-րդ գումարման խորհրդարանի 1-ին և 2-րդ նստաշրջանների դիտարկման արդյունքները»
15.02.2018
13:00
Փետրվարի 15-ին «Մեդիա կենտրոնում» տեղի ունեցավ քննարկում «ԱԺ մոնիտորինգ. 6-րդ գումարման խորհրդարանի 1-ին և 2-րդ նստաշրջանների դիտարկման արդյունքները» թեմայով:
«Ժիրայր Սեֆիլյանի և Գևորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները»
15.02.2018
11:00
Փետրվարի 15-ին «Մեդիա կենտրոնում» տեղի ունեցավ մամլո ասուլիս «Ժիրայր Սեֆիլյանի և Գևորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները» թեմայով:
«Համայնքների խոշորացում Արմավիրում. կառավարման մոդելի բարեփոխու ՞մ, թե՞ նոր խոչընդոտներ»
14.02.2018
13:00
Փետրվարի 14-ին «Մեդիա կենտրոնը» Արմավիրի Զարգացման կենտրոնի հետ համատեղ անցկացրեց քննարկում Արմավիր քաղաքում «Համայնքների խոշորացում Արմավիրում. կառավարման մոդելի բարեփոխու ՞մ, թե՞ նոր խոչընդոտներ» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ