Տեղի կունենա «Կամավորություն հանուն համայնքային առաջընթացի» EXPO-ցուցահանդես
24.09.2013
12:00
«Կամավորություն հանուն համայնքային առաջընթացի» EXPO-ցուցահանդեսին երիտասարդներին համագործակցության առաջարկով կներկայանան 30 հասարակական կազմակերպություններ Երևանից և Շիրակի ու Լոռու մարզերից:

EXPO-ցուցահանդեսը կբացվի հոկտեմբերի 4-ին՝ ժամը 13:00-ին, Գյումրի քաղաքի Ալեք Մանուկյան 1 հասցեում:

«Երաշխիք քաղաքացիական հասարակության կենտրոն» ՀԿ-ն ցուցահանդեսի ընթացքում կհավաքագրի կամավորների և կներգրավի իր ծրագրերում կամ կաջակցի, որ կամավորները գործունեություն ծավալեն իրենց նախընտրած ՀԿ-ում:

Այսօր՝ «Մեդիա կենտրոնում» անցկացված մամուլի ասուլիսի ժամանակ, «Երաշխիք քաղաքացիական հասարակության կենտրոն» ՀԿ-ի գործադիր տնօրեն Արման Սահակյանը նշեց, որ ցուցահանդեսը հնարավորություն կտա երիտասարդներին տեղում ծանոթանալ կազմակերպություններին և համագործակցել:

«Հատկապես մարզերում երիտասարդությունը բավական պասիվ է գուցե այն պատճառով, որ չունի ինքնադրսևորման տեղ և հնարավորություն»,- նշեց Մարիետա Բաղդասարյանը`

«Համայնքային ծառայություն և կամավորություն» ծրագրի ղեկավար, EXPO-ցուցահանդեսի կազմակերպիչ:

Նրա խոսքով՝ իրենց նպատակն է հնարավորինս մանրամասն ու պատկերավոր ներկայացնել մասնակից կազմակերպությունների գործունեությունը, հավաքագրել կամավորների և երիտասարդների շրջանում խթանել կամավորության գաղափարը:

«Երաշխիք քաղաքացիական հասարակության կենտրոն» ՀԿ-ն օգոստոսի 1-ից Գյումրիում իրականացնում է «Համայնքային ծառայություն և կամավորություն» ծրագիրը, որի նպատակն է խթանել Շիրակի մարզի համայնքային ակտիվ երիտասարդության և ՀԿ-ների՝ կամավորության սկզբունքով մասնակցությունը երիտասարդների հիմնախնդիրների լուծմանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Թավշյա զրույց» Հրաչյա Հակոբյանի հետ
22.06.2018
16:00
ԱԺ «Ելք» խմբակցության պատգամավոր, «թավշյա հեղափոխության» ակտիվ մասնակից Հրաչյա Հակոբյանի կարծիքով այսօր բավականին խորը արմատներ են դրվում, որպեսզի հասարակությունը պատրաստվի գնալու ազատ և արդար ընտրությունների:
«Երկրապահ կամավորական միություն. անհրաժե՞շտ կառույց Հայաստանի համար, թե՞ ոչ»
20.06.2018
12:30
Հունիսի 20-ին Մեդիա կենտրոնում քննարկում էր ՙԵԿՄ-ն անհրաժե՞շտ կառույց է, թե՞ ոչ՚ թեմայով: Քննարկման ինֆորմացիոն առիթը ԱԱԾ-ի խուզարկությունն էր գեներալ Մանվել Գրիգորյանի առանձնատանը, որտեղ հայտնաբերվել էր ապօրինի զենք-զինամթերք, ապրիլյան պատերազմի օրերին առաջնագիծ ուղարկած օգնությունը, զինվորների համար նախատեսված սննուն, դեղորայք, հիգիենայի պարագաներ:
Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները
20.06.2018
11:00
Հունիսի 20-ին «Մեդիա կենտրոնում» տեղի ունեցավ քննարկում «Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները» թեմայով։
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ