ՀՀ Քրեական օրենսգրքի 18-րդ գլխի նախագիծը
17.09.2013
12:00
Առաջիկա երկու ամսում Ազգային ժողովն ամբողջությամբ կընդունի ՀՀ Քրեական օրենսգրքի 18-րդ գլխի «Սեռական անձեռնմխելիության և սեռական ազատության դեմ ուղղված հանցագործությունները» հոդվածներում փոփոխությունների և լրացումների նախագիծը. կանխատեսեց Դավիթ Հարությունյանը` ԱԺ պետաիրավական հարցերի մշտական հանձնաժողովի նախագահը, այսօր «Մեդիա կենտրոնում» անցկացված քննարկման ժամանակ: Ազգային ժողովն առաջին ընթերցմամբ միաձայն կողմ է քվեարկել նախագծին:

Կանանց ռեսուրսային կենտրոնի սեռական բռնության ճգնաժամային ծառայությունների ղեկավար Տաթևիկ Աղաբեկյանը նշեց, որ գործող օրենսդրության մեջ կան բացեր, ներկայում նույնիսկ կան սեռական բռնության դիմաց դրամական տուգանք նախատեսող պատժի ձևեր: Այս իսկ պատճառով Կանանց ռեսուրսային կենտրոնը 2010թ.-ին սկսել է ստեղծել Քրեական օրենսգրքի 18-րդ գլխի փոփոխությունների մասին օրենքի նախագիծը:

ԵԱՀԿ փորձագետ, նախագծի համահեղինակ Դավիթ Թումասյանը նշեց, որ 2011թ. գրանցվել է 71 սեռական հանցագործության դեպք, 2012-ին՝ 105, 2013-ի միայն 6 ամսվա ընթացքում՝ 59 դեպք: Հայաստանում սեռական հանցագործություններն ունեն աճելու միտում, սակայն այս վիճակագրությունը չի արտացոլում իրականությունը, քանի որ նման հանցագործությունները լատենտային են:

Դավիթ Հարությունյանի խոսքով՝ այսօր շատ տարածված է դարձել նաև «անառակաբարո գործողություններ» հանցագործությունը: Հաճախ անառակաբարո գործողությունները լինում են ոչ միայն ֆիզիկական, այլև ինտելեկտուալ, օրինակ՝ ինտերնետի միջոցով երեխայի հետ զրույցներ վարելով, ինչի մասին տեղյակ չեն լինում ծնողները:

Երբ գործող օրենսդրության մեջ սեռական հարաբերության «կամովին»-«ոչ կամովին» անցումն առաջացնում է պատժի շատ մեծ փոփոխություն, քննչական մարմիններում դրսևորվում է կոռուպցիոն ռիսկը: Դավիթ Հարությունյանի խոսքով՝ երբ նախագիծը ստանա օրենքի ուժ, նման կոռուպցիոն ռիսկը կվերանա, քանի որ անիմաստ կլինի հանցագործությունն այս քրեական հոդվածից տեղափոխել մեկ այլ հոդված:

Օրինագծով` մինչև 12 տարեկան անձի հետ սեռական հարաբերությունը նախատեսելու է պատիժ՝ բռնաբարության կամ սեռական գործողությունների հարկադրելու հոդվածներով նախատեսված խիստ պատժաչափերով: Մինչև 12 տարեկան երեխաները միանշանակ համարվելու են անօգնական վիճակում գտնվող: Դատահոգեբանական փորձաքննություն կնշանակվի 12 տարեկանից բարձր տարիքի երեխաների դեպքում:

Օրենքի փոփոխությունը հստակեցնում ու առանձնացնում է հանցակազմերը, խստացնում պատիժը: Դավիթ Հարությունյանի խոսքով՝ ի թիվս այս նպատակների՝ իրենք ցանկանում են, որ հանցագործը ստանա արժանի պատիժ:

Դավիթ Թումասյանը շեշտեց, որ մինչև 16 տարեկան անձի հետ սեռական հարաբերություն ունենալն արգելված է՝ անկախ քաղաքացիությունից, ազգային պատկանելությունից: «Դա օրենքով ամրագրված է, օրենքը բոլորի համար է»,- ասաց ԵԱՀԿ փորձագետը:

Սեպտեմբերի 17-ին «Մեդիա կենտրոնում» քննարկվեց «ՀՀ Քրեական օրենսգրքի 18-րդ գլխի «Սեռական անձեռնմխելիության և սեռական ազատության դեմ ուղղված հանցագործությունները» հոդվածներում փոփոխությունների և լրացումների նախագիծը»:

Բանախոսներն էին
Տաթևիկ Աղաբեկյանը` Կանանց ռեսուրսային կենտրոնի սեռական բռնության ճգնաժամային ծառայությունների ղեկավար, Դավիթ Թումասյանը` ԵԱՀԿ փորձագետ, փաստաբան, իրավաբանական գիտությունների թեկնածու և Դավիթ Հարությունյանը`ԱԺ պետաիրավական հարցերի մշտական հանձնաժողովի նախագահ: 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ