«Շնչելու իրավունք» բացօթյա քննարկում
18.09.2013
17:00
«Մեդիա կենտրոն», սեպտեմբերի 19: Երևանում առկա է օդի որակի վրա բացասական ազդեցություն թողնող 522 արտանետման աղբյուր, և քաղաքում ոչ միայն փոշին է աղտոտիչ, այլև փոշու մեջ ծանր մետաղները. նշեց Լիլիթ Սահակյանը`ՀՀ ԳԱ էկոլոգանոոսֆերային հետազոտությունների կենտրոնի լաբորատորիայի ղեկավարը: Լաբորատորիան տարիներ շարունակ հայտնաբերել է տարբեր որակական ու քանակական ցուցանիշերով ծանր մետաղներ: Քաղաքի գրեթե ողջ տարածքը աղտոտված է մոլիբդենով:

Սեպտեմբերի 18-ին«Շնչելու իրավունք» բացօթյա քննարկումն ուղղված էր Հայաստանում օդի աղտոտվածության խնդրին:

Պաշտոնական տվյալներով Հայաստանում տարեկան մթերվում է 50-60 հազար խորանարդ մետր փայտ: Սակայն «Էյ Թի Փի» բարեգործական հիմնադրամի SEEDS ծրագրի ղեկավար Վարդան Մելիքյանը տարբեր աղբյուրներից լսել է, որ իրական ցուցանիշը մինչև 10 անգամ գերազանցում է պաշտոնականը:

«Այսինքն՝ տարեկան կորցնում ենք միլիոնից ավելի ծառ Հայաստանում, իսկ «Էյ Թի Փի»-ն տնկում է մի քանի հարյուր հազար: Այսինքն՝ բալանսի մասին չենք կարող խոսել»,- ասաց Վարդան Մելիքյանը:

«Կանաչ արահետ» ՀԿ բնապահպանական ծրագրերի խորհրդատու Լիա Ասատրյանն օդի աղտոտվածության պատճառներից մեկը համարեց այն, որ Հայաստանի ամբողջ տարածքում չի իրականացվում աղբի պատշաճ կառավարում:

Մայրաքաղաքում կա 6 խոշոր աղտոտիչ գործարան, ամենամեծ աղտոտիչը փոշին է, գազերը նորմային մոտ են. նշեց Դիանա Գրիգորյանը` Երևանի քաղաքապետարանի բնապահպանության վարչության գլխավոր մասնագետը: Նրա խոսքով՝ փոշին իրենք փորձում են նվազեցնել՝ կանաչ տարածքները վերականգնելով ու նորերը ստեղծելով, ինչի նպատակով վերջին տարիներին Երևանում անցկացնում են ոռոգման ցանցեր:

Վայրի բնության և մշակութային արժեքների պահպանման հիմնադրամի ծրագրերի տնօրեն Բարբարա Զիբերտը, ով Երևանում ապրում է արդեն երկար տարիներ, ասաց, որ Եվրոպայում պլանավորում են կանաչ գոտիները, և ցանկացած քաղաքապետարան վերահսկում է այգիները, իսկ ինքը տպավորություն ունի, որ Հայաստանում ամեն ինչ լինում է հենց այնպես:

Դիանա Գրիգորյանը համաձայնեց, որ Երևանում կան այգիներ, որոնցում սրճարաններ չպետք է լինեին: Միաժամանակ նա նշեց, որ այգիներում սրճարան կամ այլ օբյեկտ հիմնելու արատավոր երևույթն ունի 20 տարվա վաղեմություն:

Հայկական բնապահպանական ցանցի հայաստանյան գրասենյակի տնօրեն Արմինե Սարգսյանը դժգոհեց, որ Հայաստանը ստորագրել է մի շարք կոնվենցիաներ, այդ թվում նաև Օրհուսի կոնվենցիան, որոնք փաստացի մնում են թղթի վրա: Խնդիրների մասին հիմնականում ահազանգում են ակտիվիստները, դրանք լուծելու ուղղությամբ լուրջ քայլեր չեն կատարվում:

Շրջակա միջավայրի իրավական պաշտպանության կենտրոնի տնօրեն Աիդա Իսկոյանն հակադարձեց, որՀայաստանը ԱՊՀ երկրներում առաջատար դիրքերում է Օրհուսի կոնվենցիայի իրականացման տեսանկյունից, հատկապես ընկերությունների կողմից բնապահպանական տեղեկատվություն տրամադրելու առումով:

Աիդա Իսկոյանի կարծիքով՝ ոչ մի նախարար, քաղաքապետ չի կարող անել այն, ինչ կարող է անել հասարակությունը, եթե այն կրթված է և գիտակցում է, որ բնությունը նաև իրենն է:

«Մեդիա կենտրոնի» և Վայրի բնության և մշակութային արժեքների պահպանման հիմնադրամի նախաձեռնությամբ Երևանի կենդանաբանական այգում անցկացված բացօթյա քննարկմանը նախորդել էր «Խաղեր փոշու հետ» ֆիլմի ցուցադրությունը:

Քննարկման բանախոսներն էին`

  • Լիլիթ Սահակյան`ՀՀ ԳԱ էկոլոգոնոոսֆերային հետազոտությունների կենտրոնի լաբորատորիայի ղեկավար,
  • Վարդան Մելիքյան` «ԷյԹիՓի» բարեգործական հիմնադրամի SEEDS ծրագրի ղեկավար,
  • Աիդա Իսկոյան` Շրջակա միջավայրի իրավական պաշտպանության կենտրոնի տնօրեն,
  • Բարբարա Զիբերտ` Վայրի բնության և մշակութային արժեքների պահպանման հիմնադրամի ծրագրերի տնօրեն,
  • Լիա Ասատրյան` «Կանաչ արահետ» ՀԿ բնապահպանական ծրագրերի խորհրդատու,
  • ԴիանաԳրիգորյան`Երևանի քաղաքապետարանի բնապահպանության վարչության գլխավոր մասնագետ:
Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ