«Ժառանգություն» խմբակցության մամլո ասուլիսը
19.02.2013
12:00
Փետրվարի 19-ին Մեդիա կենտրոնի սրահում կայացավ «Ժառանգություն» խմբակցության ղեկավար Ռուբեն Հակոբյանի, կուսակցության փոխնախագահ Արմեն Մարտիրոսյանի և մամլո խոսնակ Հովսեփ Խուրշուդյանի մամլո ասուլիսը:

Խոսելով նախորդ օրը կայացած նախագահական ընտրություններում տեղ գտած ընտրախախտումների մասին՝ Հ.Խուրշուդյանը մատնանշեց զանգվածային  ընտրակաշառքների, բաց և վերահսկվող, կրկնակի  քվեարկությունների դեպքերը,որոնք  բավական մեծ թիվ են կազմում, սակայն  «հիմնական խախտումն իրականացվել է հաշվարկի ընթացքում, որոնցով ուղղակիորեն, բիրտ ձևով խեղաթյուրվել են արդյունքները»:

Անդրադառնալով Գյումրիում քվեարկության ընթացքին՝ «Ժառանգություն» խմբակցության ղեկավար Ռուբեն Հակոբյանը նշեց, որ ի տարբերություն 1996թ. ընտրություններին, ժողովուրդն իր ձայնը տվել էր ոչ թե ընդդեմ իշխանությունների տրամաբանությամբ, այլ հանուն Րաֆֆի Հովհաննիսյանի, հանուն արդարության:

 «Այս ընտրություններում հաղթեց բարիությունը, ժպիտը, մարդուն սիրելու մշակույթը», - հայտարարեց Հակոբյանը:

«Հայաստանի քաղաքացին իր ընտրությունն արդեն արել է` ձայնը տվել է Րաֆֆի Հովհաննիսյանին, և իշխանությունները պետք է հաշվի նստեն և ընդունեն իրենց պարտությունը», - իր հերթին նշեց «Ժառանգություն» կուսակցության փոխնախագահ Արմեն Մարտիրոսյանը: Նրա համոզմամբ, վերջնական հաղթանակը շատ մոտ է, և ժողովուրդը շուտով կտեսնի, որ Հայաստանում տեղի է ունենում «ընտրական հեղափոխություն»:

 «Ժառանգություն» կուսակցության ներկայացուցիչները հայտնեցին, որ նույնը օրը նախատեսվող հանրահավաքում կհնչի Րաֆֆի Հովհաննիսյանի հայտարարությունը և կհստակեցվեն այս քաղաքական ուժի հետագա անելիքները:

Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ