Առանց բանավեճի, առանց քննադատության ոչ կառավարությունը, ոչ երկիրը չի կարող հաջողություն ունենալ
Ըստ Գևորգ Մելիքյանի, ընտրակեղծիքներ եւ խախտումներ եղել եմ բազմաթիվ, սակայն դրանք այնքան հմտորեն էին արվում, սցենարն այնքան գեղեցիկ էր մշակված, որ ապացուցել հնարավոր չէ:
Ոչ ոք դիտորդի ներկայությամբ կեղծիք չի անի, լցոնում չի իրականացնի. «Բավական է դիտորդի մեքենան հայտնվի տեղամասի մոտ` լուրն արդեն հասնում է հանձնաժողովին եւ անմիջապես դադարեցվում են ամեն տեսակի կեղծարարությունները: Իսկ եվրոպացի դիտորդները ենթադրությունների հիման վրա գնահատական չեն տալիս: Այդ պատճառով էլ միջազգային դիտորդների գնահատականը դրական էր»:
Բացի այդ, «դիտորդները` տեղական և միջազգային, միշտ չէ, որ պատրաստ են արձանագրել իրենց իսկ տեսած խախտումները, քանի որ խուսափում են ավելորդ գլխացավանքից»:
Քաղաքագետ Գևորգ Մելիքյանը, չի հասկանում Exit Poll-ի իմաստը Հայաստանի նման երկրնում. “Շատ տարօրինակ էր, որ Exit Poll-ի վերջնական արդյունքները համընկնում էին իրական արդյունքներին”:
Որպես քաղաքագետ, Մելիքյանը նկատեց. “Կարծում եմ, Րաֆֆի Հովհաննիսյանը հետընթացի ճանապարհ չունի”:
