Լաուրա Բաղդասարյանի ասուլիսը
20.02.2013
12:00
Փետրվանի 20-ին «Մեդիա կենտրոնում» Ռեգիոն հետազոտական կենտրոնի տնօրեն Լաուրա Բաղդասարյանը ներկայացրեց նախագահական ընտրությունների պաշտոնական քարոզչության, լռության և քվեարկության օրերի ընթացքում ֆեյսբուք սոցիալական ցանցի ուսումնասիրության արդյունքները:

Ըստ ուսումնասիրության, բացի ՀՀԿ առաջնորդ, գործող նախագահ Սերժ Սարգսյանից,  մյուս բոլոր յոթ թեկնածուները լայնորեն օգտագործել են համացանցի հնարավորությունները՝ իրականացնելով ոչ միայն քարոզչություն, այլև սև PR միմյանց նկատմամբ:

Ֆեյսբուքյան տիրույթում ամենամեծ ակտիվությունը ցուցաբերել է Պարույր Հայրիկյանը՝ հաճախ կարգավիճակներ (ստատուս) գրելով ու ծավալելով քննարկումներ:

«Ֆեյսբուքյան իր էջում առանց ստատուսների է աշխատել նախագահի թեկնածու Անդրիաս Ղուկասյանը. սա այն թեկնածուն է եղել, ով ընդհանրապես ստատուսներ չի գրել, պասիվ է եղել նաև Արման Մելիքյանը»:

Բաղդասարյանը նշում է, որ հաճախ թեկնածուներն ավելի շատ հակաքարոզչություն են իրականացրել միմյանց նկատմամբ, քան քարոզչություն, այդ առումով ակտիվ է եղել Արամ Հարությունյանը:

«Չնայած Արամ Հարությունյանը ամենաքիչն է օգտագործել ֆեյսբուքը և ուներ ամենաքիչ հետևողների քանակը, սակայն ամենաշատ սև PR-ն է իրականացրել գրեթե բոլոր թեկնածուների նկատմամբ»,-ասում է Լաուրա Բաղդասարյանը:

Ուսումնասիրությունը փաստում է, որ լռության օրը Ֆեյսբուքը «չի լռել».

«Եթե լռության օրը պարտավոր են լռել թեկնածուները և ԶԼՄ-ները, ապա սովորական օգտատերերը նման սահմանափակում չունեն: Եղել են դեպքեր, երբ և՛ լրագրողները, և՛ խմբագիրները գրել են ընտրական թեմաներով»,-պարզաբանում է Լաուրա Բաղդասարյանը:

 Քվեարկության օրը ընտրախախտումների մասին ամենաշատ տեղեկատվությունը տարածվել է Րաֆֆի Հովհաննիսյանի էջից, ով քարոզարշավի ընթացքում ստացել էր ամենամեծ հավանողների թիվը. «Քարոզարշավի սկզբին  Րաֆֆի Հովհաննիսյանն ուներ մոտ 8000 հավանողներ, իսկ ավարտին արդեն՝ 16000»:

Ռեգիոն հետազոտական կենտրոնի տնօրենը տեղեկացրեց, որ ֆեյսբուքի ուսումնասիրությունն ու    մշտադիտարկումը շարունակվելու է նաև հետընտրական շրջանում և արդյունքները կներկայացվեն երկու շաբաթից:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ