Քաղաքացիական շարժումների ազդեցությունը ընտրական գործընթացների վրա
21.02.2013
11:00
Փետրվարի 21-ին «Մեդիա կենտրոնում» (Ամիրյան 4/7 Իմպերիում պլազա, 7-րդ հարկ, 4-րդ սենյակ) կայացավ քննարկում-ասուլիս «Քաղաքացիական շարժումների ազդեցությունը ընտրական գործընթացների ու հետընտրական զարգացումների վրա» թեմայով:

Քննարկման բանախոսներն էին քաղաքացիական ակտիվիստներ Լենա Նազարյանը, Արթուր Ավթանդիլյանը, Ծովինար Նազարյանը, Մարինե Մանուչարյանը, Արփինե Գալֆայանն ու ՀՅԴ Նիկոլ Աղբալյան ուսանողական միության անդամ Վանիկ Չալոյանը:

Երիտասարդ ակտիվիստները երկու օր առաջ հայտարարությամբ բոյկոտեցին ու ընդհատեցին ԵԱՀԿ և ԵԽԽՎ միջազգային դիտորդների մամլո ասուլիսը հենց այն պահին երբ դիտորդական առաքելության ղեկավարները հայտարարեցին, որ Հայաստանի նախագահի ընտրությունները մեկ քայլ առաջ էին և համապատասխանում էին միջազգային չափանիշներին:

Բոյկոտի հայտարարությունը ներկայացրած Լենա Նազարյանը քննարկմանն ասաց, որ «իրենց արածը հերոսություն չէր» և ընդհանրապես պետք է հասարակության մեջ սերմանել այն միտքը, որ ամեն մեկը կարող է և ունակ է «փոփոխություններ մտցնել»:

«Ընտրությունների ընթացքում դիտորդություն իրականացնելով ու տեսնելով թե ինչպես են ՀՀԿ վստահված անձինք հանձնաժողովի անդամների հետ միասին գրկախառնված կեղծում ընտրությունները, մենք չէինք կարող ընտրությունների այդ գնահատականն ընդունել»,-ասաց Նազարյանը:

Արփինե Գալֆայանը շեշտեց, որ Հայաստանում  հասարակության ակտիվությունը դրսևորվում է միայն հինգ տարին մեկ, ինչը չի կարող արդյունք տալ.

«Մարդիկ ամեն անգամ փորձում են իրենց հույսը կապել «փրկիչների ու կուռքերի» հետ, այս տենդենցը պետք է հաղթահարվի, այլապես չենք կարող խուսափել հիասթափություններից: Հասարակությունը ի վերջո հերոսացվող օբյեկտից պետք է վերածվի սուբյեկտի, որպեսզի ինքն իր վրա վերցնի պատասխանատվությունը»,- կարծում է Գալֆայանը:

Ծավալված քննարկմանը skype-ով միացել էր նաև Վաշինգտոնում ապրող Արսեն Խառատյանը, ով շեշտեց, որ այսօր Հայաստանում ձևավորվել է ակտիվ քաղաքացիական հասարակություն, որը կարող է դառնալ գործոն ու շարժիչ ուժ:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ