ՀՀ Նախագահի 2013 թ ընտրությունների լեգիտիմությունը
26.02.2013
12:00
Փետրվարի 26-ին «Մեդիա կենտրոնում» կայացավ հասարակական կազմակերպությունների ասուլիսը, որի ընթացքում ներկայացվեց հայտարարություն «ՀՀ Նախագահի 2013 թ ընտրությունների լեգիտիմության վերաբերյալ»:

Ասուլիսի մասնակիցներն էին Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը,  Թրանսփարենսի ինթերնեյշնլ հակակոռուպցիոն կենտրոնի գործադիր տնօրեն Վարուժան Հոկտանյանը, Կանանց ռեսուրսային կենտրոնի տնօրեն Լարա Ահարոնյանը, Բաց հասարակության հիմնադրամներ – Հայաստանի տնօրեն Լարիսա Մինասյանը:

Հայտարարությամբ կազմակերպությունները շեշտել են, որ  «կենտրոնական ընտրական հանձնաժողովի կողմից պաշտոնապես հրապարակված քվեարկության արդյունքները չեն համապատասխանում իրականությանը և հերթական անգամ Հայաստանում ձախողում են նախագահի ինստիտուտի լեգիտիմ ձևավորումը»:

«Քաղաքացիական կառույցների կողմից իրականացված դիտարկումները ցույց են տվել, որ ընտրական ողջ գործընթացը թե նախընտրական և թե քվեարկության փուլում ուղեկցվել են իշխանությունների կողմից կազմակերպված իրավախախտումներով` վարչական ռեսուրսի չարաշահումներով, ընտրակաշառքներով, սպառնալիքներով, լցոնումներով, բացակա ընտրողների փոխարեն քվեարկությամբ և քվեարկության արդյունքների կեղծմամբ, ինչի մասին առկա են բազմաթիվ փաստեր, ինչպես նաև սոցիալական ցանցերում ու ԶԼՄ-ներում տեղադրված տեսագրություններ»:

Հայտարարության մեջ նշվում է նաև, որ «ժողովրդավարության խթանման գործում ճանաչված միջազգային դիտորդական առաքելությունների նախնական գնահատականները չեն արտացոլում իրական ընտրական գործընթացները և մեծապես պայմանավորված են քաղաքական դրդապատճառներով»:

Կազմակերպությունները պահանջում են «հրապարակել ստորագրված ընտրացուցակները` հավաստիացնելու Հայաստանի ընտրողներին իրենց և բացակա ընտրողների անունները չչարաշահելու հանգամանքը և ձևավորվող իշխանության լեգիմությունը»:

Հայտարարության հեղինակ ՀԿ-ները, որոնք իրականացրել են դիտորդական առաքելություն, վստահեցնում են, որ ընտրացուցակների ուռճացված լինելու որոշակի փաստերն առկա են և, «իշխանությունները եթե ուզում են վերականգնել հասարակության վստահությունը, պետք է քաղաքական կամք ցուցաբերեն ու հրապարակեն ընտրացուցակները»:

Թրանսփարենսի ինթերնեյշնլ հակակոռուպցիոն կենտրոնի ընտրացուցակների ու մասնակիցների թվի հատուկ համակարգչային  ծրագրով պարզ է դառնում, որ այն ընտրատեղամասերում որտեղ գրանցվել է 72 տոկոսից բարձր մասնակցության ցուցանիշ բավական մեծ տոկոսով հաղթել է գործող նախագահ Սերժ Սարգսյանը:

«222 ընտրատեղամասերում գրանցվել է 80 տոկոս մասնակցություն և այդ տեղամասերում Սերժ Սարգսյանը ստացել է առնվազն 70 տոկոս ձայն, իսկ եթե ընտրողների մասնակցությունը մինչև 60 տոկոս է, այդ ընտրատեղամասերում հաղթել է Րաֆֆի Հովհաննիսյանը, սրանք զուտ փաստական տվյալներ են, որոնք կասկած են հարուցում»,- Մեդիա Կենտրոնին ասաց գործադիր տնօրեն Թրանսփարենսի ինթերնեյշնլ հակակոռուպցիոն կենտրոնի գործադիր տնօրեն Վարուժան Հոկտանյանը:

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը հայտարարեց, որ քվեարկության օրը ոստիկանություն է ուղարկվել մոտ 29 հաղորդագրություն ընտրախախտումների վերաբերյալ, սակայն ոչ մի գործ չի հարուցվել:

Կանանց ռեսուրսային կենտրոնի տնօրեն Լարա Ահարոնյանը շեշտեց, որ հետընտրական ընդվզումներն այս անգամ ավելի շատ են և դրանք միայն մեկ անձի համար չեն և չեն ուղղորդվում մեկ կենտրոնից.«տարբեր կողմերից են մարդիկ ընդվզում, իշխանությունների համար հեշտ կլիներ լռեցնել մի քանի խմբի ձայնը, սակայն բոլորին և միշտ լռեցնել հնարավոր չէ»:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ