Ո՞ր պետական կայքերն են ավելի մատչելի
12.09.2013
12:00
«Այս աշխատանքը ոչ թե ամոթանք տալու համար ենք անում, այլ ցանկանում ենք, որ պետական մարմինները պատասխանատու լինեն հանրային նշանակության տեղեկատվություն տրամադրելիս` իրար հետ մրցելով»,- սեպտեմբերի 12-ին «Մեդիա կենտրոնում» ասաց Խոսքիազատությանպաշտպանությանկոմիտեի (ԽԱՊԿ) նախագահԱշոտՄելիքյանը:

Նաև ԽԱՊԿ իրավաբանՕլգաՍաֆարյանը ներկայացրին Հայաստանի պետականմարմիններիպաշտոնականկայքերի հերթականմոնիտորինգի արդյունքները:

ԽԱՊԿ-ը մոնիտորինգն անցկացրել է 2013թ. մայիսի 1-ից օգոստոսի 15-ը՝ գնահատելով պետական մարմինների պաշտոնական կայքերում տեղեկությունների առկայությունը (կամ բացակայությունը), ամբողջականությունը, հրատապությունը, տեխնիկապես հասնելիությունը:

Կայքերի դիտարկումն իրականացվել է 152 չափորոշիչով, որից 131-ը բովանդակային է, 21-ը՝ տեխնիկական: Ստացված տվյալների հիման վրա հատուկ մշակված բանաձևերով հաշվարկվել են տեղեկությունների քանակական և որակական գործակիցները, որից հետո՝ տեղեկատվության թափանցիկության գործակիցը, և ձևավորվել կայքերի վարկանիշային աղյուսակը:

Ուսումնասիրվել են 51 պետական մարմնի կայքեր, որոնք պայմանականորեն բաժանվել են 3 խմբի: Առաջին խմբում ներառված է նախարարությունների և կառավարությանն առընթեր մարմինների 34 կայք, երկրորդում՝ 10 մարզի պաշտոնական կայքերը, երրորդում՝ նախագահի, Ազգային ժողովի, կառավարության, Սահմանադրական դատարանի, դատախազության, Երևանի քաղաքապետարանի և մարդու իրավունքների պաշտպանի կայքերը: Երրորդ խմբի կայքերի վարկանիշային աղյուսակ չի կազմվել, քանի որ այդ մարմինների գործառույթները, հրապարակման ենթակա տեղեկությունների անհրաժեշտությունը տարբեր են:

Առաջին խմբի կայքերի վարկանիշային աղյուսակում լավագույն 3 արդյունքն ունեն տարածքային կառավարման նախարարությունը (տեղեկատվության թափանցիկության աստիճանը 2013-ին՝ 83.96%, 2012-ին՝ 68.33%), միգրացիոն պետական ծառայությունը (2013-ին՝ 77.31%, 2012-ին՝ 54.54%) և արդարադատության նախարարությունը (2013-ին՝ 68.16%, 2012-ին՝ 63.38%):

Այս խմբում վատագույն արդյունքն ունեն միջուկային անվտանգության կարգավորման պետական կոմիտեն (տեղեկատվության թափանցիկության աստիճանը 2013-ին՝ 18.32%, 2012-ին՝ 32.54%), հեռուստատեսության և ռադիոյի ազգային հանձնաժողովը (2013-ին՝ 20.24%, 2012-ին՝ 21.98%), մշակույթի նախարարությունը (2013-ին՝ 21.16%, 2012-ին՝ 31.30%):

Երկրորդ խմբի կայքերի վարկանիշային աղյուսակում 3 առաջատարներն են Սյունիքի (տեղեկատվության թափանցիկության աստիճանը 2013-ին՝ 51.62%, 2012-ին՝ 49.22%), Արմավիրի (2013-ին՝ 46.95%, 2012-ին՝ 38.53%) և Լոռու (2013-ին՝ 44.00%, 2012-ին՝ 44.11%) մարզպետարանների կայքերը:

Այս խմբում վատագույն արդյունքն են արձանագրել Շիրակի (տեղեկատվության թափանցիկության աստիճանը 2013-ին՝ 26.15%, 2012-ին՝ 34.37%), Արարատի (2013-ին՝ 37.06%, 2012-ին՝ 35.81%), Արագածոտնի (2013-ին՝ 40.63%, 2012-ին՝ 38.03%) մարզպետարանների կայքերը:

Երրորդ խմբի կայքերից, օրինակ, նախագահի կայքի տեղեկատվության թափանցիկության աստիճանը 2013-ին 33.62% է (2012-ին՝ 29.90%), Ազգային ժողովինը՝ 55.08% (2012-ին 53.00% էր), կառավարության կայքինը՝ 46.45% (2012-ին 42.75% էր):

Անցած տարվա համեմատ 2013 թ.-ին 51 պետական մարմնի կայքերից 32-ի ցուցանիշերը բերալավվել են: Սակայն նույնիսկ վարկանիշային աղյուսակի առաջին տեղերը զբաղեցնող կայքերում չկան կամ ամբողջական չեն այնպիսի կարևոր տեղեկություններ, ինչպիսիք են այդ մարմիններին հատկացված տարեկան բյուջեի ծախսերը, տվյալ պետական մարմնում անցկացված ստուգումների արդյունքները, նաև բացակայում են ղեկավարների տեղակալների պաշտոնական ելույթների տեքստերը:

Օլգա Սաֆարյանը հավելեց, որ «Տեղեկատվության ազատության մասին» օրենքն է պետական մարմիններին պարտադրում հրապարակել հանրային նշանակության տեղեկատվություն, և իրենք ուզում են, որ Հայաստանում կատարվեն օրենքի պահանջները:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ»
19.01.2018
11:00
Հունվարի 19-ին «Մեդիա կենտրոնում» տեղի ունեցավ քննարկում «Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ» թեմայով:
Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք» խմբակցությունը
18.01.2018
11:00
Հունվարի 18-ին «Մեդիա կենտրոնում» տեղի ունեցավ քննարկում «Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք»խմբակցությունը» թեմայով:
Արդյո՞ք պետությունը հրաժարվում է իր պարտավորություններից. ՊՆ նախարարի դրամահավաքության կոչը զինծառայողների բուժման համար
17.01.2018
12:00
Հունվարի 17-ին «Մեդիա կենտրոնում» տեղի ունեցավ քննարկում «Արդյո՞ք պետությունը հրաժարվում է իր պարտավորություններից. ՊՆ նախարարի դրամահավաքության կոչը զինծառայողների բուժման համար» թեմայով:
«Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ». հանրային քննարկում
16.01.2018
10:00
Հունվարի 16-ին ԴաբըլԹրի բայ Հիլթոն Երևան հյուրանոցի Միլանո սրահում Բաց հասարակության հիմնադրամներ-Հայաստան կազմակերպությունն իր իրավական ծրագրերի շրջանակներում ստեղծված Արդարադատության խմբի հետ համատեղ անցկացրեց «Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ» հանրային քննարկում:
«Հայացք Իրանին․ բողոքի հանրահավաքների պատճառներն ու հետևանքները»
10.01.2018
11:00
Հունվարի 10-ին «Մեդիա կենտրոնում» տեղի ունեցավ քննարկում «Հայացք Իրանին․ բողոքի հանրահավաքների պատճառներն ու հետևանքները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ