Քարֆուրը Հայաստանում.գործարար միջավայրի և ազատ մրցակցության խնդիրները
29.03.2013
12:00
Մարտի 29-ին «Մեդիա կենտրոնում» կայացավ «Քարֆուրը Հայաստանում.գործարար միջավայրի և ազատ մրցակցության խնդիրները» թեմայով:

Քննարկման բանախոսներն էին ՀՀ Էկոնոմիկայի նախարարության գործարար միջավայրի բարելավման վարչության պետ Կարեն Վարդանյանը, ԱԺ տնտեսական  հարցերի մշտական  հանձնաժողովի նախագահ, ՀՀԿ պատգամավոր Վարդան Այվազյանը, կառավարման փորձագետ Հարություն Մեսրոբյանը, Հայրենական արտադրողների միության նախագահ Վազգեն Սաֆարյանը,  Հայաստանի արդյունաբերողների և գործարարների (գործատուների) միության գործադիր տնօրեն Էդուարդ Կիրակոսյանը և «Փարիզյան սուրճի» նախկին սեփականատեր Վալերի-Աշխեն Գործունյանը (skype-ով):

Քննարկման ընթացքում հիմնականում խոսվեց Ֆրանսիական «Քարֆուր» (Carrefour) առևտրային ցանցի Հայաստանում բացման խնդիրների մասին, որի ձգձման հիմնական պատճառն ըստ փորձագետների «օլիգարխիկ միջավայրն է»:

«Մեդիա կենտրոնում» հյուրընկալված Էկոնոմիկայի նախարարության գործարար միջավայրի բարելավման վարչության պետ Կարեն Վարդանյանն ասաց, որ Քարֆուրի ներկայացուցիչների կողմից «բանակցությունները շարունակվում են» և հավանական է, որ մինչև տարեվերջ,  աշխարհում մեծությամբ երկրորդ մանրածախ առևտրի ցանցը, բացվի Հայաստանում:

Քննարկման բանախոսները շեշտեցին, որ չնայած միջազգային մի քանի կառույցներ  արձանագրում են Հայաստանում գործարար միջավայրի ցուցանիշների որոշակի առաջընթաց, սակայն երկրում դեռ չի ձևավորվել ազատ մրցակցություն:

«Մեզ մոտ շուկա չկա, բիզնեսը և պետությունը տարանջատված չէ,  ես ուսումնասիրել եմ 11 պետություն, որոնք անցումային փուլ են անցել, չկա նման երկիր, որ 20 տարի անցումային փուլում շարունակի մնալ, մաքսիմում տասը տարի, մենք ռեկորդ ենք գրանցում այս առումով»,- ասաց կառավարման փորձագետ Հարություն Մեսրոբյանը` շեշտելով, որ Հայաստանում տնտեսության զարգացման հիմնական «խոչընդոտը օլիգարխիկ համակարգն է»:

Քննարկման բանախոս հանրապետական խմբակցության պատգամավոր Վարդան Այվազյանը վստահ է, որ երկրում «տնտեսությունն արդեն ճիշտ ռելսերի վրա է», իսկ «մոնոպոլիաները հաղթահարվում են»:

«Նախկինում կար խնդիր շաքարավազի ներկրման, սակայն հաստատ ու վստահ եմ ասում, հիմա այդ խնդիրը չկա»,-վստահեցնում է Վարդան Այվազյանը:

Մինչդեռ Վալերի-Աշխեն  Գործունյանը, ով  քննարկմանը միացել էր skype-ով, քանի որ դեռ մեկ տարի առաջ ստիպված էր վաճառել իր հիմնադրած «Փարիզյան սուրճը» և տեղափոխվել Ֆրանսիա, կոչ արեց «թվերով ու ցուցանիշներով չխաբել»:

«Մենք շատ լավ գիտենք, որ եթե Հայաստանում իշխանության մեջ մարդ չունեցար գործդ առաջ չի գնա, եթե դու մաքսատանը մարդ ունես մաքսերդ քիչ կհաշվեն, հարկայինի հետ ընկերություն անես, քեզ չեն նեղի, վտանգավոր վիճակ է Հայաստանում և դա է իրականությունը»,-ասաց «Փարիզյան սուրճի» նախկին սեփականատեր Վալերի-Աշխեն Գործունյանը:

Ընդհանուր առմամբ բանախոսները համամիտ էին, որ Քարֆուր առևտրային ցանցի մուտքը դրական ազդեցություն կունենա մրցակցության վրա, որն էլ իր հերթին կնպաստի  գների նվազմանը: Այն մտահոգություններին, թե Քարֆուրը հիմնականում նաև արտադրում է իր ապրանքատեսակները, ինչը հավանական է բացասական ազդի տեղական արտադրողների վրա, Վարդան Այվազյանն ասաց.

«Չեմ կարծում թե տնտեսվարողն այնքան անհեռատես լինի, որ այն ինչ այստեղ արտադրվում է կամ հնարավոր է արտադրել, բերի օվկիանոսի այն կողմից առավել մեծ ծախսով,  այս առումով մեծ մտավախություն չունեմ»:

Քննարկումը եզրափակեց Վալերի-Աշխեն  Գործունյանը հույս հայտնելով, որ մի օր նորից կվերադառնա և բիզնես կծավալի, չնայած շեշտելով, որ «վտանգներն ու խնդիրները շատ են»:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Նոր ձևավորված խորհրդարան. որո՞նք են լինելու իշխանություններին վերահսկելու և հակակշիռներ ձևավորելու մեխանիզմները»
14.12.2018
17:00
Դեկտեմբերի 14-ին «Մեդիակենտրոնի» նախաձեռնությամբ «Ա1պլյուսի» տաղավարում առցանց ուղիղ հեռարձակմամբ անցկացվեց հեռւոստաբանավեճ «Նորձևավորվածխորհրդարան. որո՞նքենլինելուիշխանություններին վերահսկելուև հակակշիռներ ձևավորելումեխանիզմները» թեմայով:
Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված Հեքըթոն
13.12.2018
12:30
Դեկտեմբերի 13-ին Մեդիա կենտրոնում տեղի ունեցավ մամուլի ասուլիս` նվիրված 2018թ-ի դեկտեմբերի 15-16-ը անցկացվող`Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված «Geeks Against Gender-Based Violence (GBV)» Հեքըթոնին:
«Մարդու իրավունքների խախտումները ՔԿՀ-ներում 2017-2018 թթ»
13.12.2018
11:00
Դեկտեմբերի 13-ին «Մեդիա կենտրոնում» տեղի ունեցավ հանրային քննարկում «Մարդու իրավունքների խախտումները ՔԿՀ-ներում 2017-2018 թթ.» թեմայով։
«Նկարիչների միության անդամներին մտահոգող խնդիրներն ու ներկայացվելիք առաջարկները»
12.12.2018
13:00
Դեկտեմբերի 12-ին «Մեդիա կենտրոնում» տեղի ունեցավ ՀՀ Նկարիչների միության համագումարին ընդառաջ մամուլի ասուլիս «Նկարիչների միության անդամներին մտահոգող խնդիրներն ու ներկայացվելիք առաջարկները» թեմայով:
«Մարդու իրավունքները 2018-ին. տարվա ամփոփում»
12.12.2018
11:00
Դեկտեմբերի 12-ին «Մեդիա կենտրոնում» տեղի ունեցավ մամուլի ասուլիս «Մարդու իրավունքները 2018-ին. տարվա ամփոփում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ