Երևանի ավագանու ընտրություններին ընդառաջ քաղաքական ուժերի հնարավորությունները
22.03.2013
12:00
Մարտի 22-ին «Մեդիա կենտրոնում» կայացավ քննարկում-ասուլիս «Երևանի ավագանու ընտրություններին ընդառաջ քաղաքական ուժերի հնարավորությունները» թեմայով, որին մասնակցում էին Զոյա Թադևոսյանը (ՀԱԿ), Տիգրան Ուրիխանյանը (ԲՀԿ), Հովհաննես Հովհաննիսյանը (ՕԵԿ), Դավիթ Սանասարյանը (Ժառանգություն), Արթուր Եղիազարյանը (ՀՅԴ), Մանուկ Սուքիասյանը (Առաքելություն կուսակցություն):

Երևանի ավագանու ընտրություններին մասնակցող քաղաքական կուսակցությունների բոլոր  ներկայացուցիչները  շեշտեցին, որ ամեն ինչ անելու են «միասնաբար պայքարելու ընտրախախտումների և ընտրակեղծիքների դեմ` դրանք հասցնելով նվազագույնի»:

Զոյա Թադևոսյանը (ՀԱԿ) շեշտեց, որ չնայած ընդդիմության միասնաբար պայքարը այս անգամ էլ չկայացավ, սակայն առավել կարևոր է  համագործակցությունը ընտրությունների վերահսկողական մեխանիզմների առումով.

 «Մեզ համար ամենակարևորն ընտրական բոլոր գործընթացներում միասնական ուժերով ընտրակեղծիքների դեմ պայքարելն է», - ասաց նա ՀԱԿ կուսակցության համամասնական ցուցակի երկրորդ հորիզոնականը զբաղեցնող Զոյա Թադևոսյանը:

«Բարգավաճ Հայաստան» կուսակցության խոսնակ Տիգրան Ուրիխանյանը  նշեց, որ իրենք մասնակցելով ընտրություններին լուրջ նպատակներ ունեն «մարդկանց կյանքում կոնկրետ փոփոխություններ մտցնելու»:

 «Դաշնակցություն» կուսակցության ներկայացուցիչ Արթուր Եղիազարյանն անդրադարձավ ընտրությունների նկատմաբ մարդկանց վերաբերմունքին` նշելով, լուրջ հիասթափություն կա հասարակության շրջանում, քանի որ ակնկալվում էր ընդդիմադիրների միասնական պայքար, սակայն «ամեն դեպքում հնարավոր է հաղթահարել բնակչության հիասթափությունը ընտրությունների նկատմամբ»:

Քաղաքական ուժերի ներկայացուցիչները նշեցին, որ արդեն իսկ սկսվել են վարչական ռեսուրսների օգտագործման, չարաշահման գործընթացները,  ինչը դրսևորվում է տարբեր ոլորտներում:

«Գործող քաղաքապետն ակտիվացել է, սկսել է քարոզչություն ծավալել ժամանակից շուտ», - ասաց «Ժառանգություն» կուսակցության ներկայացուցիչ Դավիթ Սանասարյանը և հավելեց, որ ցուցադրվում են նրա բարեգործություննեը, գովաբանվում նրա կատարած աշխատանքները:

Նորահայտ «Առաքելություն» կուսակցության քաղխորհրդի անդամ Մանուկ Սուքիասյանն էլ իր խոսքում նշեց, որ իրական առաջընթաց գոյություն չունի, կոսմետիկ բարեկարգումը, արտաքին լուսավորությունն առաջընթաց չեն կարող դիտարկվել, երբ օրինակ, Նորագյուղ թաղամասում, որը մտնում է Կենտրոն վարչական շրջանի մեջ «մարդիկ լապտերներով են փողոցում շրջում»:

«Մենք բանանային, հետամնաց երկիր չենք, որ միայն քաղաքի կենտրոնը լուսավորենք, զարդարենք ու ցույց տանք թե առաջընթաց ունենք, կան շատ ավելի կարևոր հիմնարար խնդիրներ»,- ասաց Մանուկ Սուքիասյանը:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ