Ֆեյսբուքը նախընտրական հարթակ Հայաստանում
15.03.2013
12:00
Մարտի 15-ին «Մեդիա կենտրոնում» տեղի ունեցավ Ռեգիոն հետազոտական կենտրոնի տնօրեն Լաուրա Բաղդասարյանի ասուլիսը, ով ներկայացրեց «Ֆեյսբուքը նախընտրական հարթակ Հայաստանում. նախագահական ընտրություններ» ուսումնասիրության հետընտրական փուլի արդյունքները (փետրվարի 19 – մարտի 10):

Ուսումնասիրության ընթացքում դիտարկվել են ֆեյսբուքում ներկայացված նախագահի նախկին թեկնածուների (Րաֆֆի Հովհաննիսյան, Հրանտ Բագրատյան, Պարույր Հայրիկյան, Անդրիաս Ղուկասյան, Արման Մելիքյան, Արամ Հարությունյան, վարդան Սեդրակյան) էջերը, ֆեյսբուքյան մի շարք ակտիվ, տարբեր քաղաքական ուժերին համակրող օգտատերերի էջերը, որոնցից են Տիգրան Քոչարյանը, Ստյոպա Սաֆարյանը, Արմեն Աշոտյանը, Հրանտ Տեր-Աբրահամյանը, և ֆեյսբուքում գործող տարբեր խմբերի էջերը:    

Ըստ Լաուրա Բաղդասարյանի` ընդհանուր առմամբ հետընտրական ֆեյսբուքն առանձնացավ միմյանց դեմ պայքարի լարվածությամբ ու խստությամբ:

«Եթե քարոզչության ընթացքում կատակներ էին հնչում, ապա հետընտրական փուլում գնահատականներն ավելի խիստ էին, պայքարը սաստկացել էր և սև PR-ով հեղեղված ֆեյսբուքը բավական հետաքրքիր էր ուսումնասիրության առումով»,- ասաց Լաուրա Բաղդասարյանը:

Ըստ հետազոտության` լարվածությունն առավել մեծացել է  հատկապես մարտի 10-ից հետո, երբ Րաֆֆի Հովհաննիսյանը սկսեց հացադուլային  պայքարը:

«Հետաքրքրական է, որ վերջին մի քանի օրերի ընթացքում հանրապետականներին աջակցող ֆեյսբուքյան ակտիվիստները կարծես time out են վերցրել, մի տեսակ սպասողական վիճակում են»,- ասաց Բաղդասարյանը:

Քարոզչության ընթացքում նախագահի ակտիվ թեկնածուները հիմնականում շարունակում էին ֆեյսբուքն օգտագործել որպես տեղեկատվության տարածման միջոց 

Ուսումնասիրությամբ պարզվել է, որ հետընտրական ֆեյսբուքում հակաքարոզչություն իրականացնող ամենաակտիվ նախկին թեկնածուն Արման Մելիքյանն է, ով հիմնականում հակաքարոզչություն է իրականացրել  Րաֆֆի Հովհաննիսյանի դեմ:

Լաուրա Բաղդասարյանը նշեց, որ Րաֆֆի Հովհաննիսյանի էջի հավանողների թիվը հետընտրական փուլում կտրուկ բարձրացել է 15000-ից հասնելով 28000-ի:

«Րաֆֆի Հովհաննիսյանն անձամբ ակտիվ չէ ֆեյսբուքում, սակայն նրա էջում այս շրջանում տեղադրվել է մոտ 217 նյութ, տարբեր քննարկումներ ընտրությունների հետ կապված, սա ռեկորդային քանակ է»,- ասաց Բաղդասարյանը:

«Ռեգիոն» հետազոտական կենտրոնը շարունակելու է հետընտրական շրջանում դիտարկումներ իրականացնել ֆեյսբուքում մինչև ապրիլի 9-ը (ՀՀ նախագահի երդման արարողության օրը), սակայն միաժամանակ դիտարկվելու են նաև Երևան քաղաքի ավագանու ընտրությունների շուրջ ծավալվող քննարկումները ֆեյսբուքում:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ