ԱԺ օրենսդրական գործունեության մոնիթորինգ» ծրագրի քննարկում-ասուլիսը
12.03.2013
13:00
Մարտի 12-ին «Մեդիա կենտրոնում» կայանավ «ԱԺ օրենսդրական գործունեության մոնիթորինգ» ծրագրի քննարկում-ասուլիսը, որի ընթացքում ներկայացվեց 5-րդ գումարման Ազգային ժողովի առաջին երկու նստաշրջանների գործունեության դիտարկման արդյունքները:

Զեկույցում ներառված են  2012թ. մայիսի 6-ի ընտրությունների արդյունքներով ձևավորված խորհրդարանի կազմի, գործունեության ընդհանուր միտումների, խմբակցությունների օրենսդրական նախաձեռնությունների, ակտիվության մասին տվյալներ: Ներկայացված են աշնանային նստաշրջանի ընթացքում ընդունված և առավել մեծ հանրային հնչեղություն ստացած օրինագծերի ու  օրենսդրական փաթեթների դիտարկման արդյունքները՝ լրագրողական և փորձագիտական աշխատանքների համադրմամբ:

Parliamentmonitoring.am կայքի վիճակագրական ծրագրով մշակված տվյալները առատ նյութ են դարձել ուշագրավ եզրահանգումների համար, ինչպես, օրինակ՝ «Օրինաստեղծ աշխատանքում, ինչպես նաև քաղաքական որոշումների վրա ներգործության տեսանկյունից խորհրդարանի նախաձեռնողականության մակարդակը նախորդի համեմատ նվազել է: Եթե չորրորդ գումարման խորհրդարանում օրենսդրական նախաձեռնությունների կառավարություն-ԱԺ տոկոսային  հարաբերակցությունը 86/14 էր, ապա այս Ազգային ժողովում, երկու նստաշրջանների կտրվածքով, 94/6 է»:

Այս իրավիճակը ՀԱԿ պատգամավոր Արամ Մանուկյանը բնորոշեց որպես «խորհրդարանի ինքնիշխանության բացակայություն», որի հետևանքով «խաթարվել է ԱԺ վերահսկողական ֆունկցիան»:

«Խորհրդարանը դարձել է կառավարությանը կից մարմին, և կառավարությունը ստանձնել է օրենսդիրի գործառույթը»,- ասաց Մանուկյանը:

«ԱԺ օրենսդրական գործունեության մոնիթորինգ» ծրագրի ղեկավար Լուսինե Վասիլյանն ասաց, որ մոնիթորինգն ունեցել է որոշակի ազդեցություն և այս նոր խորհրդարանում դրականորեն փոխվել է ՀՀԿ-ական պատգամավորների վարքը:

ՀՀԿ խմբակցության պատգամավոր Արայիկ Հովհաննիսյանը նշեց, որ  «ուրախ է, որ վերջապես հանրապետականների մասին դրական են արտահայտվում»:

Դիտարկման արդյունքներով պարզվել է, որ 5-րդ գումարման  խորհրդարանում ամենամեծ ֆինանսական կարողություններն ունեն ԲՀԿ-ի պատգամավորները, իսկ «20 պատգամավոր, ըստ հայտարարագրած միջոցների, դոլարային միլիոնատեր են»:

«Հարուստների առաջին հնգյակում են 4 ԲՀԿ-ականներ` Գագիկ Ծառուկյանը, Վահան Կարապետյանը, Գուրգեն Արսենյանը, Գրիգորի Մարգարյանը, ՀՀԿ-ական Սամվել Ալեքսանյանն իր կարողությամբ զիջում է միայն Գագիկ Ծառուկյանին»,-ասաց ծրագրի ղեկավար Լուսինե Վասիլյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ