Մկրտիչ Մինասյանի և Սաշուր Քալաշյանի մամլո ասուլիսը
06.03.2013
12:00
Մարտի 6-ին «Մեդիա կենտրոնում» կայացավ Ճարտարապետների միության նախագահ Մկրտիչ Մինասյանի և ճարտարապետ Սաշուր Քալաշյանի մամլո ասուլիսը` Հանրապետության Հրապարակում գտնվող Կառավարության 2 շենքի վաճառքի և Երևանի քաղաքաշինական խնդիրների վերաբերյալ:

Ճարտարապետները նախօրեին բաց նամակ էին հղել ՀՀ նախագահին և վարչապետին` կոչ անելով չեղյալ համարել և «անհապաղ կասեցնել» Կառավարական 2-րդ մասնաշենքի (ԱԳՆ) աճուրդի գործընթացը:

Ուսումնասիրելով վաճառքի գործարքի վերաբերյալ փաստաթղթերը` ճարտարապետ Սաշուր Քալաշյանը ահազանգում է, որ չի ստորագրվել «պահպանման պարտավորագիր», ինչը կերաշխավորեր, որ «չի փոխվի ու աղճատվի կառույցը»:

«Խնդիրները չեն սկսել ու չեն ավարտվելու այս շենքով,  խնդիրն այն է, որ հուշարձանների պահպանման օրենքով հստակ շարադրված են նրանց հետ վարվելու կանոնները, որոնք սակայն անտեսվում են: Օրենքն ասում է` ցանկացած հուշարձան պետք է ունենա պահպանման պարտավորագիր հուշարձանը տնօրինողի կամ դրա սեփականատիրոջ կողմից: Մինչդեռ այսօր գրեթե ոչ մի հուշարձանի պահպանման պայմանագիր գոյություն չունի»,-ասաց Սաշուր Քալաշյանը:

Մկրտիչ Մինասյանը շեշտեց, որ իրենք անհանգստանում են, քանի որ «վստահության ռեսուրս չի մնացել»:

«Եթե մենք կորցրած չլինեինք Սևան հյուրանոցը, Երիտասարդական պալատը, արդեն նաև Փակ շուկան, մենք այդքան չէինք անհանգստանա, բայց այլևս չի կարելի թողնել, որ այսպես հերթով մեր պատմական կառույցները կորչեն քաղաքի պատմությունից»,- ասաց Ճարտարապետների միության նախագահ Մկրտիչ Մինասյանը:

Ճարտարապետները շեշտեցին, որ անհրաժեշտ է առանձին օրենքով ամրագրել հուշարձանների մի ցանկ, որոնց վաճառքն ընդհանրապես կարգելվի:

«Այլապես կարող է օպերայի շենքը մի օր, լավ գին տալու դեպքում, դառնալ կազինո,  Մատենադարանի շենքը` հյուրանոց, չենք կարող բացառել, որ մի օր էլ կվաճառվի Հռիփսիմեի վանքը»,- ասաց Սաշուր Քալաշյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ