Մտավորականի դերը քաղաքացիական հասարակության ձևավորման գործում
05.03.2013
12:00
Մարտի 5-ին «Մեդիա կենտրոնում» կայացավ քննարկում` «Մտավորականի դերը քաղաքացիական հասարակության ձևավորման գործում» թեմայով, որին մասնակցում էին ռեժիսոր Տիգրան Խզմալյանը, Ժուռնալիստների միության նախագահ Աստղիկ Գևորգյանը և գրող-կինոդրամատուրգ Վահրամ Մարտիրոսյանը:

Քաղաքացիական տարբեր նախաձեռնություններում ընդգրկված և հաճախ քննադատական ելույթներով հանդես եկող ռեժիսոր Տիգրան Խզմալյանն ասաց, որ «այսօր չկա մտավորականություն», քանի դեռ այն լիովին չի արտահայտում իր դիրքորոշումն ու կանգնած չէ ժողովրդի կողքին:

«Մտավորական նշանակում է լինել ազատ: Մտավորական է այն մարդը, որը չի ստում, ազատ է ստից, ասում է այն, ինչ մտածում է: Մտավորականը պետք է լինի իր տեղում` ժողովրդի մոտ ու ժողովրդի կողքին` օկուպացնող ռեժիմի դեմ: Ով բարիկադի այն կողմում է, իրավունք չունի խոսել մտավորականության մասին»,- Մեդիա կենտրոնում հայտարարեց Տիգրան Խզմալյանը:

Ժուռնալիստների միության նախագահ, Հանրային խորհրդի և Երևանի ավագանու անդամ Աստղիկ Գևորգյանն ասաց, որ պարբերաբար, տարբեր առիթներով բարձրացնում է իր մտահոգությունները բնապահպանական, քաղաքաշինական խնդիրների վերաբերյալ, սակայն. «միշտ չէ, որ այդ կարծիքը լսելի է»:

«Ես և´ Մաշտոցի պուրակի համար, և´ Փակ շուկայի վերաբերյալ իմ դիրքորոշումը հայտնել եմ, սակայն ես հանրահավաքների չեմ մասնակցում, ես փողոց դուրս չեմ գալիս, ես այդպիսի մարդ եմ»,- ասաց  Ժուռնալիստների միության նախագահ Աստղիկ Գևորգյանը` հավելելով, որ  մտավորականները պետք է ունենան քաղաքական դիրքորոշում, սակայն ոչ կուսակցական:

Խոսելով մտավորականի դերի և քաղաքացիական նախաձեռնություններում ակտիվ լինելու մասին, Վահրամ Մարտիրոսյանը շեշտեց, որ դա հաճախ հրամայական է, սակայն ոչ ցանկալի:

«Ես ուզում եմ նորմալ իշխանություն լինի, որպեսզի ես, Տիգրան Խզմալյանը չգնանք ոստիկանների դեմ «բուտիկների» համար կռվենք: Մենք մեր գործով, ես`  իմ գրքով, Տիգրանն` իր ֆիլմերով պիտի ծառայենք հասարակությանը»,-ասաց գրող, կինոդրամատուրգ Վահրամ Մարտիրոսյանը`շեշտելով, որ անհրաժեշտության դեպքում  «Մտավորականը պետք է լինի այնտեղ, որտեղ իր կարիքը կա, որտեղ ինքը պետք է ստիպի, որ հարգեն իր ընտրական իրավունքը»:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Մայիսի 25-ին Մեդիա կենտրոնում տեղի ունեցավ քննարկում «Քաղաքացիական հասարակության դերը հետհեղափոխական Հայաստանում» թեմայով:
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ