Երեւան քաղաքի կրթական խնդիրները
30.04.2013
12:00
Ապրիլի 30-ին` ժամը 12-ին «Մեդիա կենտրոնում» տեղի ունեցավ քննարկում-ասուլիս «Երեւան քաղաքի կրթական խնդիրները և լուծումներն ըստ թեկնածուների» թեմայով:

Երեւանի ավագանու ընտրությունների կուսակցությունների ներկայացուցիչներից մասնակցեցին Արտակ Աղբալյանը (ՀՅԴ), Անահիտ Բախշյանը (Բարև Երևան), Դավիթ Մուրադյանը (Առաքելություն), Ջուլիետա Թադեւոսյանը(ՕԵԿ), Թամար Պողոսյանը(ԲՀԿ): Քննարկում-ասուլիսին կմասնակցի նաեւ «Հնագիտության եւ ազգագրության ինստիտուտի» կրտսեր գիտաշխատող Սաթենիկ Մկրտչյանը:

Բարեւ Երեւան դաշինքի անդամ Անահիտ Բախշյանը համոզված է, որ բոլոր խնդիրները, որ այսօր բարձրաձայնվում են, հետևանք են անցած չորս տարիների ավագանու գործունեության, որտեղ աշխատել են ԲՀԿ և ՀՀԿ անդամները: 

«Հաճախ ենք տեսնում՝ կրթության վարչության պետը մանկապարտեզում կաթսաների կափարիչներ է բարձրացնում. դա իր լիազորությունը չէ: Դպրոցի տնօրենը, ով կարծում է, որ քաղաքապետն իր հովանավորն է, կարծում է նաև, որ իրեն ամեն ինչ կարելի է»,- ասում է Բախշյանը:

Եթե մանկապարտեզի տնօրենն իմանա, թե ինչի համար է ինքն աշխատում, թերություններ արդեն չեն լինի:Այս կարծիքին է «Առաքելություն» կուսակցության ներկայացուցիչ Դավիթ Մուրադյանը:

«Եթե այսօր հաշմանդամները շարժվելու, հասարակության նորմալ անդամ զգալու իրավունք չունեն, հասարակության մի հսկայական շերտի իրավունքներ են ոտնահարվում: Նաեւ հոգեբանորեն հասարակությունը պատրաստ չէր ներառական կրթությանը: Որքան էլ առաջընթաց կա, խնդիրը համարվում ենք չլուծված»,- համոզված է ԲՀԿ ներկայացուցիչ  Թամար Պողոսյանը:

ՀՅԴ ներկայացուցիչ Արտակ Աղբալյանը կարծում է, որ կրթական համակարգը վերից վար քաղաքականացված է, և գտնվում է իշխանական համակարգի ձեռքին՝ որպես մեխանիզմ, որն ընտրությունների ժամանակ օգտագործվում է որպես ընտրական համակարգ:

«161 մանկապարտեզ է գործում՝ 31,6% ներգրավվածությամբ, ցանկացած դպրոցի տնօրենի կարող են հեռացնել քաղաքական դրդապատճառներով՝ առանց հաշվի առնելու նրա մասնագիտական հմտությունները»,- խնդիրների մասին բարձրաձայնեց Աղբալյանը:

«Հնագիտության եւ ազգագրության ինստիտուտի» կրտսեր գիտաշխատող Սաթենիկ Մկրտչյանը նշեց, որ մանկապարտեզների նորմատիվային համակարգը պետք է հասանելի լինի ծնողներին:

«Սակայն որևէ պետական մանկապարտեզ չունի վեբ կայք, հետևաբար՝ անհնար է ստանալ թափանցիկ տեղեկատվություն»,- ասաց նա:

ՕԵԿ  ներկայացուցիչ Ջուլիետա Թադևոսյանը կարծում է, որ  խորհդային կրթական համակարգը դրական և արժեքավոր շատ առանձնահատկություններ ուներ, որոնք պահպանել էր պետք:

Կրթության ոլորտում ներկայիս խնդիրները, որոշ կուսակցությունների ներկայացուցիչների համոզմամբ, կարող են լուծվել, եթե քաղաքապետարանը կատարի իր լիազորությունները եւ չստեղծի մի կանոնադրություն, որտեղ ամրագրված դրույթներն իրականում քաղաքապետարանի լիազորությունները չեն:

Տեսանյութ
Print Friendly and PDF
Այլ մամլո հաղորդագրություններ
«Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ». հանրային քննարկում
16.01.2018
10:00
Հունվարի 16-ին ԴաբըլԹրի բայ Հիլթոն Երևան հյուրանոցի Միլանո սրահում Բաց հասարակության հիմնադրամներ-Հայաստան կազմակերպությունն իր իրավական ծրագրերի շրջանակներում ստեղծված Արդարադատության խմբի հետ համատեղ անցկացրեց «Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ» հանրային քննարկում:
«Հայացք Իրանին․ բողոքի հանրահավաքների պատճառներն ու հետևանքները»
10.01.2018
11:00
Հունվարի 10-ին «Մեդիա կենտրոնում» տեղի ունեցավ քննարկում «Հայացք Իրանին․ բողոքի հանրահավաքների պատճառներն ու հետևանքները» թեմայով:
Ճապոնական թեյախմություն և մշակութային զրույցներ
28.12.2017
19:00
Ամանորյա տոներին ընդառաջ Հանրային Լրագրության Ակումբում իրականացվեց ճապոնական թեյախմություն և մշակութային զրույցներ:
«2017 թ. արտաքին քաղաքականության ամփոփում և Արցախի հակամարտության կարգավորման հեռնակարները»
28.12.2017
11:00
Դեկտեմբերի 28-ին «Մեդիա կենտրոնում» (հասցե՝ Սարյան 12, 3-րդ հարկ) տեղի ունեցավ քննարկում «2017 թ. արտաքին քաղաքական զարգացումների ամփոփում և Արցախի հակամարտության կարգավորման հեռնակարները» թեմայով:

«2017 թ. ներքաղաքական զարգացումների ամփոփում. ի՞նչ սպասել 2018-ին»
27.12.2017
11:00
Դեկտեմբերի 27-ին «Մեդիա կենտրոնում» (հասցե՝ Սարյան 12, 3-րդ հարկ) տեղի ունեցավ քննարկում «2017 թ.ներքաղաքական զարգացումների ամփոփում. ի՞նչ սպասել 2018-ին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ