Երեւան քաղաքի առողջապահական խնդիրները
26.04.2013
12:00
Ապրիլի 26-ին` ժամը 12-ին «Մեդիա կենտրոնում» տեղի ունեցավ քննարկում-ասուլիս «Երեւան քաղաքի առողջապահական խնդիրները և լուծումներն ըստ ավագանու ընտրությունների համար պայքարող ուժերի» թեմայով:

Բանախոսներն էին Ենոք Աբրահամյանը (ՀՅԴ), Հայկ Մարտիրոսյանը (Բարև Երևան), Մանուկ Սուքիասյանը (Առաքելություն), «Բժշկական ազատ-անկախ արհմիության» անդամ Գեւորգ Թամամյանը, «Արմավիրի զարգացման կենտրոնի» ղեկավար Նաիրա Առաքելյանը:

Առողջապահության ոլորտը ամենաքիչ արծարծված թեմաներից  է Երեւանի ավագանու ընտրություններին մասնակցող կուսակցությունների նախընտրական ծրագրերում, այն դեպքում, երբ փորձագետների ու նույն քաղաքական գործիչների կարծիքով դա մի ոլորտ է, որտեղ կան բազմաթիվ բացթողումներ:

Բժիշկների ցածր աշխատավարձեր, անորակ բուժսպասարկում, բժիշկների անվտանգության  բացակայություն, ապահովագրական մեխանիզմենրի ոչ հավասարաչափ բաշխում, բնապահպանական խնդիրների պատճառով առողջապահության համակարգի վատթարացում: Սրանք այն խնդիրներն էին, որոնց մասին այսօր բարձրաձայնեցին կուսակցությունների ներկայացուցիչները եւ փորձագետները:

«Քաղաքապետարանի ենթակայության տակ գտնվող պոլիլինիկաներում աշխատավարձը մոտ 40,000 դրամ է, որը բնական է, որ քիչ է: Այս պարագայում անգամ 200,000 դրամ աշխատավարձ ստացող բժշկից հնարավոր չէ պահանջել հերոսություններ»,- ընդգծեց  «Բժշկական ազատ-անկախ արհմիության» անդամ Գեւորգ Թամամյանը:

«Բարեւ Երեւան» դաշինքի ներկայացուցիչ Հայկ Մարտիրոսյանն ավելացրեց, որ այսպես շարունակելու դեպքում Հայաստանը 3-4 տարի հետո չի ունենա որակյալ մասնագետներ:

Պետք է մասնագետին գնահատել ու թույլ չտալ, որ մարդը հեռանա կյանքից միայն այն պատճառով, որ գումար չունի: Այսպես է կարծում «Առաքելություն» կուսակցության ներկայացուցիչ Մանուկ Սուքիասյանը:

«Երբ որ տարեկան բյուջեից բաշխվող գումարները բաժանում ես անձանց վրա, ստացվում է 10,000 դրամից էլ քիչ մեկ մարդու համար: Պետությունը պոպուլիզմի անվան տակ ասում է, թե անվճար բուժօգնություն է իրականացնում, ու իրականում հիվանդին ու բժշկին հանում է իրար դեմ»,- համոզված է նա:

Դա է նաեւ հիմնական պատճառներից մեկը, որ բռնության են ենթարկվում, անգամ սպանվում են բժիշկներ, որոնցից մեկը Աշոտ Գրիգորյանն էր: Ինչպես ասաց ՀՅԴ ներկայացուցիչ Ենոք Աբրահամյանը՝ Հայաստանում բժիշկը պաշտպանված չէ, ոչ միայն ֆիզիկապես, այլ նաև իրավաբանորեն:

«Խոսում են բժշկական ապահովագրության մասին, բայց ամենամեծ աբսուրդը այն է, որ բոլոր պետական աշխատողները ունեն բժշկական ապահովագրություն, բժիշկները՝ ոչ»,- ավելացնում է Թամամյանը:

Կուսակցությունների ներկայացուցիչները օրինակներով անդրադարձան մինչեւ այսօր եղած բացթողումներին:

Մանուկ Սուքիասայանը կարծում է, որ բնապահպանական տեսանկյունից խայտառակ վիճակում գտնվող քաղաքը չի կարող ունենալ առողջ առողջապահական համակարգ: «Արմավիրի զարգացման կենտրոնի» ղեկավար Նաիրա Առաքելյանը անդրադարձավ այն խնդրին, որ այժմ ավագանին այդքան հնարավորություն չունի առողջապահական ոլորտում շոշափելի բարեփոխումներ անելու: Ըստ նրա, առողջապահության ոլորտը վատ վիճակում է գտնվում ամբողջ հանրապետության մակարդակով:

«Առողջապահությունը մեր ՀՆԱ-ի 1.5 տոկոսն է կազմում: Նման տոկոս ունի Թուրքմենիան աշխարհում, այսինքն մեր առողջապահության ֆինանսավորումը հետին տեղում է»,- ասաց նա:

Կուսակցությունների ներկայացուցիչները քննարկումն ամփոփեցին այն մտքով, որ պետք է ընդլայնեն քաղաքապետարանի լիազորությունները առողջապահության ոլորտում:

Լուսանկարներ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ