Հարցազրույց Արմեն Մարտիրոսյանի հետ
25.04.2013
15:00
Ավագանու ընտրություններին ընդառաջ ապրիլի 25-ին, ժամը 15:00-ին, «Մեդիա կենտրոնում» տեղի ունեցավ հարցազրույց-ասուլիս`«Բարև Երեւան» դաշինքի համամասնական ցուցակը գլխավորող Արմեն Մարտիրոսյանի հետ: Մարտիրոսյանն անդրադարձավ «Բարև Երեւան» դաշինքի ծրագրերին, Երեւանում առկա խնդիրներին:

Փետրվարի 18-ի ընտրությունների արդյունքները հիշելով` «Բարև Երեւան» -ի հաղթանակն իրատեսական համարեց այն դեպքում, եթե քաղաքացիները հետևողական լինեն:

Քաղաքապետի անձը, Մարտիրոսյանի կարծիքով, այսօր ֆորմալ բնույթ է կրում, որը պետք է վերացնել:

«Մաշտոցի պուրակի պայքարից հետո ՀՀ նախագահի այցելության ու հրահանգից հետո միայն կրպակների ապամոնտաժումը արդեն իսկ ապացուցում են, որ քաղաքապետը կատարում է կառավարության հրահանգները»,- ասաց Մարտիրոսյանը: 

Մարտիրոսյանը հայտնեց, որ դպրոցի ուսուցիչներին ահաբեկում են, որ եթե ձայնը տան իրեն, կազատեն աշխատանքից: Նա նշեց, որ պետք է վերացնել մարդկանց միջից վախի մթնոլորտը, որը սերմանվում է նաեւ ոստիկանության աշխատողների կողմից:

«Երեկ իմ աղջիկը չեկավ Ծիծեռնակաբերդ, թեև միշտ միասին ենք գնացել: Երբ մայրս հարցրեց` ինչու՟ չի գնում, պատասխանեց, որ ոստիկաններն են էնտեղ լինելու, ովքեր միշտ ծեծում են մարդկանց»:

Անդրադառնալով ապրիլի 9-ին ոստիկանների կողմից իր նկատմամաբ կատարված բռնությանը՝ Մարտիրոսյանը նշեց, որ տեսաձայնագրությունները հստակ ապացուցում են, թե ով է առաջինը հարվածել եւ ովքեր պետք է պատասխանատվության ենթարկվեն ապագայում:

«Այսօր ժ. 12:30-ի մատույցներում Բաղրամյան պողոտայով գնալիս տեսա, որ դպրոցի դիմաց մեքենաները երեք շարքով կանգնած էին, և ոստիկանության որևէ ներկայացուցիչ չտեսա: Իսկ իմ խաղաղ քարոզարշավի արդյունքում, որի ընթացքում որևէ խախտում չեմ արել, խցանում չեմ առաջացրել, ինձ ենթարկեցին դասական հարցաքննության»,- ասաց Մարտիրոսյանը:

Նա խոստացավ, որ եթե  «Բարև Երեւան»- ը հաղթի, ապա քաղաքապետարանում կադրային ջարդ չի լինելու. սակայն, նախկինում խախտումներ իրականացրած մարդիկ կազատվեն աշխատանքից, բայց կմնան նրանք, ովքեր բարեխիղճ եւ լավ աշխատողներ են:

«Ապօրինի ցանկացած որոշում կարելի է ու պարտադիր է վերանայել ու մեղավորնեին ենթարկել իրավական պատասխանատվության: Նույնիսկ եթե նախորդ քաղաքապետի ժամանակ են կայացվել անօրինական որոշումները, միեւնույն է, դա նոր ընտրված քաղաքապետին չի ազատում պատասխանատվությունից»,- ասաց Մարտիրոսյանը՝ անդարդառնալով քաղաքում ապօրինի շինարարությանը:

«Քաղաքապետը պետք է ընդդիմանա կառավության որոշումներին, եթե դրանք հակասում են քաղաքցիների շահերին: Ընտրվելու դեպքում ես անձամբ պատրաստ եմ գլխավորել բոլոր տեսակի բողոքի ցույցերն ընդդեմ կառավարության անօրինական որոշումների: Եթե քաղաքացին իմանա, որ իր մեջքին կանգնած է քաղաքապետարանը, կընդդիմանա, ու  կառավարությունը հետ կկանգնի իր անօրինական որոշումներից»,-խոստացավ Մարտիրոսյանը:

Տեսանյութ
Print Friendly and PDF
Այլ մամլո հաղորդագրություններ
«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։

«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Հայաստանում ամուսնական զույգերը պլանավորում են շատ, բայց ունենում քիչ երեխաներ. ՄԱԿ 2017թ. ուսումնասիրություն
11.07.2018
12:00
Հուլիսի 11-ին Բնակչության համաշխարհային օրը Մեդիա կենտրոնում ներկայացվեց ՄԱԿ-ի Բնակչության հիմնադրամի կողմից իրականացված ՀՀ բնակչության վերարտադրողական վարքագծի ուսումնասիրության արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ