Երեւան քաղաքի տրանսպորտային խնդիրները
23.04.2013
12:00
Ապրիլի 23-ին` ժամը 12-ին «Մեդիա կենտրոնում» տեղի ունեցավ քննարկում-ասուլիս «Երեւան քաղաքի տրանսպորտային խնդիրները և լուծումներն ըստ թեկնածուների» թեմայով, բանախոսներն էին Արծվիկ Մինասյանը (ՀՅԴ), Արմեն Պողոսյանը (Բարև Երևան), Հրաչ Սարգսյանը (Առաքելություն), Գուրգեն Գասպարյանը (ԲՀԿ), Արեն Մանուկյանը(ՀԱԿ), Արթուր Միսակյանը (ՕԵԿ), «Աքիլես» վարորդական իրավունքների հետազոտական կենտրոնի ղեկավար Էդուարդ Հովհաննիսյանը, ճարտարապետ Գուրգեն Մուշեղյանը:

Արծվիկ Մինասյանի կարծիքով՝  Երեւանի տրանսպորտային համակարգին առաջին հերթին անհրաժեշտ է ճիշտ կառավարման համակարգ:

«Ես դեմ եմ ստորգետնյա ավտոկայանատեղիներ ստեղծելուն, որոնք աղավաղում են քաղաքի տեսքը՝ առաջացնելով անվտանգության խնդիրներ: Խնդիր է նաեւ այն, որ այսօր որեւէ կապ տրանսպորտային միջոցների միջեւ չկա, որը ԱՊՀ երկրներից շատերում կիրառվում է. մարդիկ մեկ տոմսով կարողանում են օգտվել բոլոր տեսակի տրանսպորտային միջոցներից»,- բարձրաձայնում է Մինասյանը:

Արմեն Պողոսյանը հայտնեց, որ ինքը կատեգորիկ դեմ է  վերջին շրջանում ավտոբուսների լայնածավալ ներմուծումներին:

«Պետք է ներմուծվի էլեկտրատրանսպորտ, որը զարգացման միակ ճիշտ ձևն»,- ասաց նա:

Գուրգեն Գասպարյանին անհանգստացնում է հատկապես խցանումների խնդիրը քաղաքում:

«Խցանումը լինում է, քանի որ երթուղու տերերը ուզում են, որ իրենց երթուղին անցնի գլխավոր փողոցով, իսկ այլ փողոցները այդպես էլ չեն օգտագործվում»,- ասաց նա:

Արեն Մանուկյանի կարծիքով՝ ավտոմատ կառավարման համակարգ ներդնելու համար նախ պետք է փոխել գոյություն ունեցող իշխանական համակարգը:

«Փորձեք Տարոն Մարգարյանից վերցնել երթուղային գծի մրցումները, չի ստացվի, քանի որ նա ունի մի քանի գիծ, իրենք այնտեղ արդեն անձնական շահ ունեն ու հսկայական գումարներ»,- համոզված է Մանուկյանը:

«Աքիլես» վարորդական իրավունքների հետազոտական կենտրոնի ղեկավար Էդուարդ Հովհաննիսյանի համոզմամբ՝ նախընտրական ծրագրերում չեն անդրադառում այն խնդրին, որ ճանապարհային երթեւեկության կազմակերպումը ճանապարհային ոստիկանության  եւ ոչ թե քաղաքապետարանի լիազորությունն է:

«Ես վստահ եմ, որ այդ խնդրի կառավարումը բացառապես քաղաքապետարանի ֆունկցիան է, եւ այն պետք է վերցնել ոստիկանությունից»,- կարծիք հայտնեց  Արթուր Միսակյանը:

Հրաչ Սարգսյանը ինչպես նաեւ Արթուր Միսակյանը համոզված են, որ տրանսպորտային բոլոր միջոցները պետք է տնօրինվեն քաղաքապետարանի եւ ոչ այլ պետական կառույցների կողմից:

Կուսակցությունների ներկայացուցիչներից գրեթե բոլորը համաձայնվեցին, որ Երեւանին անհրաժեշտ են մետրոյի նոր կայարաններ: Ճարտարապետ Գուրգեն Մուշեղյանը զարմացավ, որ ձգձգվում է դրանց շինարարությունը: Հնչեց առաջարկ, որ բոլոր զարգացած երկրների նման կառուցվեն  մետրոպոլիտենի կայաններ, որոնք կտանեն դեպի օդանավակայան: 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
«2019 թ. պետական բյուջեն ազնիվ, կոնսերվատիվ և իրավիճակային բյուջե է». տնտեսագետներ
09.10.2018
13:00
Հոկտեմբերի 9-ին «Մեդիա կենտրոնում» տեղի ունեցավ քննարկում «Պետական բյուջե-2019. մարտահրավերներ և հնարավորություններ» թեմայով։
«Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները»
05.10.2018
12:00
Հոկտեմբերի 5-ին Գյումրիում, Շիրակի պետական համալսարանի մեծ դահլճում (Հասցե: Պ.Սևակ 4, Գյումրի) տեղի ունեցավ հանրային քննարկում «Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները» թեմայով։
ՅՈՒՆԻՍԵՖ-ի 2018թ. զեկույցի ներկայացում. «Հայաստանում երեխաներին ուղղված հանրային ծախսերի գնահատում»
05.10.2018
12:00
Հոկտեմբերի 5-ին «Մեդիա կենտրոնում» ՄԱԿ-ի Մանկական հիմնադրամը (ՅՈՒՆԻՍԵՖ-ը) ներկայացրեց 2018թ. իրականացրած «Հայաստանում երեխաներին ուղղված հանրային ծախսերի գնահատում» թեմայով զեկույցի արդյունքները, ըստ որի երեխաներին ուղղված հանրային ծախսերը նվազել են թե՛ ընդհանուր ծախսերի և թե՛ սոցիալական ծախսերի համեմատ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ