Երևանի զարգացման տեսլականը. բանավեճ
12.04.2013
17:00
Ապրիլի 12-ին` տեղի ունեցավ «Մեդիա կենտրոնի» նախաձեռնած «Ավագանու ընտրություններին ընդառաջ. Երևանի զարգացման տեսլականը» թեմայով բանավեճ:

Բանավեճին մասնակցում էին ընտրություններին մասնակցող գրեթե բոլոր ուժերի համամասնական ցուցակների կին անդամները` Աստղիկ Գևորգյանը  (ՀՀԿ), Նունե Վարդանյանը (ՀՅԴ), Թամար Պողոսյանը (ԲՀԿ), Ջուլիետտա Թադևոսյանը (ՕԵԿ), Անահիտ Բախշյանը (Բարև Երևան), Մարինե Եփրեմյանը (Առաքելություն): ՀԱԿ-ից ներկայացուցիչ բանավեճին չներկայացավ, և նրան հատկացվելիք ժամանակը հավասարապես բաշխվեց այլ մասնակիցների միջև:

Բանավեճի մասնակիցներին հավասար ժամանակ էր տրված սկզբում պատասխանելու վարողի հարցերին, ապա` միմյանց հարց տալու, ընդ որում, հարցերը մրցակից որևէ ուժի ներկայացուցչին ուղղելու համար նախօրոք անցկացվեց վիճակահանություն:

Անդրադառնալով մայրաքաղաքի խնդիրներին, ավագանու կին-թեկնածուները մատնանշեցին քաղաքաշինության, տրանսպորտի, բնապահպանության, կրթության ոլորտներում առկա թերությունները և դրանց հաղթահարման ճանապարհների սեփական տեսլականը:

ՀՀԿ ներկայացուցիչ Աստղիկ Գևորգյանը ավագանու գործունեությունը   համարեց՝ հավաստիացնելով, որ ավագանին կարողացել է որոշակիորեն նպաստել խնդիրների լուծմանը: Ինչ վերաբերում է քաղաքի  կառուցապատմանը, ապա , ըստ բանախոսի, «Երևանի դեմքը խեղվել է  անկախացման հենց առաջին օրերից և  անմիջապես հնարավոր չէ իրավիճակը շտկել»:

Դաշնակցության ներկայացուցիչ Նունե Վարդանյանը մտահոգություն հայտնեց  Երևանի բազմաբնակարան շենքերի անբավարար սեյսմակայունության վերաբերյալ: Վարդանյանը շեշտեց, որ քաղաքային իշխանությունները պետք է ծրագիր մշակեն շենքերի սեյսմակայունությունը բարձրացնելու համար:

«Տարբեր տեխնիկական լուծումներով հնարավոր է բարձրացնել շենքերի սեյսմակայությունը և դա մեծ գումարներ չի պահանջում»,- նշեց Նունե Վարդանյանը:

Տրանսպորտային միջոցների արտանետումների և 2 տասնյակից ավելի արտադրությունների հետևանքով, մշտական շինարարության պայմաններում օդի աղտոտվածությունը Երեւանի կարևորագույն բնապահպանական խնդիրներից է, որը կարող է լուծվել էկոլոգիապես մաքուր տրանսպորտի շահագործման միջոցով, վստահ է ԲՀԿ-ի ներկայացուցիչ Թամար Պողոսյան:

«Մենք վերջին հնարավորությունն ունենք զարկ տալու էլեկտրական տրանսպորտի զարգացմանը, և դա մենք պետք է անենք»,- հայտարարեց բանախոսը:

«Առաքելությունն» իր հերթին առաջարկում է զարկ տալ Երևանի մետրոպոլիտենի զարգացմանը: Ըստ կուսակցության ներկայացուցիչ Մարինե Եփրեմյանի, եթե քաղաքային տրանսպորտը մասնավորից  սեփականատերերից փոխանցվի  քաղաքապետարանին՝ դրանց շահագործումից ստացված գումարները հնարավոր կլինի օգտագործել մետրոպոլիտենի զարգացման համար:

«Ժառանգություն»կուսակցության ներկայացուցիչ, «Բարև Երևան» դաշինքի ցուցակում ընդգրկված Անահիտ Բախշյանը շեշտելով, որ Երևանում խնդիրները բազմաթիվ են և թվարկելն անգամ դժվար է, սակայն դրանց  լուծման կարևոր գրավականներից է ավագանու ճիշտ աշխատանքը.

«Մենք բարձրացնելու ենք ավագանու գործունեության հրապարակայնությունը, թափանցիկությունը, հաշվետվողական լինելու պարտավորությունները»,- ասաց Անահիտ Բախշյանը

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ