Կանանց ներգրավածությունը քաղաքական գործընթացներում
05.04.2013
12:00
Ապրիլի 5-ին «Մեդիակենտրոնում» տեղի ունեցավ քննարկում-ասուլիս «Ավագանու ընտրություններին ընդառաջ. կանանց ներգրավածությունը քաղաքական գործընթացներում» թեմայով:

Բանախոսներն էին Կարինե Աճեմյանը (ՀՀԿ), Անահիտ Բախշյանը (Ժառանգություն), Էլինար Վարդանյանը (ԲՀԿ), Թամար Պողոսյանը (ԲՀԿ), Ջուլիետա Թադևոսյանը (ՕԵԿ),  Ռուզան Առաքելյանը (ՀՅԴ), ՄԱԿ-ի հատուկ զեկուցող Գյուլնարա Շահինյանը, «ՊրոՄեդիաԳենդեր» ՀԿ-ի նախագահ Թամարա Հովնաթանյանը, որոնք հիմնականում անդրադարձան քաղաքական ոլորտում գենդերային հավասարությանը և կանանց՝ քաղաքականության մեջ ներգրավածության կարևորությանը:  

Ըստ ՀՀԿ խմբակցության անդամ Կարինե Աճեմյանի, Հանրապետական կուսակցությունը շատ զգուշավոր է կանանց` քաղաքականությունում ներգրավվելու հարցում, սակայն վերջին տարիներին կրկնապատկել է  խմբակցությունում կանանց թիվը:

Ժառանգություն կուսակցության անդամ Անահիտ Բախշյանի խոսքով, Հայաստանում  ոչ մի ոլորտում օրենք չի գործում, կանանց քաղաքականության մեջ ներկայացվածության պարագայում ևս օրենքը չի կիրառվում:

«Խնդիրը կանանց մեջ է նաև, կանայք իրենք իրենց չեն վստահում, չգիտեն, թե ինչ ուժ ունեն: Դա կախված է ընտանիքից, ամուսնուց, ով քեզ հավատում է և թև է տալիս: Քանի՞ տղամարդ է մեր երկրում իր կնոջը թև տալիս»,- ընդգծեց Անահիտ Բախշյանը:

Ըստ ԲՀԿ անդամ Թամար Պողոսյանի, որոշումների կայացման հարցում գենդերային հավասարության խնդիրը կա բոլոր երկրներում. «Այն իրավիճակը, որում մենք հայտնվել ենք այսօր, դա տղամարդկանց հիմնական պատասխանատվության արդյունքն է: Կանանց քաղաքական առաջխաղացման ամենալավ ինստիտուտը համամասնական ցուցակներն են, ուր ունես թիմային աջակցություն»:

ՀՅԴ խմբակցության անդամ Ռուզան Առաքելյանի կարծիքով, Հայաստանում բարձրագույն կրթություն ունեցող կանայք շատ են, սակայն սոցիալական բեռը խոչընդոտում է նրանց ավելին դրսևորվելուն:

«Ես դեմ եմ այն մտայնությանը, որը տղամարդ-կին հակասության մեջ է քննարկվում այս թեման: Կնոջ կերպարը պետք է քննարկել հենց կնոջը վերաբերող հարցերի մեջ»,- հավելեց նա:

Ըստ Ռուզան Առաքելյանի, կնոջ իշխանության դեպքում,  օրենքներն ավելի գործուն կլինեն.

«Կարծում եմ, երբ կանայք գան իշխանության օրենքներն ավելի գործուն են լինելու և սոցիալական զարգացման իմաստով ուրիշ երկիր ենք լինելու: Կին ղեկավարը կուզենա սոցիալական հեղափոխություն անի, որ իր երեխան ավելի ապահով երկրում ապրի»,-վստահ է  Ռուզան Առաքելյանը:

ԲՀԿ խմբակցության անդամ Էլինար Վարդանյանի կարծիքով,  կնոջ դերը քաղաքականության մեջ չպետք է ինքնանպատակ լինի:

 «Կանանցից սովորաբար ավելի շատ են սպասում, և նրանց սխալները դժվարությամբ են ներում և չեն մոռանում անգամ հինգ տարի անց»,- նշեց նա և հավելեց.«կանանց ներգրավածությամբ Ազգային Ժողովում փոխվում է մթնոլորտը`դառնալով շատ ավելի հանդուրժող»:

Եզրափակելով իր խոսքը, Կարինե Աճեմյանը նշեց, որ անկախ նրանից կին է, թե տղամարդ, պետք է լինել ազնիվ, պարկեշտ պաշտոնյա և կատարել պարտականությունները:

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ