Մաքսային միությանը Հայաստանի անդամակցելու գործընթացը
06.09.2013
12:00
Սեպտեմբերի 6-ին «Մեդիա կենտրոնի» նախաձեռնությամբ անցկացվեց մամուլի ասուլիս` «Մաքսային միությանը Հայաստանի անդամակցելու գործընթացը և դրա հետևանքները» թեմայով:

Մամուլի ասուլիսի բանախոսն էր Տարածաշրջանային հետազոտությունների կենտրոնի տնօրեն, քաղաքագետ Ռիչարդ Գիրագոսյանը:

Սեպտեմբերի 3-ին ՀՀ նախագահ Սերժ Սարգսյանը Մոսկվայում Ռուսաստանի նախագահ Վլադիմիր Պուտինի հետ բանակցություններից հետո հայտարարեց, որ Հայաստանը ցանկանում է միանալ Մաքսային միությանը և ներգրավվել Եվրասիական տնտեսական միության ձևավորման գործընթացում:

Քննարկման ժամանակ Ռիչարդ Գիրագոսյանը նշեց, որ Սերժ Սարգսյանի որոշումը օգուտ է բերում միայն Ռուսաստանին: Գիրագոսյանի խոսքով՝ եթե Սերժ Սարգսյանը որոշումը կայացրել է Ռուսաստանի ճնշման տակ, ապա հայ-ռուսական հարաբերություններում լուրջ սխալ կա, և սա վիրավորանք է Հայաստանի նկատմամբ: Իսկ եթե, ինչպես Սերժ Սարգսյանն ասաց, Հայաստանի վրա ճնշում չի գործադրվել, ապա դա ցույց է տալիս Հայաստանի քաղաքականության թուլությունը և այն, որ ՀՀ նախագահը շատ արագ և առանց որոշակի քննարկման զիջեց Ռուսաստանին:

«Սա հատկապես խայտառակ պահ էր ՀՀ վարչապետի համար: Դա նաև վտանգի տակ է դնում ՀՀ-ում երկարաժամկետ բարեփոխումների գործընթացը»,- ասաց Ռիչարդ Գիրագոսյանը:

Նա նշեց, որ Հայաստանը ՀԱՊԿ անդամ է և տարածաշրջանում միակ երկիրը, որն ընդունում է ռուսական ռազմաբազաները: Հետևաբար ինչո՞ւ պետք է Հայաստանը ցուցաբերի իր վստահությունը Ռուսաստանի նկատմամբ, և ոչ հակառակը: Մինչդեռ, Գիրագոսյանի խոսքով, Մոսկվայի կողմից Հայաստանի վստահությունը գնահատելու միակ դրսևորումը եղել է Ադրբեջանի ռազմական մատակարարը դառնալը, իսկ ռուսական զենքը գործածվում է ՀՀ և ԼՂ զինվորներին սպանելու համար:

Ռիչարդ Գիրագոսյանը վստահ է, որ այսուհետև Արևմուտքը և ԵՄ-ն այլ աչքով կնայեն Հայաստանին: Սերժ Սարգսյանի որոշումը թուլացնում է ՀՀ ռազմավարական կարևորությունը, իսկ այդ որոշման ընդունման գործընթացը և դրա հրապարակայնացման ձևը` դրդում Հայաստանը դիտել որպես ոչ անկեղծ, ոչ մրցակցային և թույլ պետություն: ՀՀ-ն ներկայում ստիպված է ևս մեկ անգամ Եվրոպային ապացուցել իր անկախությունը, վստահելիությունը:

«Ակնհայտ է, որ Մաքսային միությունը Հայաստանին տնտեսական օգուտների առումով շատ բան չի առաջարկում: Երկու ակնհայտ օգուտ ստացող կողմերը կլինեն օլիգարխական համակարգը և կոռուպցիան: Մոսկվայի ոճի ճնշումները տեղ կգտնեն և կմերժեն ԵՄ-ի կողմից առաջարկվող մեծ օգուտները և Հայաստանի մուտքը մեծ շուկա»,- ասաց Ռիչարդ Գիրագոսյանը:

Միաժամանակ նա հայտարարեց, որ Հայաստանը դեռ ժամանակ ունի՝ ուղղելու լուրջ սխալը և հետ բերելու կորսված հնարավորությունը: Քանի որ Սերժ Սարգսյանը որևէ փաստաթուղթ չի ստորագրել Մոսկվայում, դեռ ժամանակ կա իրացնելու այն հնարավորությանը, որը կլինի Վիլնյուսի գագաթնաժողովում:

«Այս որոշումը փակել է դուռը ԵՄ-ի համար, բայց չի կողպել»,- հավելեց Ռիչարդ Գիրագոսյանը:

Բանախոսը նշեց` ԵՄ-ն Ասոցացման համաձայնագրով և Խորը և համապարփակ, ազատ առևտրի պայմանագրով Հայաստանին առաջարկել է միայն տնտեսական համագործակցություն: Հետևաբար ԵՄ-ի հետ Հայաստանի ստորագրելիք համաձայնագրերից և ոչ մեկը սպառնալիք չէր կարող լինել հայ-ռուսական ռազմական համագործակցությանը: 

Ռիչարդ Գիրագոսյանը կարծում է, որ ԵՄ-ն ևս որոշակի առումով պետք է մեղավոր համարվի տեղի ունեցածում: Նրա խոսքով՝ ՀՀ-ի որոշումը իրականում Մոսկվայի և ԵՄ-ի միջև հակասության արտահայտություն է:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ