Սիրիան ներքին և արտաքին սպառնալիքների տակ
05.09.2013
12:00
Սեպտեմբերի 5-ին«Մեդիա կենտրոնի» նախաձեռնությամբ անցկացվեց քննարկում` «Աշխարհաքաղաքական նոր ճգնաժամ. Սիրիան ներքին և արտաքին սպառնալիքների տակ» թեմայով:

Քննարկման բանախոսներն էին Սիրիայում ՀՀ նախկին դեսպան, արևելագետ, պրոֆեսոր Դավիթ Հովհաննիսյանը, Հայոց ցեղասպանության թանգարան-ինստիտուտի փոխտնօրեն Սուրեն Մանուկյանը, քաղաքական գիտությունների թեկնածու, իրանագետ Սևակ Սարուխանյանը և «Սիվիլնեթի» լրագրող Հարութ Էքմանյանը:

Սիրիայի հարցում միջազգային ճգնաժամն էլ ավելի սրվեց այն բանից հետո, երբ արևմտյան լրատվամիջոցներում տեղեկություններ տարածվեցին, թե Սիրիայի իշխանությունները քիմիական զենք են կիրառել բնակչության նկատմամբ: ՄԱԿ-ի փորձագետներն աշխատանքներ կատարեցին այն վայրում, որտեղ ենթադրաբար կիրառվել է քիմիական զենքը:

Քննարկման ժամանակ Դավիթ Հովհաննիսյանը կարծիք հայտնեց, որ Սիրիայի իշխանությունները բացարձակապես որևէ իմաստ չէին տեսնի քիմիական զենքի կիրառման մեջ՝ շատ լավ հասկանալով, որ դա իրենց է վտանգելու: Նախկին դեսպանի գնահատմամբ՝ քիմիական զենքի կիրառմամբ կարող էին շահագրգռված լինել տարածաշրջանային երկրները, որոնք նմանատիպ գործողությամբ կարող էին հօգուտ կառավարական ուժերի թեքվող իրավիճակը հավասարակշռել կամ թեքել զինյալների օգտին:

Դավիթ Հովհաննիսյանի համոզմամբ՝ ԱՄՆ նախագահ Բարաք Օբաման փորձում է ամեն ինչ անել, որ ստիպված չլինի հարվածել Սիրիային, քանի որ դա շատ վտանգավոր է: ԱՄՆ բնակչության 67 տոկոսը դեմ է Սիրիային ուղղվելիք որևէ տիպի հարվածի: Այս բնակչությունը դեռ շատ թարմ հիշողություններ ունի իրաքյան պատերազմից:

Սևակ Սարուխանյանը նշեց, որ Սիրիային հարվածելու դեպքում պատերազմը չի կարող արագ ավարտ ունենալ, քանի որ հարվածները հանգեցնելու են Ասադի տարածաշրջանային կողմնակիցների ակտիվացման: Սարուխանյանը կանխատեսում է Իրանի կողմից ավելի մեծ ակտիվացում և Ասադի բանակի համալրում ավելի մեծ թվով իրանցիներով:

Միաժամանակ Սևակ Սարուխանյանն ասաց. «Իրանը ամեն ինչ կանի, որ իշխանությունը Սիրիայում պաշտպանի: Բայց անմիջական մասնակցություն պատերազմին Թեհրանն այսօր իրեն թույլ տալ չի կարող»:

Սիրիայում ռազմական միջամտության դեպքում տարածաշրջանային մեկ այլ երկրի՝ Թուրքիայի հնարավոր պահվածքին անդրադառնալով՝ Սուրեն Մանուկյանը նշեց, որ Թուրքիայի միակ ցանկությունն իր սահմանից սիրիացի փախստականների ճամբարների տեղափոխումն է, իսկ այլ, հեռու գնացող քայլեր գոնե այս փուլում Անկարան պատրաստ չէ կատարել:

Սուրեն Մանուկյանը կանխատեսեց, որ Սիրիայում ռազմական միջամտության դեպքում հարվածելու են զորանոցներին, այն վայրերին, որտեղ կենտրոնացված է ռազմամթերք, և այն օդանավակայաններին, որտեղից թռչում է սիրիական օդուժը: Այդ դեպքում Սիրիայի իշխանությունները կզրկվեն գոնե այդ մեկ վճռական առավելությունից՝ օդուժի մենաշնորհից, ինչը կհանգեցնի նաև այլ առավելություններից զրկվելուն:

Դավիթ Հովհաննիսյանը նշեց, որ Սիրիայում իշխող վարչակարգը թեև ավտորիտար է, բայց մեղմ ավտորիտար է, ինչի շնորհիվ սիրիական բազմաէթնիկ հասարակությունը տասնամյակներ շարունակ ներդաշնակ ապրում էր, և այս հավասարակշռությունը քանդելը դարձյալ արմատական իսլամիստական ծրագիր է: Նման շիկացած հարաբերությունների պայմաններում արևելագետը չափազանց բարդ է համարում ժողովրդավարության մասին խոսելը:

«Սիվիլնեթի» լրագրող Հարութ Էքմանյանի կարծիքով` ժողովրդավարությունը 2, 4 կամ 10 տարվա ընթացքոմ չի ստեղծվում, և 3-4 նախագահական ընտրությունից հետո նոր կարելի է Սիրիայում ժողովրդի կողմից ընտրված իշխանություն ունենալ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Մայիսի 22-ին «Մեդիա կենտրոնում» տեղի ունեցավ քննարկում «Բնապահպանության խնդիրներն ու ռիսկերը. առաջարկներ ուղղված նոր կառավարությանը» թեմայով:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ