«Ընտրական մասնակցության մակարդակի ստուգում» ծրագրի արդյունքները
10.09.2013
13:30
Սեպտեմբերի 10-ին «Մեդիա կենտրոնում» Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ներկայացրեց «Ընտրական մասնակցության մակարդակի ստուգում» ծրագրի արդյունքները:

2013 թ. փետրվարի 18-ի ՀՀ նախագահական ընտրությունների ժամանակ պաշտոնական արդյունքներով 90 և ավելի տոկոս մասնակցություն ցուցաբերած թվով 32 համայնքում իրականացվել է այլընտրանքային մարդահամար` պարզելու քվեարկության օրվա դրությամբ այդ համայնքներում փաստացի եղած ընտրողների թիվը և համադրելու այն ընտրությունների պաշտոնական արդյունքների հետ:

 «Մենք ստացել ենք մի աղյուսակ`նշված ԿԸՀ տվյալներով որքան մարդ է մասնակցել, և մեր հաշվարկներով՝ որքան մարդ կարող էր մասնակցել: 10 գյուղերում մենք ստացել ենք բացասական հաշվեկշիռ. համայնքի հնարավոր ընտրողների թիվն անհամեմատ ավելի փոքր է, քան ԿԸՀ հայտարարած թիվը»,- ասաց Լևոն Բարսեղյանը:  

Բարսեղյանի խոսքով՝ իրենց շատ էր մտահոգել այն, որ մի խումբ համայնքներում՝ հատկապես` հեռավոր, փոքրիկ, ընտրություններին մասնակցությունը եղել էր 70, 80, 90, մինչև 100 %, և իրենք որոշել էին անպայման ստուգել, թե այդ համայնքներում որքան մարդ է ապրել ընտրությունների օրը: 100 %-անոց մասնակցություն էր գրանցվել ՔԿՀ-ներում. Բարսեղյանն այս տեղամասերում ստուգում անցկացնելն անիմաստ է համարել: 

Ի վերջո, հետազոտություն է անցկացվել 33 ընտրատեղամասում, որոնք միավորում էին 32 համայնք: Մեկ ու կես ամիս շարունակ 6 աշխատակից թակել է այդ համայնքների բոլոր դռները՝ պարզելու, օրինակ, այս տարի տվյալ տնային տնտեսությունից մեկնե՞լ են արտագնա աշխատանքի, դա եղե՞լ է մինչև փետրվարի 18-ը, այս տարի տնային տնտեսությունն ունեցե՞լ է ընտանիքի անդամի կորուստ, որքա՞ն է ընտանիքի ներկա անդամների թիվը, քանի՞սն են չափահասները: 

Հարցման է ենթարկվել 5386 ընտանիք: 

Բարսեղյանը նշեց, որ շահագրգիռ իրավապահ մարմինները կարող են փետրվարի 18-ի դրությամբ սահմանային կետերի հատումների գրանցումների հիման վրա պարզել, թե այս ընտրողներից քանիսն են գտնվել հանրապետությունում: Կպարզվի, որ 32 համայնքից 10-ում կոպտորեն կեղծվել են մասնակցության ցուցանիշները:

Նրա խոսքով՝ ընտրությունների կեղծման մեխանիզմների հիմքում ընկած է «ընտրացուցակների աղտոտվածությունը»: Այս պատճառով է, որ իշխանությունը համառորեն դեմ է արտահայտվում քվեարկած ընտրողների ցուցակները հրապարակելուն: Քննարկման ամբողջական տեսագրությունը կարող եք դիտել այստեղ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ