Վերջին զարգացումները Ռուբեն Թոփալյանի գործում
10.09.2013
12:00
Սեպտեմբերի 10-ին «Մեդիա կենտրոնի» նախաձեռնությամբ անցկացվեց մամուլի ասուլիս` «Վերջին զարգացումները Ռուբեն Թոփալյանի գործում» թեմայով:

Մամուլի ասուլիսի բանախոսներն էին ՀՀ դիզայներների միության փոխնախագահ Ռուբեն Թոփալյանը և Հայաստանի Հելսինկյան կոմիտեի նախագահ Ավետիք Իշխանյանը, ովքեր իրենց խիստ վրդովմունքը հայտնեցին գործի շրջադարձի առիթով. այժմ Ռուբեն Թոփալյանին մեղադրանք է առաջադրվել:

Թոփալյանը պնդում է, որ 2013թ. մայիսի 3-ին Շահմուրադյանը թիկնապահի ու երկու շինարարի հետ դաժանաբար ծեծել է իրեն՝ պատճառաբանելով, թե դիզայների տեղադրած դռներն անորակ են: Ծեծի հետևանքով Ռուբեն Թոփալյանը ստացել է քթի կոտրվածք, ուղեղի ցնցում, այլ վնասվածքներ: Դատաբժիշկները համաձայնել են հետազոտել Թոփալյանի վնասվածքները դեպքից 5 օր անց:

Իսկ դեպքից 4 ամիս անց՝ սեպտեմբերի 3-ին, ոստիկանությունը որոշել է մեղադրանք առաջադրել Թոփալյանին` Շահմուրադյանին ծեծելու համար:

«Ամենավրդովեցուցիչն այն է, որ գործ է հարուցվել Թոփալյանի նկատմամբ, իբր նա է ծեծի ենթարկել Շահմուրադյանին»,- ասաց Ավետիք Իշխանյանը:

«Մենք բացարկ ենք հայտնել քննչական մարմիններին, որ գործը ամսի 2-ից վարի հատուկ քննչական վարչությունը: Դրանից հետո ես ահազանգ-սպառնալիք եմ ստացել Շահմուրադյանից, որ հետ վերցնեմ բողոքը: Հակառակ դեպքում ես իրենց «դուշման կդառնամ»»,- հավելեց Ռուբեն Թոփալյանը:

Ծեծից հետո Թոփալյանը դիմել է Երևանի ոստիկանության Կենտրոնի բաժին: Այստեղ, դիզայների պնդմամբ, ոստիկաններն իրեն համոզել են, որ հաղորդում չներկայացնի: Այնուհետև ոստիկանը դուրս է եկել աշխատասենյակից ու հրավիրել Կարեն Շահմուրադյանի եղբորը՝ Աշոտ Շահմուրադյանին: Վերջինս էլ, Թոփալյանի պնդմամբ, իրեն համոզել է հաղորդում չներկայացնել, չբողոքել, չդիմել բուժօգնության և առաջարկել է գումար՝ ասելով. «Ավելի լավ է քեզ տամ, քան սրանց (ոստիկաններին)»: Թոփալյանը մերժել է առաջարկը և խնդրել, որ իրեն ընձեռվի հանցագործության մասին հաղորդում տալու հնարավորություն:

Իշխանյանն աբսուրդ համարեց այն, որ մարդուն դաժանաբար ծեծեն, գումարը չտան, հետո «գործը փոխվի նրա դեմ»: Նա կոչ արեց ոստիկանությանը գոնե ծառայողական քննություն սկսել Թոփալյանի մատնանշած ոստիկանների նկատմամբ:

Ավետիք Իշխանյանի խոսքով՝ իրենք քայլեր են ձեռնարկելու Թոփալյանի իրավունքները պաշտպանելու համար: Իշխանյանը պատրաստվում է այս գործով դիմել միջազգային իրավապաշտպան կառույցներին:

2011թ. օգոստոսի 8-ին Ռուբեն Թոփալյանի և գործարար Կարեն Շահմուրադյանի միջև կնքվել է պայմանագիր, ըստ որի՝ Թոփալյանը պետք է պատրաստեր ու տեղադրեր Շահմուրադյանի բնակարանի կահույքը: Գումարը պետք է վճարվեր 3 փուլով: Թոփալյանն ասում է, որ Շահմուրադյանը վճարել է 2 փուլով և Շահմուրադյանն իրեն դեռ պարտք է 37 հազար ԱՄՆ դոլար:

2013թ. փետրվարին Կարեն Շահմուրադյանը դիմել է դատարան ընդդեմ Թոփալյանի՝ պայմանագրի լուծման, տուժանքի գումարի բռնագանձման և առարկաները հանձնելու պահանջով: Իսկ երբ Թոփալյանը Շահմուրադյանից հետաքրքրվել է հայցադիմումի մասին, Թոփալյանի պնդմամբ, Շահմուրադյանն ասել է, որ հայցը կրում է ձևական բնույթ, թող Ռուբենը շարունակի իր աշխատանքները, նույնիսկ այդ ընթացքում մարել է պարտքի մի մասը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ