Դիտորդական առաքելություն իրականացրած ՀԿ-ների գնահատականը
06.05.2013
14:00
«Մեդիա կենտրոն»-ում մայիսի 6-ին, ժամը 14:00-ին հուրընկալվեցին այն հասարակական կազմակերպությունների եւ լրագրողական կազմակերպությունների ներկայացուցիչները, որոնք համատեղ դիտորդություն էին իրականացրել Երեւանի ավագանու ընտրությունների ընթացքում Երևանի բոլոր 13 ընտրատարածքների 464 ընտրատեղամասերում եւ վերահսկել ընտրությունները:

Այսօր նրանք Մեդիա կենտրոնում հանդես եկան համատեղ հայտարարությամբ՝ ներկայացնելով մայիսի 5-ին իրականացրած դիտորդական առաքելության իրենց նախնական եզրակացությունը:

«Մեդիա կենտրոն»-ի հյուրերն էինԱրտակ Կիրակոսյանը («Քաղաքացիական հասարակության ինստիտուտ» ՀԿ), Ավետիք Իշխանյանը («Հայաստանի հելսինկյան կոմիտե» ՀԿ), Նաիրա Առաքելյանը («Արմավիրի զարգացման կենտրոն» ՀԿ), Ալեքսանդր Շագաֆյանը («Ժողովրդավարական կրթության հայկական կենտրոն-ՍԻՎԻՏԱՍ» ՀԿ),

Սամվել Մարտիրոսյանը (iDitord կայք), Էդուարդ Ղուդրունցը («Հարմոնիա» ՀԿ), Լուսինե Սիմոնյանը («Կարողություն եւ զարգացում հանուն քաղաքացիական հասարակության» ՀԿ), Սաթիկ Բադեյանը («Տարածքային զարգացման եւ հետազոտությունների կենտրոն» ՀԿ), Ռուբեն Սարգսյանը (APR Group), Սոնա Այվազյանը (Transparency International ՀԿ):

Ներկա ՀԿ-ների անունից, Ավետիք Իշխանյանը հայտարարեց.

«Մենք այստեղ ներկա բոլոր կազմակերպությունների ներկայացուցիչների հետ քննարկեցինք բոլորիս տպավորությունները՝ երեկվա ընտրությունների հետ կապված և եկանք ընդհանուր եզրակացության: Ես այժմ կներկայացնեմ այդ հիմնական պրոբլեմները, խախտումները, ինչից հետո յուրաքանչյուր կազմակերպություն կներկայացնի ընտրությունների առանձնահատկություններն իր կողմից դիտարկված ընտրատարածքում:

Ուրեմն, համատարած եղել են կուտակումներ բոլոր տեղամասերի շուրջ, անընդհատ մարդկանց են բերել, ուղղորդել են նրանց քվեարկությունը և այլն: Ոստիկանությունը հիմնականում անգործության է մատնված եղել: Մեքենաներով մարդկանց ընտրության բերելը նույնպես համատարած է եղել:

Եղել են շատ հոգեբանական ճնշումներ, խոչընդոտներ լրատվամիջոցների և դիտորդների նկատմամբ՝ ընտրական հանձնաժողովների կամ վստահված անձանց կողմից, ոչ լիազորված անձանց ներկայություն ընտրատեղամասերում: Գրանցվել են բազմաթիվ դեպքեր, երբ պարզվել է, որ ընտրատեղամասում ներկա անհայտ անձիք կուսակցության ներկայացուցիչ են, որոնք ունեն և՛ դիտորդի, և՛ վստահված անձի բեդջեր, որոնք էլ հաջորդաբար օգտագործել են:

Մեծ կիրառություն է ունեցել դիտորդական առաքելությունները որպես ընտրողներին ուղղորդելու գործիք օգտագործելը: Եվ ես հիմա կտամ այդ կազմակերպությունների անունները, որոնք իբր դիտորդություն են իրականացրել, բայց իրականում մեծ դեր են կատարել մարդկանց ուղղորդելու գործում և իրականում կատարել են վստահված անձանց դեր:

Դրանցից են Էրեբունի համայնքների զարգացման կենտրոն, Տնտեսական և սոցիալական իրավունքի կենտրոն, «Կյանք» մարդու իրավունքների քաղաքականության և հումանիտար պրոբլեմների միջազգային ասոցիացիա կազմակերպությունները, որոնք աշխատել են Հանրապետական կուսակցության օգտին:

Եվս մեկ դիտորդական կազմակերպություն՝ Համահայկական երիտասարդական ասոցիացիա ՀԿ-ն աշխատել է «Բարգավաճ Հայաստան»-ի օգտին:

Սրանք ես համարում եմ շատ տհաճ երևույթներ, որոնք վարկաբեկում են քաղաքացիական հասարակությունը: Եվ ես դիմում եմ Կենտրոնական ընտրական հանձնաժողովին, թե ինչպես են նրանք, խախտելով օրենքը, գրանցել այս հասարակական կազմակերպությունները, երբ որ նրանք հանգիստ կարող էին պարզել, որ նշվածները կողմնակալ կազմակերպություններ են:

Այս ընտրությունները բացարձակապես չեն համապատասխանում ժողովրդավարական չափանիշներին: Սա մեր բոլորի ընդհանուր գնահատականն է:

Եվս մեկ ընդհանուր եզրակացություն կուզենայի անել: Այս արդյունքները եղան նախագահական ընտրություններից շուրջ երկուսուկես ամիս հետո. իմ անձնական գնահատականով՝ նախագահական ընտրություններին իշխանությունները բավականին հանգիստ էին, և իրենց համար անսպասելի եղան դրանց արդյունքները: Կարծում եմ այս ընթացքում նրանք շատ լուրջ պատրաստվեցին և կիրառեցին իրենց բոլոր ռեսուրսները, որի արդյունքում Տարոն Մարգարյանը Երևանում հաղթեց Սերժ Սարգսյանին», - ասաց Ավետիք Իշխանյանը:

Ամփոփելով ընտրությունների արդյունքերը՝ Իշխանյանը նշեց, որ վերոնշյալ խախտումները կանխելու համար պետք է համակարգային փոփոխություններ իրականացնել մինչև մյուսընտրությունները:

Տեսանյութ
Print Friendly and PDF
Այլ մամլո հաղորդագրություններ
«Արևելյան գործընկերության գագաթնաժողով 2017. Հայաստանի քայլը դեպի Եվրոպա»
23.11.2017
11:00
Նոյեմբերի 24-ին Բրյուսելում տեղի է ունենալու Արևելյան գործընկերության հերթական գագաթնաժողովը, որի շրջանակներում սպասվում է, որ ստորագրվելու է Հայաստան-Եվրամություն շրջանակային համաձայնագիրը։
Հայաստան-ԵՄ շրջանակային համաձայնագրի ստորագրման նախաշեմին. արձագանքներ Քիշնևից եւ Թբիլիսիից
22.11.2017
13:00
Նոյեմբերի 22-ին «Մեդիա կենտրոնում» տեղի կունենա քննարկում «Հայաստան-ԵՄ շրջանակային համաձայնագրի ստորագրման նախաշեմին. արձագանքներ Քիշնևից եւ Թբիլիսիից» թեմայով։
«Քիմիական նյութեր` Հայաստան ներկրվող խաղալիքներում. առողջական ռիսկեր և շուկայի վերահսկողություն»
22.11.2017
11:00
Նոյեմբերի 22-ին «Մեդիա կենտրոնում» տեղի ունեցավ քննարկում «Քիմիական նյութեր` Հայաստան ներկրվող խաղալիքներում. առողջականռիսկերև շուկայի վերահսկողություն» թեմայով:
Թանգարանային կրթական ծրագրերի նախագծում և մարքեթինգ. ասուլիս Ռուսական արվեստի թանգարանում
21.11.2017
13:00
Նոյեմբերի 21-ին Երևանի Ռուսական արվեստի թանգարանում «Մեդիա կենտրոնը» անցկացրեց մամլո ասուլիս «Թանգարանային կրթական ծրագրերի նախագծում և մարքեթինգ» տարածաշրջանային դասընթացի վերաբերյալ:
Դռնբաց դատական նիստերի լուսաբանման խոչընդոտներն ու սահմանափակումները
17.11.2017
12:00
Նոյեմբերի 17-ին «Մեդիա կենտրոնում» տեղի ունեցավ «Դռնբաց դատական նիստերի լուսաբանման խոչընդոտներն ու սահմանափակումները» հետազոտության ներկայացում:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ