Կանանց ռեսուրսային կենտրոնը սպառնալիքներ է ստանում
03.09.2013
12:00
Սեպտեմբերի 3-ին «Մեդիա կենտրոնի» նախաձեռնությամբ անցկացվեց քննարկում՝ Կանանց ռեսուրսային կենտրոնի հասցեին հնչած սպառնալիքների, կանանց իրավունքների պաշտպանությամբ զբաղվող ՀԿ-ների նկատմամբ համացանցում «ատելության խոսքի» (hate speech) դրսևորումների ակտիվացման, դրանց դեմ իրավական պայքարի միջոցների մասին:

Քննարկմանը մասնակցում էին Կանանց ռեսուրսային կենտրոնի տնօրեն Լարա Ահարոնյանը, կենտրոնի փաստաբան Նվարդ Փիլիպոսյանը, «Հասարակություն առանց բռնության» ՀԿ-ի ծրագրերի պատասխանատու Աննա Նիկողոսյանը, Կանանց աջակցման կենտրոնի տնօրեն Մարո Մաթոսյանը և Ժուռնալիստների «Ասպարեզ» ակումբի նախագահ Լևոն Բարսեղյանը:
 
Կանանց ռեսուրսային կենտրոնը վերջին շրջանում սպառնալիքներ է ստանում` ուղղված իր գործունեությանը, մինչև անգամ բնակելի շենքում տեղակայված կենտրոնը պայթեցնելու սպառնալիք:

Քննարկման ժամանակ Լարա Ահարոնյանն ասաց, որ կենտրոնի դեմ սպառնալիքներն ու կենտրոնի գործունեության մասին թեժ քննարկումները սկսվեցին Հայաստանի` Ասոցացման պայմանագիրը ստորագրելու շեմին:

«Համահայկական ծնողական կոմիտեն սկսեց իր գործունեությունը` օգտագործելով մարդկանց ոչ տեղեկացված վիճակը, սխալ ներկայացնելով «գենդեր» եզրը, ատելություն քարոզելով,- նշեց Լարա Ահարոնյանը և հավելեց,- այս մթնոլորտի մեջ հայտնվեցին անհատներ, որոնք սկսեցին սպառնալիքներ հնչեցնել, ինչպես օրինակ` Մարկ Հովհաննիսյանը, ով կազմակերպչական հարցերով է զբաղվում Համահայկական ծնողական կոմիտեում»:

Կանանց ռեսուրսային կենտրոնի տնօրենը նշեց, որ իրենց կազմակերպությունը չի զբաղվել վերջերս մեծ աղմուկ բարձրացրած, կանանց և տղամարդկանց հավասար իրավունքների մասին օրենքով, թեև դա լավ օրենք է համարում հայաստանյան հասարակության համար: Ուստի, Լարա Ահարոնյանը չգիտի, թե ինչու իրենց վրա անդրադարձվեց ագրեսիան:

Լարա Ահարոնյանի խոսքով՝ Ազգային ժողովի պատգամավոր Հայկ Բաբուխանյանի տարածած այն տեղեկատվությունը, թե Կանանց ռեսուրսային կենտրոնը Ազատության հրապարակում երեխաներին օգտագործելով, միասեռականություն և սեռափոխություն է քարոզել, սուտ մատնություն ու զրպարտանք է:

Քննարկման բանախոս Մարո Մաթոսյանը նշեց, որ զրպարտությունները, ստերը և ատելության մթնոլորտը, որոնք կան հասարակության մեջ, չպետք է անպատիժ մնան, պետությունը մեծ պատասխանատվություն ունի:

«Ատելության զոհ դարձած կանանց կազմակերպությունները գործել են միջինում 10 տարի և այս ընթացքում տասնյակ հազարավոր կանանց են օգնել` մասամբ իրենց վրա վերցնելով նաև պետության պարտավորությունները»,- քննարկման ժամանակ ասաց Աննա Նիկողոսյանը:

Նա կարծիք հայտնեց, որ կանանց իրավունքների պաշտպանությամբ զբաղվող կազմակերպություններն են, որ ակտիվացնում են մարզերի երիտասարդությանը, փորձ ու գիտելիք փոխանցում, մասնակցում քաղաքացիական մի շարք նախաձեռնությունների:

«Կանանց կազմակերպություններն են, որ պայքարում են մանկապղծության դեմ, մինչդեռ այսօր մեզ զրպարտում են` մանկապղծության քարոզչություն վերագրելով»,- հավելեց Աննա Նիկողոսյանը:

Լևոն Բարսեղյանը վստահություն հայտնեց, որ ՀԿ-ների դեմ վիրավորանքի և զրպարտության բոլոր դեպքերով պետք է անպայման դիմել դատարան: Միաժամանակ նա վտանգ է տեսնում, որ Հայաստանի գործող օրենսդրությունը և դրա բացերը կկիրառվեն ընտրովի:

«Երբ մենք ապրում ենք մի ռեժիմում, որը ես կոչում եմ մերձավտորիտար, այսպիսի ընտրովիությունն ակնկալելի է»,- ասաց Լևոն Բարսեղյանը:

««Ատելության խոսքը»՝ որպես եզրույթ, միջազգային պրակտիկա ունի և կիրառելի է բազմաթիվ երկրներում, սակայն Հայաստանում այն չունի օրենսդրական սահմանում, ինչը կարելի է որոշակի առումով բաց համարել»,- ասաց Նվարդ Փիլիպոսյանը:

Միաժամանակ նա նշեց, որ ՀՀ Սահմանադրության 47-րդ հոդվածն արգելում է օգտագործել իրավունքներն ու ազատությունները՝ կրոնական, ազգային, ռասայական թշնամանք և ատելություն սերմանելու համար:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ