Զլմ-ների տարածած հայտարարությունը
25.06.2013
12:00
Հունիսի 25-ին` ժամը 12:00-ին «Մեդիա կենտրոն»-ում տեղի ունեցավ քննարկում` վերջերս էլեկտրոնային լրատվամիջոցների կողմից տարածած հայտարարության կապակցությամբ, որով 15 էլեկտրոնային լրատվամիջոցների խմբագիրներ, հաշվի առնելով լրատվական դաշտում առկա անբարեխիղճ մթնոլորտը, առաջարկում են միմյանց հետ համագործակցության հստակ կանոններ:

Բանախոսներն էին «Ժողովուրդ» օրաթերթի գլխավոր խմբագիր Թագուհի Թովմասյանը, «Ինֆորմացիայի ազատության կենտրոն»-ի իրավաբան Գեւորգ Հայրապետյանը, Haynews.am կայքի գլխավոր խմբագիր Անուշ Խեչոյանը, Blognews.am կայքի գլխավոր խմբագրի օգնական Կոնստանտին Տեր-Նակալյանը, Shamshyan.com կայքի ներկայացուցիչ Գեւորգ Էմին-Տերյանը, «Խոսքի ազատության պաշտպանության» կոմիտեի նախագահ  Աշոտ Մելիքյանը:

«Կայքերի մեծ մասը կորցնում են ընթերցող և եկամուտի աղբյուր, այսինքն խոսքը ոչ միայն էթիկայի, այլև ուրիշի հաշվին ապրելու մասին է, ինչն անթույլատրելի է» ,- համոզված է Թովմասյանը:

Նա կարծում է, որ հայտարարության տեքստը թույլ կտա ներքին կանոնակարգման դաշտում կարգավորել խնդիրը` առանց օրենսդրության միջամտությանը հասնելու:

«Ինձ համար կարևորը էթիկան է. եկեք մեկս մյուսի աշխատանքը հարգենք, և երբ կանցնի պատշաճության սահմանը` կդիմենք դատական ատյաններին», - նշում է Անուշ Խեչոյանը:

Հայտարարության տարածելուց հետո, Գևորգ Էմին-Տերյանի համոզմամբ,  մի իրավիճակ է ստեղծվել, երբ մարդիկ պետք է մտածեն` իրենք լրատվամիջոց են, թե՞ լրատվամիջոց չեն:

«Ես համարում եմ, որ օրենքը անհրաժեշտություն է, որովհետև եթե օրենքը չլինի, ես ստիպված եմ փայտ վերցնել ձեռքս և սպասել` երբ են որոշ կայքերի խմբագիրներ տուն գնում: Սա միայն բարոյական, էթիկական հայտարարություն է և օրենքի ուժ չունի»,- ասում է նա:

Blognews-ն, ըստ էության, կողմ է նախաձեռնությանը` չնայած նրան, որ ինչպես ասում է Կոնստանտին Տեր-Նակալյանը, իրենք ունեն ձևաչափի խնդիր. իրենց կայքում հրապարակված նյութերը չեն պատկանում իրենց:

Աշոտ Մելիքյանը մտածում է, որ այս գործընթացը ինքնամաքրման գործընթաց է:

«Սա հետևանք է նրա, որ լրագրությամբ սկսեցին զբաղվել ոչ պրոֆեսիոնալները, սա նորմալ երևույթ է, քաղաքացիական լրագրության զարգացումը տեխնոլոգիաներին համընթաց զարգացող ուղղություն է: Այն օրենքը, որ ստեղծվել է տարիներ առաջ, այն ժամանակվա համար էր, և մի շարք այսօրվա իրողություններ թելադրում են նոր ադեկվատ լուծումների անհրաժեշտություն»,- պնդում է Աշոտ Մելիքյանը:

Գեւորգ Հայրապետյանը համոզված է, որ միայն իրավական կարգավորմամբ հնարավոր չէ խնդիրը ամբողջությամբ լուծել:

«Չի բացառվում, որ ապագայում հիպերհղումները հայտնվեն դինոզավրերի դարաշրջանում և նոր մարտահրավերներ հայտնված լինեն»,- կարծում է Հայրապետյանը:

15 լրատվամիջոցների տարածած հայտարարությանը այլ լրատվամիջոցներ էլ են միացել և մի քանի օրից լրագրողները հանդես կգան նոր հայտարարությամբ:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ