Երեւանի ավագանու առաջնահերթ ծրագրերը
21.06.2013
12:00
Հունիսի 21-ին` ժամը 12:00-ին «Մեդիա կենտրոն»-ում տեղի ունեցավ ասուլիս` «Երեւանի ավագանու առաջնահերթ ծրագրերը առաջիկա 3 ամիսների ընթացքում» թեմայով:

Բանախոսներն էին Երեւանի ավագանիում «Բարեւ Երեւան» դաշինքի ներկայացուցիչներ Ստյոպա Սաֆարյանը եւ Դավիթ Սանասարյանը: ԲՀԿ եւ ՀՀԿ ավագանու անդամները հրաժարվել էին մասնակցել ասուլիսին՝ պատճառաբանելով, որ դեռ չեն որոշել իրենց անելիքները եւ նախընտրում են խոսել կոնկրետ գործողություններ կատարելուց հետո:

Ստյոպա Սաֆարյանի համոզմամբ՝ Հայաստանի Հանրապետությունում տեղական ինքնակառավարումը շարունակում է մնալ որպես չկայացած, կախյալ ինստիտուտ՝ չնայած նրան, որ Երեւանի քաղաքապետ Տարոն Մարգարյանը ավագանու առաջին նիստի ժամանակ՝ հունիսի 8-ին նշել էր, որ վերջին 4 տարիների ընթացքում ավագանու ինստիտուտը կայացել է Հայաստանում:

«Ամեն ինչ այնպես են արել, որ Երևանի քաղաքապետարանը լինի մեկ անձի թատրոն: Ավագանին դեկորացիայի դեր ունի, այդպես է եղել անցած չորս տարիների ընթացքում»,- ասաց Սաֆարյանը:

Ամռան ամիսներին ավագանու համար արձակուրդ է լինելու, բայց «Բարեւ Երեւան» դաշինքի անդամները, Դավիթ Սանասարյանի հավաստմամբ,  շարունակելու են աշխատել: Ստյոպա Սաֆարյանը հավելեց, որ ամբողջ ամառը նվիրելու են քաղաքային տնտեսության բոլոր նրբություններն ուսումնասիրելուն:

«Սունդուկյան 90 շենքի հարևանությամբ կա մի կանաչ տարածք, որը բավականին յուղոտ պատառ` է քաղաքաշինական ծրագիր իրականացնելու համար: Այնտեղ կանաչ տարածքն այնքան խիտ է, որ դժվարությամբ է հնարավոր մտնել: Բնակիչները փորձել են փրկել իրենց ուժերով ստեղծված այդ այգին, մինչդեռ քաղաքապետարանը սպառնալիքներով նամակ է հղել բնակիչներին` տարածքը ապամոնտաժելու պահանջով: Նրանց խոսքով` քաղաքապետարանը մտադիր է «բարեկարգել» այդ տարածքը: Ակնհայտ է, որ մտադրությունը հերթական էլիտար հիպերմարկետ կառուցելն է»,- ասաց Ստյոպա Սաֆարյանը՝ նշելով, որ սա առաջնահերթ խնդիրներից է լինելու, որով նրանք պատրաստվում են զբաղվել առաջիկայում:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ