Ակտիվիստներ-ոստիկանություն հաճախակի բախումների հետքերով
27.08.2013
12:00
Օգոստոսի 27-ին «Մեդիա կենտրոնի» նախաձեռնությամբ անցկացվեց քննարկում՝ Կոմիտասի 5 հասցեում բազմահարկ շենքի շինարարության դեմ պայքարողների և ոստիկանության միջև բախումների ու Երևանի քաղաքապետարանի մոտ տրանսպորտի թանկացման դեմ պայքարող և քաղաքապետարանի մի շարք պաշտոնյաների հրաժարականը պահանջող ակտիվիստների վրա կատարված հարձակումների վերաբերյալ:

Քննարկմանը մանակցում էին «Արմենիա թուդեյ» տեղեկատվական-վերլուծական գործակալության և կայքի խմբագիր, ակտիվիստ Արգիշտի Կիվիրյանի փաստաբաններ Լուսինե Սահակյանն ու Երվանդ Վարոսյանը, Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը, «Իրավունքների պաշտպանություն առանց սահմանների» ՀԿ-ի նախագահի Հայկուհի Հարությունյանը, իրավաբան Մհեր Արշակյանը, ՀՀ և Կանադայի քաղաքացի Միքայել Տոնոյանը:

«Մեդիա կենտրոնը» քննարկմանը հրավիրել էր նաև ներկայացուցչի ՀՀ ոստիկանությունից, սակայն ոստիկանությունը չէր արձագանքել հրավերին:

Քննարկման ընթացքում Միքայել Տոնոյանն ասաց, որ ինքը քաղաքացիական ակտիվիստ չէ, այլ ընդամենը զբոսնելիս է եղել քաղաքապետարանի տարածքում, երբ սպորտային կազմվածքով մի տղամարդ է մոտեցել, մեղադրել, որ Տոնոյանն ինչ-որ խնդիրներ է ստեղծում իրենց հայրերի համար, և զգուշացրել, որ Տոնոյանին այլևս չտեսնեն քաղաքապետարանի դիմաց: Դրանից հետո Տոնոյանը հետևից հարված է ստացել, իսկ այդ տղամարդն ու մյուս հարձակվողները փախել են:

«ՀՀԿ-ին կից գործում են ահաբեկչական խմբավորումներ, որոնք սարսափելի անկազմակերպ ձևով հարձակվում են մարդկանց վրա: Սա խիստ մտահոգիչ է»,- կարծիք հայտնեց Տոնոյանը:

Քննարկման բանախոս, իրավաբան Մհեր Արշակյանը իշխանության կողմից «բռնություն» և «քաղաքական հետապնդման փորձեր» որակեց այն, որ ոստիկանները նույն մարդկանց պարբերաբար ենթարկում են բերման:

Իսկ իրավապաշտպան Արթուր Սաքունցը կարծիք հայտնեց, որ ակտիվիստները ոստիկանների ապօրինությունների բոլոր դեպքերով պետք է հանցագործության մասին հաղորդում ներկայացնեն գլխավոր դատախազություն:

Սաքունցը տեղեկացրեց, որ քաղաքացիական ակտիվիստներն այսօր՝ ժամը 13-ին, ոստիկանության առջև անցկացնելու են ցույց, այնուհետև երթով շարժվելու են մինչև գլխավոր դատախազություն՝ դատապարտելու ոստիկանության կողմից ՀՀ և օտարերկրյա քաղաքացիների իրավունքների ոտնահարումները:

«Գլխավոր դատախազությունը զանգվածային լրատվամիջոցներով տարածված բամաթիվ այդ խախտումների վերաբերյալ արդեն իսկ պետք է քրեական գործեր հարուցած լիներ: Այսինքն՝ մենք տեսնում ենք կանխամտածված անգործություն»,- ասաց Արթուր Սաքունցը:

Քննարկման մեկ այլ մասնակից, «Իրավունքների պաշտպանություն առանց սահմանների» ՀԿ-ի նախագահ Հայկուհի Հարությունյանը ներկայացրեց իր այն դիտարկումը, որ ոստիկանների, ինչպես նաև առանձին անհատների կողմից հավաքի մասնակիցներին ուղղված բռնի գործողությունները նպատակ ունեին վերջիններին դրդել անել քայլեր, որոնք կփոխեին խաղաղ հավաքի բնույթը:
«Մեդիա կենտրոնի» քննարկման ընթացքում առանձին անդրադարձ եղավ նաև «Արմենիա թուդեյ» տեղեկատվական-վերլուծական գործակալության և կայքի խմբագիր, ակտիվիստ Արգիշտի Կիվիրյանին պատահածին: Վերջինիս ոստիկանները բերման էին ենթարկել Կոմիտասի 5 հասցեից և ծեծել, իսկ այնուհետև քրեական գործ հարուցել իշխանության ներկայացուցչի դեմ բռնության հոդվածով (316-րդ հոդված):

Արգիշտի Կիվիրյանի փաստաբան Լուսինե Սահակյանն ասաց, որ իր պաշտպանյալը ստացել է բազմաթիվ մարմնական վնասվածքներ, իսկ ոստիկանությունը չունի այն հարցի պատասխանը, թե ինչու է Կիվիրյանը բռնության ենթարկվել, ուստի հակաքայլ է արել և հարուցել քրգործ:

Կիվիրյանի մյուս փաստաբանը՝ Երվանդ Վարոսյանը, հավելեց, որ 2007թ.-ից աշխատելով փաստաբան՝ պարբերաբար առնչվում է դեպքերի, երբ ոստիկանությունը որպես մահակ է օգտագործում 316 հոդվածը հենց ոստիկանության բնություններին ենթարկված քաղաքացիների դեմ:

Քննարկման ամբողջական տեսանյութը կարող եք դիտել այստեղ

Տեսանյութ
Print Friendly and PDF
Այլ մամլո հաղորդագրություններ
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
«2019 թ. պետական բյուջեն ազնիվ, կոնսերվատիվ և իրավիճակային բյուջե է». տնտեսագետներ
09.10.2018
13:00
Հոկտեմբերի 9-ին «Մեդիա կենտրոնում» տեղի ունեցավ քննարկում «Պետական բյուջե-2019. մարտահրավերներ և հնարավորություններ» թեմայով։
Գործող խորհրդարանը չի ներկայացնում հանրության կամարտահայտությունը
05.10.2018
12:00
Հոկտեմբերի 5-ին Գյումրիում, Շիրակի պետական համալսարանում կազմակերպված «Արտահերթ խորհրդարանական ընտրությունների անցկացման տարբերականներն ու մեխանիզմենրը» թեմայով հանրային քննարկամն ընթացքում բանախոսները խոսեցին արտահերթ խորհրդարանական ընտրությունների անհրաժեշտության ու գործող խորհրդարանը ցրելու տարբերակաների մասին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ