Ի՞նչ է տեղի ունեցել Կոմիտաս 5 հասցեում
22.08.2013
12:00
Օգոստոսի 22-ին` ժամը 12:00-ին, «Մեդիա կենտրոն»-ի նախաձեռնությամբ անցկացվեց քննարկում՝ օգոստոսի 21-ին Կոմիտասի 5 հասցեում բազմահարկ շենքի շինարարության դեմ պայքարող բնակիչների եւ ոստիկանության միջեւ բախման վերաբերյալ:

Օգոստոսի 22-ին` ժամը 12:00-ին, «Մեդիա կենտրոն»-ի նախաձեռնությամբ անցկացվեց քննարկում՝ օգոստոսի 21-ին Կոմիտասի 5 հասցեում բազմահարկ շենքի շինարարության դեմ պայքարող բնակիչների եւ ոստիկանության միջեւ բախման վերաբերյալ:

«Լիբեր» ՍՊԸ-ն 2010 թվականից բնակելի շենքերի անմիջական հարևանությամբ սկսել է բազմահարկ շենքի շինարարություն, ինչին անընդհատ դեմ են արտահայտվել բնակելի շենքերի բնակիչները:

Քննարկմանը մասնակցում էին «Նախախորհրդարանի» անդամներ, ռեժիսոր Տիգրան Խզմալյանը և «Ընդդեմ իրավական համակայանության» ՀԿ-ի ղեկավար Լարիսա Ալավերդյանը:

«Մեդիա կենտրոն»-ը հրավիրել էր ներկայացուցիչների նաև շահագրգիռ մյուս կողմերից` Երևանի քաղաքապետարանից, ոստիկանությունից, «Լիբեր» ՍՊԸ-ից, սակայն վերջիններիս մերժել էին հրավերը:


Լարիսա Ալավերդյանն ասաց, որ դեռ տարիներ առաջ, երբ պատգամավոր էր, բնակիչներից բողոքներ էր ստացել, որ շենքերի հարևանությամբ գործող ենթակայանն աշխատում է շինարարական նորմերի խախտումներով: Դրա հետևանքով վիբրացիան, որը տարածվում էր, զգալի վնաս էր հասցնում թե՛ մարդկանց առողջությանը, թե՛ շենքին, և բնակիչները տարիներ շարունակ պայքարում էին, որ ենթակայանն այդտեղ չգործի: Այժմ բնակիչները պայքարում են նույն տարածքում բազմահարկ շենքի կառուցման դեմ:


«2010 թվականին «Լիբեր» ՍՊԸ-ն վերին աստիճանի թերի փաթեթով ստացել է քաղաքապետարանի համաձայնությունը: Ձեզ հայտնի է այդ սխեման. չստանալով այն բոլոր թույլտվությունները, որոնք պետք է ստացվեն, քաղաքապետարանը անմիջապես տալիս է այդ թույլտվությունը, իր ստորագրությունը դնում կնքած նախագծերի վրա, և շինարարները դրանով գալիս են: Դա հոգեբանական ճնշում և անթույլատրելի գործողություն է»,- ասաց Լարիսա Ալավերդյանը:


Մինչդեռ «Քաղաքաշինության մասին» ՀՀ օրենքը սահմանում է, որ բնակելի շենքերի հարևանությամբ կառուցվելիք ցանկացած շենքի շինարարություն պետք է սկսվի բոլոր կողմերի հետ անցկացված լսումներից, և բնակիչների համաձայնությունը ստանալուց հետո է միայն թույլատրվում կատարել մյուս բոլոր գործընթացները:


Լարիսա Ալավերդյանը կարծում է, որ Կոմիտասի 5 հասցեում շինարարության ժամանակ կա «հստակ կոռուպցիա», ինչպես նաև գործում են հանցավոր սխեմաներ:


Օգոստոսի 21-ին վերսկսված շինարարությունը կանգնեցնելու նպատակով` ակտիվիստների հետ շինհրապարակ էր մտել նաև Տիգրան Խզմալյանը, ում, արդյունքում, ոստիկանները ենթարկեցին վարչական բերման և բաց թողեցին մոտ 2:30 ժամ անց:


Քննարկման ընթացքում Տիգրան Խզմալյանը և Լարիսա Ալավերդյանը համոզմունք հայտնեցին, որ օգոստոսի 21-ին ոստիկանության` բնակիչներին ու ակտիվիստներին քաշքեշելու, բերման ենթարկելու գործողություններն իրավաչափ չէին:

Միաժամանակ Տիգրան Խզմալյանն ասաց, որ ոստիկանների վերաբերմունքն իր հանդեպ կոռեկտ է եղել, մինչդեռ բնակիչների նկատմամբ վերաբերմունքն այդպիսին չէր: Բնակիչների մեջ է եղել Հայրենական պատերազմի 95-ամյա մի վետերան, ով երեկ՝ ոստիկանների հետ բախման ժամանակ, լաց է եղել:

«Զորքը բերում են՝ մասնավորի շահերը պաշտպանելու` երեխաների, ծերերի, երկրորդ համաշխարհայինի վետերանի դեմ»,- ասաց Տիգրան Խզմալյանը:


Լարիսա Ալավերդյանը հավելեց, որ երեկ հեռախոսազրույց է ունեցել ՀՀ ոստիկանապետ Վլադիմիր Գասպարյանի հետ, ով կարծիք է հայտնել, որ որքան շուտ այդ գործընթացը մտնի իրավական հունի մեջ, այնքան լավ, քանի որ երբ գործը մտնում է դատարան, կասեցման որոշում է ընդունվում:


«Ես չէի ցանկանա, որ այդ կոշտ դիմադրությամբ ընթանան գործընթացները: Բայց եթե որևէ նորմ չի գործում, քաղաքացիները գնալու են այդ ուղով»,- ասաց Լարիսա Ալավերդյանը:


Նա վստահ է, որ բնակիչները արել են միայն այնպիսի քայլեր, որոնք պահանջվում են՝ իրենց իրավունքը պաշտպանելու համար, և իրական մտավորականները պետք է գնան ու կանգնեն պայքարող ժողովրդի կողքին:
Ասուլիսի ավարտին Տիգրան Խզմալյանն ասաց, որ վերադառնում է Կոմիտասի 5:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ