«Խաղաղության ձայներ»-ը Հայաստանում են
04.07.2013
12:30
Հուլիսի 4-ին` ժամը 12:30-ին «Մեդիա կենտրոն»-ում տեղի ունեցավ ասուլիս «Խաղաղության ձայներ» էքսպերիմենտալ երաժշտության փառատոնին ընդառաջ, որը տեղի կունենա հուլիսի 6-ին, ժամը 18:00-20:00-ին` Սիրահարների այգում: Փառատոնը կազմակերպում է «Քաղաքացիական Ֆորում» ՀԿ-ն:

Հուլիսի 4-ին` ժամը 12:30-ին «Մեդիա կենտրոն»-ում տեղի ունեցավ ասուլիս «Խաղաղության ձայներ» էքսպերիմենտալ երաժշտության փառատոնին ընդառաջ, որը տեղի կունենա հուլիսի 6-ին, ժամը 18:00-20:00-ին` Սիրահարների այգում: Փառատոնը կազմակերպում է «Քաղաքացիական Ֆորում» ՀԿ-ն:

Ասուլիսի բանախոսներն էին մասնակից հինգ երկրների ներկայացուցիչները՝ «Քաղաքացիական ֆորում» ՀԿ նախագահ Մարինե Մանուչարյանը, Փոլ Քոնըլին եւ Սորլա Բոյլը Միացյալ Թագավորությունից, Լաշա Ուգուլավան Վրաստանից, Մեհմեթ Կանփալթան Թուրքիայից, Գայա Զուֆան Լեհաստանից:


Փառատոնի ժամանակ նրանք հանդես կգան էքսպերիմենտալ երաժշտական կատարումներով: Փառատոնի նպատակն է երաժշտության միջոցով տարածել խաղաղության մշակույթը Եվրոպայում և նպաստել հակամարտությունների կարգավորմանը:


Կարևորելով երիտասարդության դերն ու գնահատելով նրա մեծ ներուժը` փառատոնը նպատակ ունի համախմբելու համամարդկային արժեքները կրող երիտասարդներին խաղաղության գաղափարի շուրջ, տրամադրելու նրանց գործակցության պլատֆորմ և աջակցելու նրանց միջև հետագա համագործակցության հաստատմանը:


«Մեր հիմնական նպատակն այն էր, որ Հայաստանում լինի խաղաղության մշակույթի զագացմանն ուղղված փառատոն, քանի որ մենք կոնֆլիկտային գոտու երկիր ենք: Մտածեցինք, որ հետաքրքիր կլինի հրավիրել այնպիսի մասնակիցների, ովքեր առնչվել են կոնֆլիկտի հետ»,- ասաց Մարինե Մանուչարյանը:

Նա հայտնեց, որ յոթ օրերի ընթացքում խումբը գտնվել է Դիլիջանում և ստեղծվել է յոթ նոր խումբ, գրվել են նոր երգեր, շաբաթ օրը ժամը 6-ին Սիրահարների այգում արդյունքը կներկայացվի հանդիսատեսին:


«Հայաստանն ինձ համար Եվրոպայից հեռու չէ և վերաբերմունքը խաղաղությանը և հակամարտության լուծումներին շատ եվրոպական է, հատկապես երիտասարդ սերնդի մոտ»,- համոզված է Փոլ Քոնըլին Հյուսիսային Իռլանդիայից:

Գայա Զուֆան Լեհաստանից հայտնում է, որ երիտասարդների հետ աշխատելը հետաքրքիր է, քանի որ կարճ ժամանակով մարդկանց խումբ է հավաքվում, ովքեր դառնում են շուտով ընկերներ և այդ բանակը գնալով մեծանում է:

«Ես իմ երկրում արդեն զարգացում տեսնում եմ: Երբ մարդիկ հավաքվում են երաժշտության շուրջ, հասկանում են, որ կան ավելի լավ բաներ, քան պատերազմն է», -համոզված է Վրաստանի մասնակիցը՝ Լաշա Ուգուլավան:


Թուրքիայի ներկայացուցիչ Մեհմեթ Կանփալթան խոստովանեց, որ միայն ուրախ է Հայաստանում գտնվելու համար:

«Ռումիանիայում կամավորական ծրագիր եմ անցկացրել, որտեղ հայ ընկերներ ունեմ: Հայաստանում շատ բարյացակամ վերաբերմունքի եմ հանդիպել»,- ասաց նա:

Լաշա Ուգուլավան ավելացրեց, որ պետք է ամեն գնով ձեռք բերել խաղաղություն, քանի որ, եթե խաղաղությունը ձեռք բերվի, մարդիկ կկառչեն դրանից:


Ծրագիրը հնարավոր է դարձել իրականացնել Եվրոպական Հանձնաժողովի «Երիտասարդությունը շարժման մեջ» ծրագրի շրջանակներում ստացված ֆինանսական աջակցության շնորհիվ: Ծրագրին աջակցում է նաև «Պողոսյան պարտեզներ» ԲՀ-ը:

Print Friendly and PDF
Այլ մամլո հաղորդագրություններ
Թավշյա հեղափոխություն. մշակութաբանական փոփոխություններ
18.05.2018
11:00
Մայիսի 18-ին Մեդիա կենտրոնում տեղի ունեցավ քննարկում «Թավշյա հեղափոխություն. մշակութաբանական փոփոխություններ» թեմայով:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
«Թավշյա զրույցներ» հեղափոխության դեմքերի հետ. Դավիթ Սանասարյան
16.05.2018
16:00
Մայիսի 16-ին «Մեդիա կենտրոնում» տեղի ունեցավ հանդիպում «թավշյա հեղափոխության» ակտիվ մասնակից, «Մերժիր Սերժին» նախաձեռնությանանդամ, ՀՀ քաղաքացի Դավիթ Սանասարյանի հետ:
«Դատաիրավական համակարգի բարեփոխումների պահանջ. իրավապաշտպանների առաջարկները»
15.05.2018
13:00
Դատաիրավական համակարգի առողջացման համար անձերի փոփոխություն է պետք. շատ դատավորներ կան, որոնք այս տարիների ընթացքում դատական համակարգի նկատմամբ լուրջ անվստահություն են ձևավորել:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ