Հանրակրթության մասին ՀՀ օրենքի նախագծի ընդունման հիմնախնդիրները
04.07.2013
11:00
Հուլիսի 4-ին` ժամը 11:00-ին «Մեդիա կենտրոն»-ում տեղի ունեցավ ասուլիս-քննարկում «Հանրակրթության մասին ՀՀ օրենքում փոփոխություններ և լրացումներ կատարելու մասին» օրենքի նախագծի ընդունման հիմնախնդիրների վերաբերյալ:

Ասուլիս-քննարկումը տեղի ունեցավ «Մեդիա կենտրոն»-ի եւ Պետական կառույցների հետ համագործակցության «Հանրային ցանց»-ի և այն համակարգող «Արազա» ԲՀԿ-ի համագործակցությամբ:

Ասուլիսի բանախոսներն էին «Արազա» ԲՀԿ նախագահ Թամարա Աբրահամյանը, «Հանրային ցանցի» կրթության, գիտության, մշակույթի, սպորտի և երիտասարդության հարցերի հանձնախմբի պատասխանատու Արեգ Սավգուլյանը, ՀՀ Կրթության և գիտության հարցերի հանրակրթության վարչության պետ Նարինե Հովհաննեսյանը:

«Օրենքը լուրջ թրծման կարիք ունի, որպեսզի համապատասխանի մեր պահանջներին»,- համոզված է Արեգ Սավգուլյանը, ով նշեց, որ քաղաքացիական հասարակությունը շարունակելու է հետեւել օրենքի բարեփոխման աշխատանքներին:
Թամարա Աբրահամյանը հայտնում է, որ երբ իրենք գրավոր դիտողություն ներկայացրին նախարարություն, պատասխան ստացան, որ դրանք առանձին կանոնակարգերով պետք է մշակվեն և մշակվելիս դիտողությունները հաշվի կառնվեն:

«Բայց դա չարվեց: Մի շարք դպրոցների տնօրեններ և ուսուցիչներ գտնում են, որ ներառական կրթության շրջանակում երեխաների առողջական գնահատման պարագայում պետք է առաջնորդվել թույլ, միջին և բարդ մակարդակներից ելնելով, ինչն այժմ սահմանված չէ բավարար չափորոշիչներով: Չէ՞ որ դպրոցում չի կարող լինել 20 խնդիր ունեցող երեխա, որն իր հետ կբերի մեկ մանկավարժ, նրանք տարբեր են լինելու: Ենթադրվում է, որ այդ աշխատողները պետք է գան կենտրոններից և մատուցեն ծառայություն, բայց դա օրենքում չի երևում: Պետք է պաշտոնական մեկնաբանություն լինի օրենքի, որպեսզի օրենքը կիրառող սուբյեկտները կարողանան պատկերացնել իրենց գործառույթները», - ասում է նա:


Նարինե Հովհաննեսյանը հայտնեց, որ իր կարծիքով խնդիրները շատ չեն եւ երկրում շատ ավելի բարենպաստ իրավիճակ է:

«Ներառական դպրոցների թիվն այս պահին 20-ն է. երկու տարում կունենանք մոտ 150 ներառական դպրոցներ: Այսօր ունենք 23 հատուկ դպրոց, այդքան դպրոց չի լինելու, մնալու է 5-6 դպրոց` հատուկ կարիքներով երեխաների համար` հետագայում գուցե դրանք նույնպես հանրակրթական ներառական համակարգ ներառելու հեռանկարով»,- ասաց Նարինե Հովհաննեսյանը:

Նա հայտնեց, որ մարզպետը չի ընտրում դպրոցի տնօրեններին:


«Մենք ունենք 8 հոգուց բաղկացած կառավարման խորհուրդ, որտեղ նաև մարզպետն ունի ներկայացուցիչ, կան ծնողներ և մանկավարժներ: Մենք դա արել ենք, որպեսզի խուսափենք կոռուպցիոն ռիսկերից, ծնողների ձայնը կարևորվում է ընտրության ժամանակ»,- ասաց նա:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ