Զորակոչիկների իրավունքների վիճակը
19.07.2013
12:00
Հուլիսի 19-ին` ժամը 12:00-ին «Մեդիա կենտրոն»-ում տեղի ունեցավ ասուլիս «Զորակոչիկների իրավունքների վիճակը և ՀՔԱ Վանաձորի գրասենյակի կողմից արձանագրված խնդիրները» թեմայով:

Ասուլիսի բանախոսներն էին՝ Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը, նույն գրասենյակի խաղաղասիրական բաժնի համակարգող Արմինե Սադիկյանը և ռազմաբժշկական փորձագետ Արթուր Մինասյանը:

Ասուլիսի ընթացքում ներկայացվեցին 2013 թ. նախազորակոչային և զորակոչային ժամանակահատվածում ՀՔԱ Վանաձորի գրասենյակ դիմած զորակոչիկների եւ նրանց հարազատների բողոքները և մտահոգությունները՝ կապված ոչ պատշաճ բժշկական զննության իրականացման հետ, իրենց երեխաների մոտ առկա հիվանդությունների և առանց դրանց բուժման զինված ուժեր զորակոչելու մասին:

«15 դիմած զորակոչիկներից 13-ի խնդիրները կապված են եղել առողջական վատ վիճակի և դրանց շուրջ ընթացակարգի խախտման հետ: Կա հրահանգ բուժհաստատություններին, որպեսզի գոյություն ունեցող հիվանդությունները գրավոր կերպով ներկայացվեն ավելի մեղմ, քան իրականում են: Կարևոր դեպքերից մեկն այն է, երբ զորակոչիկը համաձայն չէ իր առողջական վիճակի մասին եզրակացության հետ և ցանկանում է բողոքարկել, սակայն չի հասցնում, քանի որ խնդրի վերջնական լուծման համար ժամանակ չեն տրամադրում: Կարևոր է նաև զորակոչիկի նույն հիվանդության վերաբերյալ երկու բուժհաստատության կողմից տրվող իրարամերժ եզրակացությունները»,- ասաց Արմինե Սադիկյանը:

Սաքունցը այս վերաբերմունքը` առողջական լուրջ խնդիրներով քաղաքացուն զորակոչելը, գնահատում են որպես անմարդկային, մարդու արժանապատվության իրավունքը խախտող:

«Հիվանդությունների ցանկը և զորակոչի կարգը պետք է սահմանվի ՀՀ օրենքով, ոչ թե պաշտոնական գերատեսչության ղեկավարի հրամանով: Բժշկական փաստաթղթերում կան ակնհայտ կեղծիքներ, և եթե համապատասխան գերատեսչությունը հետաքրքրված է դրանք կանխել, թող ստեղծի վերահսկող հանձնաժողով»,- ասում է նա:

Իրավապաշտպանը համոզված է, որ պաշտպանական գերատեսչությունը իրավունք չուներ զորակոչի ընթացքում փոփոխել իրավական ընթացակարգը:

«Իրավական փաստաթղթերը բովանդակային և ձևակերպումների տեսակետից հակաիրավական են և անգրագետ: Հակաիրավական ակտերը, որոնք ընդունվում են պաշտպանական գերատեսչության կողմից, քրեորեն հետապնդելի են: Քրեորեն հետապնդելի է լուրջ առողջական խնդիրներով քաղաքացուն զինվորական ծառայության պարտադրելը»,- ասում է նա:

«Հրամանը, որը պաշտպանական գերատեսչությունը ներկայացրել է, բժշկական տեսանկյունից քարե դարին համապատասխան ձևակերպումներ ունի, որոնք օգտագործվել են սովետական շրջանում և աշխարհում կիրառություն չունեն:

Ոչ շարային ձևակերպումը հանել են կիրառությունից, և բոլոր նրանք ովքեր ոչ շարային էին, ավտոմատ տեղափոխվել են շարային` սահմանափակումներով, ընդ որում սա վերաբերում է նաև հոգեկան խանգարումներ ունեցող զորակոչիկներին»,- ահազանգում է Արթուր Մինասյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
«Թավշյա զրույցներ» հեղափոխության դեմքերի հետ. Դավիթ Սանասարյան
16.05.2018
16:00
Մայիսի 16-ին «Մեդիա կենտրոնում» տեղի ունեցավ հանդիպում «թավշյա հեղափոխության» ակտիվ մասնակից, «Մերժիր Սերժին» նախաձեռնությանանդամ, ՀՀ քաղաքացի Դավիթ Սանասարյանի հետ:
«Դատաիրավական համակարգի բարեփոխումների պահանջ. իրավապաշտպանների առաջարկները»
15.05.2018
13:00
Դատաիրավական համակարգի առողջացման համար անձերի փոփոխություն է պետք. շատ դատավորներ կան, որոնք այս տարիների ընթացքում դատական համակարգի նկատմամբ լուրջ անվստահություն են ձևավորել:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ