Ներքաաղքային տրանսպորտի գների բարձրացումը
22.07.2013
13:00
Հուլիսի 22-ին` ժամը 13:00-ին «Մեդիա կենտրոն»-ում տեղի ունեցավ ասուլիս` Երեւան քաղաքում տրանսպորտի գների թանկացման վերաբերյալ:

Ասուլիսի բանախոսներն էին՝ «Բարեւ Երեւան» դաշինքի ներկայացուցիչներ՝ Ստյոպա Սաֆարյանը, Դավիթ Սանասարյանը, Գագիկ Բաղադասարյանը, տնտեսագետ, «Հասարակական պաշտպանների միության» հիմնադիր Արամ Գրիգորյանը:

«Քաղաքապետի կուսակցական ընկերներից շատերն են իրականացնում ուղևորափոխադրումները, հետևաբար քաղաքապետը տուրք է տալիս իր հարազատների և մտերիմների շահերին: Ակնհայտ է, որ Երևան քաղաքն ունի այլ ղեկավար: Այլապես ես չեմ հասկանում, թե ինչպես բանական մարդը մի քանի ամիս առաջ անել այլ հայտարարություն, իսկ հիմա վախենում է դրան անդրադառնալ»,- ասում է Սաֆարյանը:

Դավիթ Սանասարյանը հայտնում է, որ սա առաջին դեպքը չէ, երբ տեսանելի է տարբերությունը պետական պաշտոնյաների խոսքի և գործի միջև:

«Քաղաքապետարանը քաղաքապետի ղեկավարությամբ շարունակում է բռի որոշումների ինստիտուտը, նրանք չեն հասկանում, որ կենդանու հետ չեն աշխատում և ցանկացած որոշում կայացնելուց առաջ պետք է հաշվի նստել քաղաքացու շահերի և քաղաքացու հետ: Մենք աջակցել և աջակցելու ենք քաղաքացիական այս ընդվզմանը, մենք կարող ենք լրագրողների հետ մտնել երթուղայիններ և խոսել վարորդների ու ուղևորների հետ»,-կարծում է Սանասարյանը:


Գագիկ Բաղդասարյանը նշում է, որ հանդիպումներ են ունեցել ուղևորափոխադրող ընկերությունների հետ, ովքեր առաջարկում են հարկային դաշտի մեղմացում, վառելիքի գնի սուբսիդավորում:

«Քննարկումներ ենք պատրաստվում իրականացնել ավագանու շրջանակներում` հասկանալու համար` ինչ հավելյալ մեխանիզմներ կարելի է գործադրել, որպեսզի այս թանկացումները տեղի չունենան»,- ասում է նա:

Արամ Գրիգորյանը նշեց, որ մի քանի օր առաջ հայ ժողովուրդն իբրև թե մարսեց գազի ու էլեկտրաէներգիայի սակագները:

«Ասում եմ իբրև թե, որովհետև սա դեռ շատ լուրջ հետևանքներ է ունենալու, հիմա էլ ասում են` ինչ է եղե՞լ որ, եթե դա մարսեցին, ուրեմն սա էլ կմարսեն Մեր գնահատմամբ` տրանսպորտի սպասարկման ոլորտում որևէ բան չի կատարվում: Սա սպասարկում չի, այսպիսի սպասարկման համար 10 դրամ վճարելն էլ է քիչ»,- ասաց նա:

Նա հայտնեց, որ ամբողջ մանիպուլյացիան ուղևորների քանակի վրա է, նրանք վերցնում են գործարանային թվեր, ասելով, որ երթուղայինն ընդամենը 14 մարդ է տեղափոխում` առանց հաշվի առնելու կանգնած ուղևորներին:

«Տարոն Մարգարյանի անունից որևէ պարզաբանում այս օրերին չի եղել, ո´չ գրավոր, ո´չ բանավոր, ավագանու անդամների հետ հանդիպում չի եղել: Այս որոշումը կայացրել է կամ Սերժ Սարգսյանը, կամ` գծատերերը, ովքեր հիշեցրել են, որ իրեն են ընտրել, հիմա էլ իրենց ուզածով պիտի լինի: Այլապես ես չեմ հասկանում, ինչու պիտի քաղաքապետը թաքնվի քաղաքապետարանի պարիսպների հետևում»,- հայտնեց Սաֆարյանը:

Ավագանին իրավունք ունի վիճարկելու քաղաքապետի ցանկացած որոշում: Դրա համար «Բարև Երևան» դաշինքը փորձելու է քննարկել այս հարցն արտահերթ նիստում: Սպասում է Բարգավաճ Հայաստանի արձագանքին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ