Համայնքների խոշորացման տեղական հանրաքվե. ԿԸՀ-ն գործընթացը դրական է գնահատում, դիտորդները խախտումներ են արձանագրել
19.05.2015
11:00
Կենտրոնական ընտրական հանձնաժողովը որևէ ահազանգ, կամ քվերակության կարգի խախտման վերաբերյալ արձանագրություն չի ստացել մայիսի 17-ին Հայաստանի երեք մարզերում անցկացված հանրաքվեի ժամանակ: Մինչդեռ դիտորդական առաքելություն իրականացրած «Ընտրական համակարգեր կենտրոն» ՀԿ-ի ղեկավարը բարձրաձայնում է իրենց արձանագրած խախտումների և մտահոգությունների մասին:

Մայիսի 17-ին Հայաստանում առաջին անգամ անկացվեց տեղական հանրաքվե Սյունիքի, Լոռու և Տավուշի մարզերի 22 համայնքներում: Հանրաքվեի անցկացման նախաձեռնությունը Կառավարությանն էր համայնքների խոշորացման նպատակով:

22 համայնքներում ձևավորվել էին 34 տեղամասային ընտրական հանձնաժողովներ, իսկ տեղական հանրաքվեն իրականացրել էր  3 ընտրատարածքային ընտրական հանձնաժողով: Մինչ քվեարկության օրը Կենտրոնական ընտրական հանձնաժողովը անցկացրել էր դասընթացներ թե´ տեղամասային ընտրական հանձնաժողովների, թե´ ընտրատարածքային ընտրական հանձնաժողովների անդամների համար:

Հանրաքվեի արդյունքների և դիտորդական աշխատանքների ամփոփման վերաբերյալ «Մեդիա կենտրոնի» քննարկմանն այսօր մասնակցում էին «Ընտրական համակարգեր կենտրոն» ՀԿ-ի ղեկավար Վահրամ Վարդանյանը, ՀՀ Կենտրոնական ընտրական հանձնաժողովի անդամ Նունե Հովհաննիսյանը և ՀՀ Կենտրոնական ընտրական հանձնաժողովի իրավաբանական վարչության պետ Լիլիա Հակոբյանը:

Նունե Հովհաննիսյանը ասում է, որ մինչ հանրաքվեի անցկացումը «Տեղական հանրաքվեի մասին» օրենքը ենթարկվեց անհրաժեշտ օրենսդրական փոփոխությունների և համապատասխանեցվեց գործող ընտրական օրենսգրքի պահանջներին:

«Քվեարկության օրը որևէ ահազանգ քվեարկության կարգի խախտման վերաբերյալ չենք ստացել: Ընտրատարածքային ընտրական հանձնաժողովները ուսումնասիրել են նաև տեղամասային ընտրատեղամասերի գրանցամատյանները և այս պարագայում ևս քվեարկության կարգի խախտման վերաբերյալ որևէ գրառում գրանցված չէ»,-նշում է Հովհաննիսյանը:

Լիլիա Հակոբյանը ներկայացրեց  հանրաքվեի արդյունքներն՝ ըստ համայնքների:

Տեղական հանրաքվեն անցկացվել է Լոռու մարզի 7 համայնքներում, Տավուշի մարզի 7 համայնքում և Սյունիքի 8 համայնքներում:

«Լոռու մարզի 3 համայնքներում մասնակիցների կեսից ավելին համայնքների խոշորացմանը քվեարկել է «ոչ», իսկ 4 համայնքներում քվեարկել «այո»: Տավուշի մարզի 3 համայնքներում մասնակիցների կեսից ավելին քվեարկել են «ոչ», իսկ 4 համայնքների կեսից ավելին՝ «այո»: Սյունիքի մարզի 8 համայնքներից բոլորում մասնակիցների կեսից ավելին քվեարկել են «այո»»,-նշեց Հակոբյանը:

Հանրաքվեի օրը դիտորդություն իրականացնելու նպատակով գրանցվել էր երեք հասարակական կազմակերպություն՝ Գորիսի Մամուլի ակումբը, «Ազատականություն և ժողովրդավարություն» ՀԿ-ն և «Ընտրական համակարգեր կենտրոն» ՀԿ-ն:

Վերջին ՀԿ-ն դիտորդություն է իրականացրել Տավուշի մարզի երեք ընտրատեղամասերում: Իսկ Լոռու մարզում որևէ դիտորդական խումբ ներգրավված չի եղել:

«Ընտրական համակարգեր կենտրոն» ՀԿ-ն-ի ղեկավար Վահրամ Վարդանյանը ասում է, որ ընդհանուր առմամբ կար պասիվություն թե´ ԶԼՄ-ների, թե´ դիտորդական կազմակերպությունների կողմից հանրաքվեն լուսաբանելու և վերահսկելու առումով:

«Նախ դեռ քարոզարշավի ընացքում կային էական բացեր ինչպես «Տեղական հանրաքվեի մասին» օրենքում, այնպես էլ ՀՀ Ընտրական օրենսգրքում: Մինչ բուն քվեարկության օրը հասնելը կառավարության ներկայացուցիչները պտտվում էին մարզերում և քարոզչություն իրականացնում, որ մարդիկ կողմ քվեարկեն, ինչը իքնին արգելված է ՀՀ «Տեղական հանրաքվեի մասին» օրենքով»,- ասաց Վարդանյանը:

Նա նշեց նաև, որ ընտրատեղամասերի մուտքի առջև եղել են մարդկանց կուտակումներ,  ոստիկանության և մարզպետարանների ներկայացուցիչները ներկա են եղել ընտրատեղամասերում  ամբողջ օրը տեղի ունեցող ընտրական գործընթացին:

«Թեղուտի ընտրատեղամասում եղել է քվեաթերթիկի կորուստ: Մյուս կարևոր հանգամանքը այն էր, որ հանձնաժողովի անդամների մոտ կար լցոնումներ իրականցնելու ցանկություն, քանի որ ասում էին. «Քիչ է ձայները, եկեք մի բան անենք»: Բայց գործողությունների չեն դիմել, որովհետև մեր դիտորդը այնտեղ էր, չնայած նրան, որ իրենք անընդհատ փորձել են մեր դիտորդին ճնշել, դուրս հրավիրել, ուշադրությունը շեղել»,-նշում է Վարդանյանը:

Ըստ նրա՝ մտահոգիչ էր նաև այն, որ քաղաքացիների նկատմամբ վերահսկողություն սահմանելը շատ դժվար էր, երբ նրանք քվեարկությանը մասնակցում էին նույնականացման քարտերով: Վարդանյանի կարծիքով այստեղ կրկնակի քվեարկություն անցկացնելու ռիսկեր կան:

Հակադարձելով Վարդանյանին՝ ԿԸՀ-ի ներկայացուցիչը պարզաբենց, որ հանձնաժողովում գրանցում իրականացնող անձի նկատմամբ վերահսկողությունը նույն ձև է,  ինչպես տեղական ինքնակառավարման ընտրությունների ժամանակ:

«Թե´ դիտորդը, թե´ ԶԼՄ-ի ներկայացուցիչը կարող էին հետևել հանձնաժողովի անդամի աշխատանքին: Ընտրական օրենսգիրքը ունի գործուն մեխանիզմ, որպեսզի ընտրողը երկու անգամ չքվեարկի: Երբ նա գալիս է ընտրատեղամաս, նրա անվան դիմաց լրացվում է նրա անձը հաստատող փաստաթղթի տվյալները, և եթե երկրորդ անգամ փորձի գալ, դա արդեն լրացված է, չի կարոց կրկին մասնակցել քվեարկությանը: Մայիսի 17-ի հանրաքվեին 34 տեղամասերում աշխատել են մոտ 274 տեղամսային հանձնաժողովի անդամներ և նրանց կողմից ոչ մի հատուկ կարծիք չունենք, որ խախտում է եղել: Որևէ միջադեպ չի եղել»,-պարզաբանեց Հովհաննիսյանը:

Քննարկման ամբողջական տեսագրությունը դիտեք այստեղ:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ