Էլեկտրաէներգիայի հերթական թանկացման ռիսկերը չեն վերացել
19.06.2015
11:00
Էլեկտրաէներգիայի սակագների բարձրացումը, որը Հանրային ծառայությունների կարգավորման հանձնաժողովի որոշման համաձայն տեղի կունենա օգոստոսի 1-ից, կառաջացնի բացասական սոցիալ-տնտեսական հետևանքներ: Որպես հետևանք հանրապետությունում սպասվող թանկացումները կհարվածեն սպառողի գրպանին և կնվազեցնեն տնտեսվարողների մրցունակությունը: Այդ մասին հայտարարեց տնտեսագետ Արտակ Մանուկյանը՝ ներկայացնելով էլեկտրաէներգիայի սակագների բարձրացման հետևանքները:

Հանրային ծառայությունները կարգավորող հանձնաժողովը, չնայած բնակչության բուռն դժգոհությանը և բողոքներին, հունիսի 17-ին մասնակիորեն բավարարեց էլեկտրաէներգիայի սակագների բարձրացման Հայաստանի էլեկտրական ցանցերի ներկայացրած հայտը: Համաձայն հանձնաժողովի որոշման էլեկտրաէներգիայի սակագինը կբարձրանա 6,93 դրամով՝ ՀԷՑ-ի հայտով առաջարկած 17 դրամի փոխարեն:

«Մեդիա կենտրոնում» հունիսի 19-ին Թրանսփարենսի ինթերնեշնլ հակակոռուպցիոն կենտրոնի գնումների քաղաքականության փորձագետ, տնտեսագետ Արտակ Մանուկյանի և «Հայկական ժամանակ» թերթի տնտեսական մեկնաբան Հայկ Գևորգյանի մասնակցությամբ տեղի ունեցավ քննարկում «Էլեկտրաէներգիայի սակագնի թանկացման տնտեսական հետևանքները» թեմայով: Քննարկմանը տեսազանգի միջոցով Գյումրիից մասնակցեց նաև «Խորան-ԱՐԴ» ինտելեկտուալ կենտրոնի ղեկավար Արմեն Պետրոսյանը: Հայկ Գևորգյանի կարծիքով էլեկտրաէներգիայի 16%-ի չափով թանկացումը կհանգեցնի մոտ 1% հավելյալ գնաճի: «2014թ-ի, երբ տեղի ունեցավ էլեկտրաէներգիայի թանկացում 11%-ի չափով, այն հանգեցրեց մոտ 0.4% հավելյալ գնաճի: Այս դեպքում մենք գործ ունենք 16% թանկացման հետ, որը կհանգեցնի շուրջ 1% հավելյալ գնաճի:

Նշանակում է պետական բյուջեով պլանավորված 4,5% գնաճին կավելանա ևս 1%, և մենք կունենանք արդյունքում 5,5% ընդհանուր տարեկան ինֆլայցիա», - նշեց Գևորգյանը: Թանկացումների տնտեսական հետևանքը, ըստ բանախոսի, առաջին հերթին կլինի սպառման ծավալների կրճատման տեսքով: «Յուրաքանչյուր ընտանիք սպառման համար նախատեսած գումարներից տարեկան մոտ 40-50 հազար դրամ պետք է կրճատեն և ուղղեն էլեկտրաէներգիայի վարձի վճարմանը: Այսինքն, այն փողը, որը պետք է մարդիկ ծախսեին ապրանքներ ձեռք բերելու համար, հիմա պետք է դրա վրա խնայեն ու տան էլեկտրաէներգիային», - նշեց նա: Տնտեսագետ Արտակ Մանուկյանն անդրադարձավ կառավարության կողմից ձեռնարկվող միջոցառումներին՝ էլեկտրաէներգիայի թանկացման սոցիալական հետևանքները մեղմելու համար: Այժմ կառավարությունը հաշվարկներ է իրականացնում, թե ինչ սոցիալ-տնտեսական հետևանքների կբերի էլեկտրաէներգիայի սակագների թանկացումը: Այնուամենայնիվ, գործադիրը նշել է, որ աջակցություն է տրամադրելու սոցիալապես անապահով խավերին:

«Կառավարության աջակցությունն իրականում չի կարող մեղմել իրավիճակը, քանի որ այն ուղղված է միայն էլեկտրաէներգիայի սակագնի բարձրացմանը: Կոմունալ թանկացումը շղթայական անդրադառնալու է մյուս բոլոր ոլորտների վրա: Այն բերելու է նաև այլ ապրանքների և ծառայությունների թանկացման, ինչը վերաբերում է բնակչության բոլոր խմբերին, որը հաշվի չի առնվում», - նշեց Արտակ Մանուկյանը:

Էլեկտրաէներգիայի սակագների բարձրացման հերևանքները դժգոհություն է առաջացրել նաև Գյումրիում, որտեղ հունիսի 19-ին անցկացվելու է բողոքի ակցիա: «Այսօր ցույց է լինելու Գյումրու թատերական հրապարակում էլեկտրաէներգիայի սակագնի թանկացման դեմ», - տեղեկացրեց քննարկմանը Գյումրիից տեսազանգի միջոցով միացած «Խորան-ԱՐԴ» ինտելեկտուալ կենտրոնի ղեկավար Արմեն Պետրոսյանը: Նրա կարծիքով, թանկացումները առաջին հերթին բացասական են անդրադառնալու գյուղերից Գյումրիում վարձով ապրող ուսանողների և նպաստառուների վրա: Քննարկման մասնակիցները վստահ են, որ սակագների թանկացման հիմնական պատճառը ՀԷՑ-ում կառավարման հետ կապված խնդիրներն են: Իսկ քանի կան այդ խնդիրները, այդքան ժամանակ ակտուալ է լինելու էլեկտրաէներգիայի թանկացման հարցը:

«ՀԷՑ-ն ունի կառավարման խնդիր, և դրանում մեղավոր է Հայաստանի իշխանությունը, քանի որ վերջինս չի ձգտում ունենալ ճիշտ կառավարվող համակարգ ունեցող էլեկտրական ցանցեր: Քանի դեռ նման խնդիր չի դրված, մենք չենք կարող համոզված լինել, որ սակագաների նոր բարձրացման հայտեր չեն ներկայացվի», - նշեց Հայկ Գևորգյանը: Քննարկման մասնակիցները համակարծիք էին, որ ՀԷՑ-ի համակարգում դրական փոփոխությունների բացակայության պայմաններում ապագայում ևս քաղաքացիները կբախվեն էլեկտրաէներգիայի թանկացման խնդրին: Հավանաբար այն տեղի կունենա 2017թ-ին, քանի որ հաջորդ տարում ամենացածր գնով էլեկտրաէներգիա արտադրող աղբյուրը՝ Մեծամորի ատոմակայանը, վերանորոգվելու է: «Այդ գործընթացը տևելու է մոտ վեց ամիս, որի ընթացքում էլեկտրաէներգիա է ձեռք բերվելու ավելի թանկ աղբյուրներից: Իսկ սա նշանակում է նոր պարտքերի գոյացում, և որպես հետևանք՝ սակագաների բարձրացման ռիսկերի ուժեղացում», - հայտարարեց Հայկ Գևորգյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր:

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Հայաստանում ամուսնական զույգերը պլանավորում են շատ, բայց ունենում քիչ երեխաներ. ՄԱԿ 2017թ. ուսումնասիրություն
11.07.2018
12:00
Հուլիսի 11-ին Բնակչության համաշխարհային օրը Մեդիա կենտրոնում ներկայացվեց ՄԱԿ-ի Բնակչության հիմնադրամի կողմից իրականացված ՀՀ բնակչության վերարտադրողական վարքագծի ուսումնասիրության արդյունքները:
Նոր քաղաքապետ, թե՞ նոր ավագանի
11.07.2018
11:00
Հուլիսի 9-ին Երևանի քաղաքապետ Տարոն Մարգարյանը հրաժարական ներկայացնելուց հետո ապագա քաղաքապետի ընտրության հետ կապված անորոշ իրավիճակ է ստեղծվել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ